በጋምቤላ ብሔራዊ ፓርክ ውስጥ በሚገኙ እንስሳት ላይ ከፍተኛ ህገ ወጥ አደን እየተካሄደ መሆኑን የፓርኩ ጽህፈት ቤት አስታወቀ።

የኢትዮጵያ ዱር እንስሳት ልማትና ጥበቃ ባለስልጣን በበኩሉ “በጋምቤላ ብሔራዊ ፓርክ የብዝሃ ህይወት ሀብት ላይ እየደረሰ ያለውን ጉዳት ለመከላከል የባለድርሻ አካላት የተቀናጀ ትብብር ያስፈልጋል” ብሏል።

በፓርኩ በሚገኙ የእንስሳት ሀብት ላይ ከፍተኛ ህገ ወጥ አደን እየተካሄደ መሆኑን የተናገሩት የፓርኩ ጽህፈት ቤት ከፍተኛ ባለሙያ አቶ ሄኖከ ታምሩ፤ “በተለይም የነጭ ጆሮ ቆርኪ እና ዝሆኖች ላይ ከፍተኛ አደን እየተካሄደ ነው” ብለዋል።

በዘንድሮ ዓመት ብቻ አምስት ዝሆኖችም መገደላቸውን ለአብነት ጠቅሰዋል። “ችግሩን ለመከላከል ጥረት እየተደገ ቢሆንም የተፈለገውን ያህል ለውጥ ማምጣት አልተቻለም” ብለዋል።

የቀድሞ የፓርኩ ጽህፈት ቤት ኃላፊ የአሁኑ የጋምቤላ ዩኒቨርሲቲ ምክትል ፕሬዚዳንት ዶክተር ጋልዋክ ኮርት “ቀደም ሲል በፓርኩ ከ550 በላይ ዝሆኖችና ከ1 ሚሊዮን የሚበልጡ የነጭ ጆሮ ቆርኪዎች ነበሩ” ሲሉ አስታውሰዋል።

የዝሆኖችም ሆነ የነጭ ጆሮ ቆርኪና የሌሎች እንስሳት ቁጥር እየቀነሰ እንደሚገኝ አመልክተው፤ “በፓርኩ ብዝሃ ህይወት ሀብት ላይ ተደቅኖ ያለውን ችግር ለመከላከል ሁሉም ሊሰራ ይገባል” በማለት አሳስበዋል።

የክልሉ ባህልና ቱሪዝም ምክትል ቢሮ ኃላፊ ዶክተር ሎው ኡቡፕ በፓርኩ እያጋጠሙ ያሉ ተግዳሮቶችን ለማቃለል ቢሮው ከባለድርሻ አካላት ጋር በቅንጅት እንደሚሰራ አመላክተዋል።

የፓርኩን ወሰን ግምት ውስጥ ያላስገባ የግብርና ኢንቨስትመንት፣ ህገ ወጥ ሰፈራን፣ አደንና ሌሎች ድንበር ዘለል የአርብቶ አደሮች ጥቃት በመከላከል ረገድ ቢሮው በትኩረት እንደሚሰራ አስታውቀዋል።

የኢትዮጵያ ዱር እንስሳት ልማትና ጥበቃ ባለስልጣን ምክትል ዋና ዳሬክተር አቶ ሰለሞን መኮንን ለኢዜአ እንደገለጹት፤ በፓርኩ ላይ እየደረሱ ያሉትን ድንበር ዘለልና ውስጣዊ ተጽዕኖዎች ለመከላከልና የባለድርሻ አካላትን አጋርነት ለማጠናከር የንቅናቄ ስራዎችን እያካሄደ ነው።

ምክትል ዋና ዳይሬክተሩ  ፓርኩ በእንስሳት ፍሰቱ በአፍሪካ ብሎም በዓለም ከሚታወቀው የሰረንጌቲ ፓርክ ቀጥሎ ተጠቃሽ ቢሆንም በሀብቱ ልክ ለምቶ ጥቅም እየሰጠ አይደለም ብለዋል።

በፓርኩ ላይ እየደረሱ ያሉትን ተጽዕኖዎች በመከላከል ሀብቱን ለኢኮኖሚ ግንባታ ለማዋል እየተደረገ ላለው ጥረት በየደረጃው የሚገኙ የክልሉ አመራር አካላትና የማህበረሰቡ የተቀናጀ ጥረት እንደሚያስፈልግ አመልክተዋል።

የጋምቤላ ብሔራዊ ፓርክ በ1960 ዓ.ም የተቋቋመ ሲሆን ባለው 4 ሺህ 575 ስኩዌር ኪሎ ሜትር ስፋት ውስጥ 69 የአጥቢ፣ 327 አዕዋፍ፣ ሰባት የተሳቢ እንስሳትና 493 የእጽዋት ዝርያዎች ይገኙበታል ሲል የዘገበው ፋና ነው

  • በ”ገዳዩ” የትህነግ የትምህርት ፖሊሲ “ትውልድ ላሽቋል”፤ ብርሃኑ ነጋ ታዩ
    በጦርነት እንዳይሆን ሆኖ ከተቀጠቀጠ በሁዋላ ትዕቢቱን በውርደትና ተዘርዝሮ በማይጠቃለል ኪሳራ ዘግቶ የፍርድ ቀኑንን የሚጠብቀው ትህነግ፣ ዛሬ በድጋሚ ድል መደረጉ ይፋ ሆኗል። “ኢትዮጵያ ትህነግን በገሃድ ድል አደረች። ልጆቿንም ከመንጋጋው ነጠቀች” ሲሉ የገለጹ ” ለምን ድንጋይ ወርዋሪና በመንጋ የሚነዳ ትውልድ እንድተፈጠረ አሁን ገባን” ሲሉም ተደምጠዋል። የአስራ ሁለተኛ ክፍል ተማሪዎች የፈተና ውጤት ይፋContinue Reading
  • “የወደቁት ተማሪዎቻችን  ብቻ ሳይሆኑ የወደቅነው እንደሃገር ነው”
    ከ50 በመቶ በታች ያመጣ ማንኛውም ተማሪ ዩንቨርስቲ አይገባም ሲሉ ፕሮፌሰር ብርሃኑ ነጋ ተናገሩ በቀጣይ በቀረበው የመፍትሄ አቅጣጫ የተዳከውሙባቸውን ትምህርቶች በዩንቨርስቲ ዳግም እንዲማሩ ተደርጎ በአመቱ መጨረሻ እንዲፈተኑ በማድርረግ ያለፉት የዩንቨርስቲ ስርዓቱን እንዲቀላቀሉም ይደረጋልም ብለዋል ። ሚኒስትሩ ጨምረው የወደቁት ተማሪዎቻችን  ብቻ ሳይሆኑ የወደቅነው እንደሃገር ነው ያሉ ሲሆን ተማሪዎች በሚገባው ስነ ምግባር ትምህርታቸውን አለመከታተላቸው Continue Reading
  • ዓለም ባንክ 745 ሚሊየን ዶላር ድጋፍ አደረ
    የገንዘብ ሚኒስቴር ከዓለም ባንክ ጋር የ745 ሚሊየን ዶላር የድጋፍ ስምምነት ተፈራረመ የገንዘብ ሚኒስቴር ከዓለም ባንክ ጋር የ745 ሚሊዮን ዶላር የድጋፍ ስምምነት ተፈራርመዋል። ስምምነቱን የገንዘብ ሚኒስትሩ አህመድ ሽዴና የዓለም ባንክ የኢትዮጵያ፣ ኤርትራ፣ ሱዳንና ደቡብ ሱዳን ዳይሬክተር ዑስማን ዳዮኔ ፈርመዋል። በድጋፍ የተገኘው ገንዘብም ለጤና አገልግሎት ተደራሽነት እና ለጎርፍ መከላከል ፕሮጀክት ተግባር የሚውልContinue Reading
  • “በትግራይ ክልል ከኢፌዴሪ የመከላከያ ሰራዊት ውጭ በግዳጅ ላይ ያለ ሌላ የፀጥታ ሀይል የለም”
    በትግራይ ክልል ከኢፌዴሪ የመከላከያ ሰራዊት ውጭ በግዳጅ ላይ ያለ ሌላ የፀጥታ ሀይል የለም፦ ሜጄር ጄኔራል ተሾመ ገመቹ መቀመጫቸውን አዲስ አበባ ላደረጉ ለተለያዩ ሀገራት ወታደራዊ አታሼዎች ፤ የአፍሪካ ህብረት ተወካዮች ፤ ከቀይ መስቀልና ከዓለም አቀፍ ድርጅቶች ለተውጣጡ አመራሮች በሰላም ስምምነቱ ትግበራ ዙሪያ ማብራሪያ ተሰጥቷል። ማብራሪያውን የሰጡት የመከላከያ የውጭ ግንኙነት እና ወታደራዊContinue Reading

Leave a Reply