በመተከል ዞን በሁለት ቢላዋ የሚበሉ የጸጥታ ሃይል አባላት ከድርጊታቸው እንዲቆጠቡ ማሳሰቢያ ተሰጠ

በቤኒሻንጉል ጉሙዝ ክልል መተከል ዞን የተጣለባቸውን የህዝብ አደራ ችላ በማለት የሽፍታውን እንቅስቃሴ እያገዙ ‘በሁለት ቢላዋ የሚበሉ’ የጸጥታ መዋቅሩ አባላት አካሄዳቸውን ማስተካከል እንዳለባቸው ማሳሰቢያ ተሰጠ።

በፌዴራል መንግስት የተቋቋመው የተቀናጀ ግብረ ሃይል በቤኒሻንጉል ጉሙዝ ክልል በመተከል ዞን ለሚሰሩ የጸጥታ ሃይል አመራሮችና አባላት ስልጠና እየሰጠ ነው።

በፌዴራል መንግስት የተቋቋመው ግብረ-ሃይል በዞኑ ከሚገኙ የተለያዩ ማህበረሰብ ክፍሎች ጋር ባደረገው ውይይት በዞኑ በተከሰተው የጸጥታ ችግር ላይ አንዳንድ የጸጥታ ሃይል አባላት እጃቸው እንዳለበት መገንዘቡን አስታውቋል።

በመሆኑም በዞኑ የሚሰራው የጸጥታ ሃይል አመራሮችና አባላት እንዲገመገሙና ሥልጠና እንዲወስዱ እየተደረገ ነው።

ከጋንታ መሪ እስከ ብርጌድ አዛዥ የነበሩ 109 ፀረ-ሽምቅ፣ ልዩ ጥበቃና አድማ ብተና ልዩ ኃይሎች እንዲሁም በዞኑ በየደረጃው የሚገኙ 37 የፖሊስ አመራሮች ስልጠናውን መውሰድ ጀምረዋል።

የምዕራብ ዕዝ ምክትል አዛዥና የግብረ-ሃይሉ አባል ብርጋዴል ጄነራል ዓለማየሁ ወልዴ እንዳሉት፤ የጸጥታ ኃይሉ የተለያዩ ብሄር ብሄረሰቦችን በእኩልነትና በተዓማኒነት የማገልግል ሃላፊነት አለበት።

ከዚህ በተቃራኒ የሚደረጉ ማናቸውንም አይነት ህገ-ወጥ እንቅስቃሴ በፍጥነት መቆም እንዳለበትም ነው ያሳሰቡት።

“የህዝብ አገልጋይ መስለው የሽፍታውን እንቅስቃሴ እያገዙ ‘በሁለት ቢላዋ ለመብላት’ ሲነቀሳቀሱ የነበሩ የጸጥታ መዋቅሩ አባላት አካሄዳቸውን ማስተካከል አለባቸው” ብለዋል።

“ማንኛውም የጸጥታ ኃይል ከህዝብና አገር በታች መሆኑን አስገንዝበው፤ የተዘበራረቀ አስተሳሰብ የሚያራምዱ የጸጥታ መዋቅር አባላት ቆም ብለው መስመራቸውን ሊያጠሩ እንደሚገባም አሳስበዋል።

በፌደራል ፖሊስ ኮሚሽን የወንጀል መከላከል ዘርፍ ምክትል ኦፕሬሽን ኃላፊ ረዳት ኮሚሽነር ኢሳቅ አሊ የጸጥታ ኃይሎች ከፖለቲካ ፓርቲ ወገንተኝነት ነጻ ሆነው ሃላፊነታቸውን በአግባቡ መወጣት እንዳለባቸው ነው የተናገሩት።

የፖሊስ ተልዕኮ ህገ-መንግስቱንና ህገ-መንግስታዊ ሥርዓቱን ማክበርና ማስከበር መሆኑን ጠቅሰው፤ ከዚህ ተልዕኮ ውጭ ሌላ ዓላማ ያነገቡ የጸጥታ ኃይሎች ራሳቸውን እንዲፈትሹ አሳስበዋል።

“የክልሉ የፖሊስና ልዩ ኃይል አባላት በህብረተሰቡ ዘንድ ይነሳባቸው የነበረውን ቅሬታ በእኩልነት በማገልገልና አካባቢውን ሰላማዊ በማድረግ መካስ አለባቸው” ብለዋል።

የቤኒሻንጉል ጉሙዝ ክልል ብልጽግና ፓርቲ ጽህፈት ቤት ኃላፊ አቶ ኢሳቅ አብዱልቃድር በበኩላቸው ከፖሊስ የሚጠበቀው ከወገንተኝነት ነጻ በሆነ መልኩ ሳይንሱን መተግበር ብቻ መሆኑን ገልጸዋል።

“ጸጥታ ሃይሉ በዞኑ የተፈጸመው መጥፎ ድርጊት እንዳይደገም በሃላፊነት መስራት አለበት” ሲሉም ሃላፊው ጥሪ አቅርበዋል።

ጥር 19 ቀን 2013 (ኢዜአ)

Related posts:

«ሕወሓት ጦርነትን እንደ አምልኮ የሚቆጥር ቡድን ነው» – ፕሮፌሰር ሀረገወይን አሰፋ
«በሕገወጦች ላይ ያለ ምኅረት እርምጃ መውሰድ አለብን፤ ይህ የመንግሥት ተግባር ነው» የአማራ ክልል
125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ

Leave a Reply