አብን፣ መኢአድ እና ባልደራስ በ6ኛው አገር አቀፍ ምርጫ ተቀናጅተው የመቅረብ እድል የላቸውም

አብን፣ መኢአድ እና ባልደራስ በ6ኛው አገር አቀፍ ምርጫ ተቀናጅተው የመቅረብ ዕድል አላቸው? የአማራ ብሔራዊ ንቅናቄ (አብን)፣ የመላው ኢትዮጵያ አንድነት ድርጅት( መኢአድ) እና ባልደራስ ለእውነተኛ ዲሞክራሲ በቀጣዩ 6ኛው አገር አቀፍ ምርጫ ጥምረት ሊፈጥሩ ስለመሆናቸው ኢትዮ ኤፍኤም የአብን ምክትል ሊቀመንበር እና የምርጫ ጉዳዮች ሃላፊ አቶ የሱፍ ኢብራሒምን ዋቢ በማድረግ ዘግቧል።

ጥምረቱ ለህዝብ ተወካዮች ምክር ቤት እና ለክልል ምክር ቤቶች የጋራ እጩዎችን ማቅረብ እና ሌሎች የፖለቲካ ስራዎችን እንደ አንድ ፓርቲ ለማከናወን እንደሚያስችልም በዘገባው ተጠቅሷል። ይህን ዘገባ ተከትሎ በማህበራዊ ትስስር ገጾች ሶስቱ ፓርቲዎች በ6ኛው አገር አቀፍ ምርጫ ተቀናጅተው ሊቀርቡ እንደሆነ የሚገልጹ ጽሁፎች ቀርበዋል፣ ትንታኔዎች ተደምጠዋል። የኢትዮጵያ የምርጫ፣ የፖለቲካ ፓርቲዎች ምዝገባና የምርጫ ሥነ ምግባር አዋጅ ቁጥር 1162/2011 በአንቀጽ 1 እና ሁለት ላይ ሁለት ወይም ከዚያ በላይ የሆኑ የፖለቲካ ፓርቲዎች ለተወሰነ ጊዜ እና በተወሰኑ ጉዳዮች ዙሪያ ተቀናጅተው እንደ ሁኔታው በአገር አቀፍ ወይም በክልል ደረጃ ሊንቀሳቀሱ እንደሚችሉ የደነገገ ሲሆን “ለመቀናጀት የፈለጉ የፖለቲካ ፓርቲዎች ጥያቄያቸውን የጠቅላላ ምርጫ ወይም የአካባቢ ምርጫ የጊዜ ሰሌዳ ከመውጣቱ ከሁለት ወራት በፊት በጽሑፍ ለቦርዱ ማቅረብ አለባቸው” ይላል።

በአዋጁ መሰረት ሶስቱ ፓርቲዎች በ6ኛው አገር አቀፍ ምርጫ ተቀናጅተው የመቅረብ እድል የላቸውም። የኢትዮጵያ ብሔራዊ ምርጫ ቦርድ ከሳምንታት በፊት የ6ኛውን አገር ምርጫ የጊዜ ሰሌዳ ይፋ ማድረጉ ይታወቃል። ከዚህ ጋር በተገናኘ የኢትዮጵያ ምርጫ ቦርድ ዋና ሰብሳቢ ወይዘሪት ብርቱካን ሚደቅሳ ባለፈው ሐሙስ በቦርዱ የትዊተር ገጽ ከተከታዮች ለቀረቡ ጥያቄዎች ምላሽ በሰጡበት ወቅት የመቀናጀት ጊዜ ማለፉን አዋጅ ቁጥር 1162/2011ን በመጥቀስ አብራርተዋል።

ኢትዮጵያ ቼክ በጉዳዩ ላይ አስተያየት እንዲሰጡ የጠየቃቸው የመኢአድ ፕሬዝደንት አቶ ማሙሸት አማረ ፓርቲዎቹ ጥምረቱን በተመለከተ የሚያደርጉትን ውይይት ከመቋጨታቸው በፊት ምንም ማለት እንደማይፈልጉ ተናግረዋል።#FactCheck Exclusive

Related posts:

መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”
በሶማሊያ በሚንቀሳቀሰው አልሸባብ የሽብር ተልዕኮ የተሰጣቸው ስድስት ግለሰቦች በቁጥጥር ስር ዋሉ
አማራ ክልል ትህነግ ዳግም ጦርነት ስላወጀ የ"ዝግጁነትን" አዋጅ አወጣ
ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች
በአገር አቋራጭ የሕዝብ ትራንስፖርት አገልግሎት ላይ የትራንስፖርት ታሪፍ ማሻሻያ ተደረገ
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Leave a Reply