ከባድ ውንብድና የፈጸሙ የፖሊስ አባላት ተፈረደባቸው

የፊደራል አቃቤ ህግ በኦፊሳል ገጹ ይፋ እንዳደረገው ከባድ የውንብድና መፈጸማቸው በማስረጃና በሰው ምስክር የተረጋገጠባቸው የፖሊስ አባላት እያንዳንዳቸው በ13 ዓመት ጽኑ እስራት እንዲቀጡ የከፍተኛው ፍርድ ቤት ልደታ ምድብ ችሎት ወስኗል። ጥፋተኞቹ ጥፋታቸውን ማመናቸውን ተጠቁሟል።

ህግን ለማስከበር እንዲገለገሉበት የተሰጣቸውን የፖሊስ መኪና እና የደንብ ልብስ በመጠቀም ከባድ የውንብድና ወንጀል የፈፀሙት የፖሊስ ዓባላት በፅኑ እስራት እንዲቀጡ ተወሰነ የዐቃቤ ህግ ክስ እንደሚያስረዳው

1ኛ ተከሳሽ ረ/ ሣጅን መሀመድ ሰይድ እና 2ኛ ተከሳሽ ረ/ሣጅን ገመቹ አለማየሁ የተባሉት የፖሊስ አባላት ወይም ተከሳሾች የወንጀል ህግ አንቀፅ 32 /1/ሀ/ እና 671 /1/ለ/ ስር የተመለከተውን ድንጋጌዎች በመተላለፍ ሰኔ 27/2010 ዓ.ም በግምት ከቀኑ 7፡00 ሰዓት ሲሆን በንፋስ ስልክ ላፍቶ ክፍለ ከተማ ልዩ ቦታው” ሀይሌ ጋርመንት“ አካባቢ ዶላር አለን የሚገዛን ሰው አገናኙን በማለት የግል ተበዳይ ቢኒያም ሲሣይን ከላይ በተገለፀው ቦታ እንዲመጣ ያደርጋሉ።

ከዛ በኋላ የ4ኛ የዐቃቤ ህግ ምስክር ንብረት የሆነውን ቶዮታ ኮሮላ መኪና ፊት ለፊት የሰሌዳ ቁጥሩ ሊታወቅ ያልቻለና ለስራ እንዲገለገሉበት የተሰጣቸውን የፌደራል ፖሊስ ፒካፕ መኪና በማቆም እና መንገዱን በመዝጋት ተበዳይ ላይ ሽጉጥ በመደገን “እንዳትንቀሳቀስ ግንባርህን ነው የምንልህ” በማለት ተበዳይ በጥቁር ቦርሳ ይዞት የነበረውን ብር 1,500,000 (አንድ ሚሊዮን አምስት መቶ ሺ ብር) ይዘው ሊሰወሩ ሲሉ በሌሎች የህግ አስከባሪ አካላት እጅ ከፍንጅ የተያዙ በመሆኑ በፈፀሙት ከባድ የውንብድና ወንጀል በዐቃቤ ህግ ክስ ተመስርቶባቸዋል።

የፌደራሉ ከፍተኛ ፍርድ ቤት ልደታ ምድብ ወንጀል ችሎትም ተከሳሾቹ ጥፋታቸውን በማመናቸውና በመፀፀታቸው የዐቃቤ ህግን ዝርዝር የሰው፣ የሰነድ እና የኢግዚቪት ማስረጃዎች ማየት እና ማዳመጥ ሳያስፈልገው ችሎቱ ጥር 20/2013 ዓ.ም በዋለው ችሎት ተከሳሾች ጥፋተኛ ናቸው ሲል ፍርድ በመስጠት ከዚህ በፊት የጥፋት ሪከርዶች የሌለባቸው እና በተለያዩ የበጎ አድራጎት ስራዎች ይሳተፉ እንደነበር በማረጋገጡ የቅጣት ማቅለያዎችን በመያዝ ተከሳሾችን ያርማል መሰል አጥፊዎችንም ያስተምራል ሲል እያንዳንዳቸው በ13 ዓመት ፅኑ እስራት እንዲቀጡ ወስኖባቸዋል ።

  • ኢትዮጵያ እንደገና አንድ ሆና ተሰፋች፤ ደስም አለን!
    ዛሬ ሁሉም ዜጋ ” አገሬ” አለ። ያለ ልዩነት ” ማን እንደ አገር” ብሎ ጮኸ። በራሱ ተነስቶ ” እኔም ወታደር ነኝ ” አለ። ከባህር ማዶ ያሉ ከሃጂዎች አገር ለማፍረስ ሲማማሉ፣ የስልጣን ክፍፍል ሲያደርጉ፣ ግማሾቹ በስተርጅና ሲቀሉ፣ ትርፍራፊ የሚጣልላቸው ሚድያዎች አገራቸው ላይ አድማ ሲጠሩ፣ አንዳንድ ባለሃብት ነን ባዮች ቀን ቀን ቤተ ክርስቲያን፣Continue Reading
  • ለትግራይ ጄኔራሎች- “አይ” ካላችሁ ግን ውርድ ከራሴ ብያለሁ
    የምትከተሉት የውጊያ ስልት ያረጀና ያፈጀ ነው። የመጨረሻ ውጤቱም ትግራይን ትውልድ አልባ የሚያደርግ ነው። ለዚህ ማስረጃው ደግሞ አፋር ላይ “ክተት” ብላችሁ ልካችሁት እንደ ቅጠል ረግፎ የቀረው ወጣት ነው። የሰው ማዕበል ስትራቴጂ በዚህ የቴክኖሎጂ ዘመን የሚያስገኘው ውጤት ኢምንት ነው። የሰው ማዕበል በአንድ ድሮን፣ በአንድ የአውሮፕላን ቦንብ ወይም በዘመናዊ አውቶማቲክ መሳሪያ ይበተናል። አፋርContinue Reading
  • “አሸባሪው ትህነግ”በማይጠብሪ፣ በዋግ በአበርገሌ አከባቢ፣ በራያና በአላማጣ ከፍተኛ ኪሳራ ደርሶባታል
    የአማራ ክልል የመንግሥት ኮምዩኒኬሽን ጉዳዮች ጽሕፈት ቤት ዋና ዳይሬክተር ግዛቸው ሙሉነህ ጀግናው የመከላከያ ሠራዊት፣ ልዩ ኃይል፣ ሚሊሻ እና የአማራ ሕዝባዊ ሠራዊት በአውደ ዉጊያ ዉሎው ጠላትን እያንበረከከ ወደፊት እየገሰገሰ መሆኑን አስታወቁ። በማይጠብሪ፣ በዋግ በአበርገሌ አከባቢ፣ በራያና በአላማጣ ከፍተኛ ኪሳራ ደርሶባታል ዋና ዳይሬክተሩ በቅጥረኛ የትህነግ ተቀጣሪ አክቲቪስቶች በሀሰት እንደሚነዛው መረጃ ሳይሆን በማይጠብሪ፣Continue Reading
  • አትሌቲክስ ፌዴሬሽን የቅጥፈት መግለጫ አወጣ፤ ቡድኑንን እየበጠበጠ ነው
    “ሕዝባችንና መንግስታችን” የሚል ተደጋጋሚ ሃረግ በመጠቀም መገልጫ ያሰራጨው የኢትዮጵያ አትሌቲክስ ፌዴሬሽን አትሌት ለሜቻ ግርማ በ3000 መሰናክል እንዲወዳድር መደረጉ አግባብ እንዳልሆነ አስታወቀ። በመግለጫው የሰጠው ምክንያትና ቀደም ሲል ያቀረበው ሪፖርት አይሰማማም። ፌዴሬሽኑ በቶኪዮ ኦሊምፒክ አጠቃላይ ሂደት ላይ ያሰራጨው መግለጫ ” ከውዲሁ የለሁበትን” ዓይነት ሲሆን ውጤቱን አብዝቶ ሊጎዳ የሚችልና ኢትዮ 12 ባደረገው ማጣራትContinue Reading

Leave a Reply