የውጭ ኦዲት ድግግሞሽን የሚያስቀር አዋጅ ተዘጋጅቷል

የውጭ ኦዲት ድግግሞሽን ማስቀረት የሚያስችል አዋጅ መዘጋጀቱን የፌዴራል ዋና ኦዲተር አስታወቀ።

በሕዝብ ተወካዮች ምክር ቤት የመንግስት ወጪ አስተዳደርና ቁጥጥር ጉዳዮች ቋሚ ኮሚቴ የውጭ ኦዲት ድግግሞሽን ለማስቀረት የወጣ የነጠላ ኦዲት ረቂቅ አዋጅ ላይ ተወያይቷል። የሂሳብ ምርመራ አገልግሎት ኮርፖሬሽንን እንደገና ለማቋቋም በተዘጋጀ ረቂቅ ደንብ ላይም መክሯል።

ረቂቅ አዋጁ የፌዴራል መንግስት ለክልሎች የሚሰጠውን የበጀት ድጎማና ድጋፍ አስመልክቶ የሚደረግ ኦዲትና ቁጥጥር ከህገ መንግስቱ ህግና አሰራር ውጪ ስለመሆናቸው በጥያቄ ተነስቷል።

ረቂቁን በአዋጅ መልክ ከማውጣት ይልቅ በአዋጁ የተመለከቱት ድንጋጌዎች በመመሪያ መልክ ቢወጡ የተሻለ እንደሆነም ሃሳብ ተነስቷል።

የፌዴራል ዋና ኦዲተር አቶ ገመቹ ዱቢሶ ለጥያቄዎችና አስተያየቶች በሰጡት ምላሽ በፌዴራል መንግስት የሚደረግ ማንኛውም አይነት ድጋፍም ሆነ ድጎማ ኦዲተር መስሪያ ቤቱ ኦዲት ማድረግ እንደሚችል በአዋጅ መደንገጉን ተናግረዋል፡፡

መንግስት ለክልልና ለግል ድርጅቶች የሚደርገውን ድጋፍና ድጎማ የፌዴራል ዋና ኦዲተር ኦዲት ማድረግ እንደሚችል በህገ መንግስቱ አንቀፅ 94/2 በግልፅ መቀመጡን ገልፀዋል።

ዓላማው ክልሎችን ወይም የልማት ተቋማትና የግል ድርጅቶችን ኦዲት ለማድረግ ሳይሆን ከ5 ሚሊዮን ብር በላይ ድጋፍ የሚደረግላቸው የግል ድርጅቶች ኦዲት መደረግ ስላለባቸው አሰራር ለመዘርጋት ነው ብለዋል፡፡

የረቂቅ ሰነዱ ዋና ዓላማም የፌዴራል መንግስት ድጋፍና ድጎማ አስተዳደር በቂ የቁጥጥር ስርዓት እንዲዘረጋለት በመሆኑ ከመመሪያ ይልቅ በአዋጅ መልክ መውጣቱ የተሻለ መሆኑን ዋና ኦዲተሩ ጠቁመዋል፡፡

የፋይናንስ አስተዳደሩ እንዲጠናከር፣ የፌዴራል ድጋፍና ድጎማ ሂሳብ ኦዲት አንድ ወጥ የሆነ ስርዓት እንዲከተል ማስቻልና የኦዲት ድግግሞሽን ለማስቀረትም ያግዛል ብለዋል፡፡

በመንግስት የሚደረግ ድጋፍና ድጎማ በፌዴራል ዋና ኦዲተር መስሪያ ቤት፣ በክልሎችና በግል ኦዲተሮች ኦዲት ሲደረግ ድግግሞሽ በመፈጠሩ ኦዲት የሚደረገው ተቋም ላይ ጫና መፍጠሩን አንስተዋል፡፡

የቋሚ ኮሚቴው ሰብሳቢ አቶ መሃመድ የሱፍ በበኩላቸው በግብዓትነት የተወሰዱትን ነጥቦች በማሟላት ለቀጣይ ውይይት ዝግጁ እንዲያደርጉ አሳስበዋል፡፡

Via -ENA

Related posts:

125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ

Leave a Reply