የክልሉ ከፍተኛ አመራሮች ሚና ተፈትሾ የመፍትሄ አቅጣጫ ይቀመጣል፤ የተለያዩ ውሳኔዎችም ይኖራሉ”

“ ኢትዮጵያን ለማፈራረስ የተነሳው ቡድን የብልጽግና አስተሳሰብን ለማምከን ሲሰራ ቆይቷል…የክልሉ ከፍተኛ አመራሮች ሚና ተፈትሾ የመፍትሄ አቅጣጫ ይቀመጣል፤ የተለያዩ ውሳኔዎችም ይኖራሉ”አቶ ተስፋዬ በልጅጌ

ኢትዮጵያን ለማፈራረስ ያለመው ሀይል ከመተከል በመነሳት የህዝቦችን አብሮነት በመናድ የብልጽግና አስተሳሰብ መሬት ላይ እንዳይወርድ ሲሰራ መቆየቱን በሚኒስትር ማዕረግ የዴሞክራሲ ስርዓት ግንባታ ማዕከል አስተባባሪ አቶ ተስፋዬ በልጅጌ አስታወቁ።

የቤንሻንጉል ጉሙዝ ክልል ብልጽግና ፓርቲ ከፍተኛና መካከለኛ አመራሮች ኮንፍረስ ዛሬ በአሶሳ ከተማ መካሄድ ጀምሯል።

አቶ ተስፋዬ በኮንፍረስ መክፈቻ ላይ ተገኝተው እንደገለጹት መድረኩ መተከልን ጨምሮ በክልሉ የተከሰቱ የጸጥታ ችግሮችን ገምግሞ በዘላቂነት ለመፍታት ያለመ ነው።

“በኮንፍረንሱ የክልሉ የጸጥታ ችግር በጥልቀት ተገምግሞ መዋቅሩን በማጥራት እንደገና የመገንባት ስራ ይከናወናል” ብለዋል።

ኢትዮጵያን የማፈራረስ ተልዕኮ ያነገበው አፍራሽ ሀይል መተከልን ዋነኛ የጥፋት መነሻ አድርጎ እየሠራ መሆኑን ገልጸው በዚህም የህዝቦችን አብሮነት የሚንድ ሀሳብ በመርጨት የብልጽግና አስተሳሰብ መሬት ላይ እንዳይወርድ ሲሰራ መቆየቱንም አስታውሰዋል።

“መተከልን ጨምሮ በክልሉ በተከሰተው የጸጥታ ችግር የክልሉ ከፍተኛ አመራሮች ሚና ተፈትሾ የመፍትሄ አቅጣጫ ይቀመጣል፤ የተለያዩ ውሳኔዎችም ይኖራሉ” ብለዋል።

የቤኒሻንጉል ጉሙዝ ክልል ርዕሰ መስተዳድር አቶ አሻድሊ ሃሰን በበኩላቸው የመተከል ጉዳይ ዓለም አቀፍ ይዘት ያለው አጀንዳ መሆኑን ጠቁመዋል።

የፌዴራልና የክልሉ መንግስታትም የተፈጠረውን የጸጥታ ችግር በዘላቂነት ለመመለስ የመፍትሄ እርምጃ እየወሰዱ እንደሚገኙ አስረድተዋል።

ለጠፋው ህይወትና ለወደመው ንብረት አንዳንድ የክልል የስራ ሃላፊዎች ተሳትፎ እንዳለበት ገልጸው፤ “በኮንፍረንሱ ላይ ዘላቂ ለውጥ ማምጣት የሚያስችል ሁሉም የሚሳተፉበት ውይይት ይደረጋል” ብለዋል።

ENA

Related posts:

ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”

Leave a Reply