ግብረ ሃይሉ በመተከል ዞን ዘላቂ ሠላምና መረጋጋት ማምጣት የሚያስችል ውጤት እያስመዘገበ መሆኑን ሲናገር ከዚህ በፊት ተደብቆ የነበሩ የአሃዝ መረጃዎችን በማጣቀስ ነው። አሃዞቹ እንደሚያሳዩት 151 ቀበሌውች አዲስ አመራር ሰይመዋል። 32 ቀበሌዎች ይቀራሉ። 50 ሽፍታው ይዟቸው የነበሩ ቀበሌዎች በግብረሃይሉ አማካይነት መንግስት ተቆጣጥሯቸዋል። የኢትዮጵያ ፕሪሰ ድርጅት ይፋ ያደረገው ከታች ያለው ዜና እንደሚያሳየው ክልሉ መንግስት እጅ ነበር ማለት አይቻልም። ለዚህ ይመስላላ 10 ሺህ ሚሊሻዎች እንዲሰለጥኑ እየተደረገ ነው። ሙሉ ዜናውን ከስር ያንብቡ

(ኢ ፕ ድ ) የመተከል የተቀናጀ ግብረ ሀይል የፀጥታና ህግ ማስከበር ስራውን ከተረከበ በኋላ በዞኑ ዘላቂ ሠላምና መረጋጋት ማምጣት የሚያስችል ውጤት እያስመዘገበ መሆኑ ተገለጸ፡፡ግብረ ሃይሉ ቀሪ ሽፍታውን የማፅዳት ስራ ለማከናወንና ተፈናቃዮችን ወደ ቀያቸው ለመመለስ የ15 ቀናት ዕቅድ አስቀምጧል፡፡

በመተከል በለስ ከተማ ሲካሄድ የቆየው ከወረዳ እስከ ዞን ያሉ የግብረ ሃይሉ አመራሮችና አባላት ግምገማ ተጠናቋል፡፡ሽፍታው ከሚንቀሳቀስባቸው 32 ቀበሌዎች ውጭ በሚገኙ 151 ቀበሌዎች የመንግሥት መዋቅር በአዲስ መልክ እንዲደራጅ መደረጉ ተገልጿል፡፡በሚኒስትር ማዕረግ የዴሞክራሲ ስርዓት ግንባታ ማዕከል አስተባባሪ አቶ ተስፋዬ በልጅጌ ግብረ ሃይሉ መተከልን ከተረከበ በኋላ ከህዝቡ ጋር ባካሄደው ውይይት ሽፍታው የማንንም ብሄር እንደማይወክል መግባባት ተፈጥሯል ብለዋል፡፡

ግብረ ኃይሉ ከማኅበረሰቡ ጋር ያደረገው ውይይትና ተጨማሪ ስራዎች ውጤት በማስመዝገባቸው ጫካ ገብተው የነበሩ 34 ሺህ የጉምዝ ማኅበረሰቦችን ወደ ቀያቸው መመለስ እንደተቻለ አስታውቀዋል፡፡ታስበው የነበሩ ግጭቶችም ከህብረተሰቡ ጋር በተደረገው ወይይት መክሸፋቸውን ነው አቶ ተስፋዬ የተናገሩት፡፡በዚህም ሽፍታውን ከህበረተሰቡ በመነጠል በጋራ በተወሰደው እርምጃ በሽፍታው ስር የነበሩ 50 ቀበሌዎችን ወደ ሠላም ቀጣና መመለስ ተችሏል ብለዋል፡፡

የቤኒሻንጉል ጉምዝ ክልል ርዕሰ መስተዳድር አቶ አሻድሊ ሀሰን የመተከል ጉዳይ የህዝብ ለህዝብ ግጭት ሳይሆን ፖለቲከኞች ለርካሽ የፖለቲካ ትርፍ የፈጠሩት ሽኩቻ ነው ብለዋል፡፡በግጭቱ ተሳታፊ የሆኑ በተለይ በዞንና በክልል ደረጃ ያሉ የስራ ሃላፊዎች ከዚህ እኩይ ድርጊታቸው መቆጠብ እንዳለባቸውም አሳስበዋል፡፡የግብረ ሃይሉ መሪ ሌተናል ጄኔራል አስራት ዴኔሮ ከቀበሌ እሰከ ዞን ያለውን አደረጃጀት ለውጥ ማምጣት በሚችል መንገድ ማደራጀት ጀምረናል ብለዋል።

“ተፈናቃዮች ወደ ቀድሞ ቀያቸው ሲመለሱ አስተማማኝ ሠላም እንዲሰፍን የአካባቢውን ህዝብ የሚመስል የሚሊሻ አደረጃጀት ተፈጥሯል፤ ወደ 10 ሺህ የሚጠጉ የሚሊሻ አባላትም ከዛሬ ጀምሮ የመጀመሪያ ዙር ስልጠና ይወስዳሉ” ብለዋል፡፡ሽፍታው የሚንቀሳቀስባቸውና የጸጥታ ስጋት ያለባቸው 32 ቀበሌዎች በሚቀጥሉት 15 ቀናት ሙሉ በሙሉ ከሽፍታው እንቅስቃሴ ነጻ እንዲሆኑ አመራሩ ታች ድረስ ወርዶ መስራት እንዳለበትም አሳስበዋል፡፡

የሠላም ሚኒስትር ዴኤታ ዶክተር ስዩም መስፍን ተፈናቃዮች ወደ ቀያቸው ከመመለሳቸው በፊት የአካባቢው ሠላም አስተማማኝ መሆኑን ማረጋገጥ እንደሚገባም አመልክተዋል፡፡ተፈናቃዮች በሚቋቋሙበት ጊዜ የሚፈጠረውን ውዝግብ ለመፍታት አስቀድሞ ትክክለኛ ቁጥራቸውን መለየት እንደሚገባ ገልጸው፤ለዚህ ደግሞ የሠላም ሚኒስቴር ከሚመለከታቸው ጋር ይሰራል ብለዋል። በሚኒስትር ማዕረግ የዲሞክራሲ ስርዓት ግንባታ ማዕከል አስተባባሪ አቶ ተስፋዬ በልጅጌም ተፈናቃዮችን ለመመለስ ማወያየት፣ የዕርቀ ሠላም ስራና ሌሎችም ቅድመ ሁኔታዎች እንደሚሟሉና ያ ሳይሆን የመመለሱ ስራ እንደማይሰራ ማረጋገጣቸውን ኢዜአ ዘግቧል።

  • በ”ገዳዩ” የትህነግ የትምህርት ፖሊሲ “ትውልድ ላሽቋል”፤ ብርሃኑ ነጋ ታዩ
    በጦርነት እንዳይሆን ሆኖ ከተቀጠቀጠ በሁዋላ ትዕቢቱን በውርደትና ተዘርዝሮ በማይጠቃለል ኪሳራ ዘግቶ የፍርድ ቀኑንን የሚጠብቀው ትህነግ፣ ዛሬ በድጋሚ ድል መደረጉ ይፋ ሆኗል። “ኢትዮጵያ ትህነግን በገሃድ ድል አደረች። ልጆቿንም ከመንጋጋው ነጠቀች” ሲሉ የገለጹ ” ለምን ድንጋይ ወርዋሪና በመንጋ የሚነዳ ትውልድ እንድተፈጠረ አሁን ገባን” ሲሉም ተደምጠዋል። የአስራ ሁለተኛ ክፍል ተማሪዎች የፈተና ውጤት ይፋContinue Reading
  • “የወደቁት ተማሪዎቻችን  ብቻ ሳይሆኑ የወደቅነው እንደሃገር ነው”
    ከ50 በመቶ በታች ያመጣ ማንኛውም ተማሪ ዩንቨርስቲ አይገባም ሲሉ ፕሮፌሰር ብርሃኑ ነጋ ተናገሩ በቀጣይ በቀረበው የመፍትሄ አቅጣጫ የተዳከውሙባቸውን ትምህርቶች በዩንቨርስቲ ዳግም እንዲማሩ ተደርጎ በአመቱ መጨረሻ እንዲፈተኑ በማድርረግ ያለፉት የዩንቨርስቲ ስርዓቱን እንዲቀላቀሉም ይደረጋልም ብለዋል ። ሚኒስትሩ ጨምረው የወደቁት ተማሪዎቻችን  ብቻ ሳይሆኑ የወደቅነው እንደሃገር ነው ያሉ ሲሆን ተማሪዎች በሚገባው ስነ ምግባር ትምህርታቸውን አለመከታተላቸው Continue Reading
  • ዓለም ባንክ 745 ሚሊየን ዶላር ድጋፍ አደረ
    የገንዘብ ሚኒስቴር ከዓለም ባንክ ጋር የ745 ሚሊየን ዶላር የድጋፍ ስምምነት ተፈራረመ የገንዘብ ሚኒስቴር ከዓለም ባንክ ጋር የ745 ሚሊዮን ዶላር የድጋፍ ስምምነት ተፈራርመዋል። ስምምነቱን የገንዘብ ሚኒስትሩ አህመድ ሽዴና የዓለም ባንክ የኢትዮጵያ፣ ኤርትራ፣ ሱዳንና ደቡብ ሱዳን ዳይሬክተር ዑስማን ዳዮኔ ፈርመዋል። በድጋፍ የተገኘው ገንዘብም ለጤና አገልግሎት ተደራሽነት እና ለጎርፍ መከላከል ፕሮጀክት ተግባር የሚውልContinue Reading

Leave a Reply