“ ትግራይ ወደ ሰላማዊ ሁኔታ እየተመለሰ በመሆኑ የመቐለ የመጠጥ ውኃ ፕሮጀክት ግንባታ ይቀጥላል”ዶ/ር ኢንጂር

NEWS

በትግራይ ክልል ሲካሄድ የነበረው ሕግን የማስከበር ዘመቻ የተጠናቀቀ በመሆኑ እና አካባቢው ወደ ሰላማዊ ሁኔታ እየተመለሰ በመሆኑ የመቐለ ከተማ የንፁህ መጠጥ ውኃ ፕሮጀክት ግንባታ እንደሚቀጥል የውኃ መስኖ እና ኢነርጂ ሚኒስትሩ ዶ/ር ኢንጂነር ስለሺ በቀለ አስታወቁ፡፡

ሚኒስትሩ ዛሬ ከአፍሪካ ልማት ባንክ ጋር በትብብር የሚከናወኑ ፕሮጀክቶችን በተመለከተ ከባንኩ ዋና ዳይሬክተር ቼፕቶ አሞስ ኪፕሮኖህ ጋር ተወያይተዋል::

ዶ/ር ኢንጂነር ስለሺ በቀለ ከዋና ዳይሬክተሩ ጋር ባደረጉት ውይይት ሚኒስቴር መሥሪያ ቤታቸው እያከናወናቸው ስለሚገኙ ዋና ዋና የልማት እንቅስቃሴዎች በዝርዝር ገለጻ አድርገውላቸዋል::

በተለይም ደግሞ ከአፍሪካ ልማት ባንክ ጋር በትብብር ስለሚከናወኑ የልማት ፕሮጀክቶች መምከራቸው ነው የተገለጸው::

ዋና ዳይሬክተሩም በግንባታ ላይ የሚገኘውን የመቐለ የንፁህ መጠጥ ውኃን እና ሌሎች የኢነርጂ ፕሮጀክቶችን የግንባታ ሂደት በተመለከተም ማብራሪያ ጠይቀው ከሚኒስትሩ እና ከሌሎች የሥራ ኃላፊዎች ምላሽ አግኝተዋል፡፡

በዚህም መሠረት በልማት ባንኩ የገንዘብ በትብብር እየተገነቡ ያሉ ፕሮጀክቶችን በታቅዷላቸው ጊዜ ለማጠናቀቀ ሚኒስቴር መሥሪያ ቤቱ አስፈላጊውን ሁሉ እያከናወነ መሆኑን ጠቁመው የኮቪድ 19 ወረርሽኝ መከሰትም ግንባታውን በሚፈለገው ፍጥነት ለማድረግ እክል መፍጠሩንም አንስተውላቸዋል፡፡

በተጨማሪም የአፍሪካ ልማት ባንክና የውኃ መስኖና ኢነርጂ ሚኒስቴር በትብብር ሊሰሯቸው የሚችሉባቸው መስኮች በመለየት ሚኒስትሩ ገለጻ እንዳደረጉላቸው ነው የተገለጸው፡፡

በተለይም በኢነርጂው ዘርፍ መንግሥት ያካሄደው ሪፎርም በዘርፉ ለማልማት ምቹ ሁኔታ የፈጠረ በመሆኑ ባንኩ በገጠራማው የኢትዮጵያ ክፍል ኃይል ለማቅረብ መንግሥት የሚያደርገውን ጥረት እንዲያግዝም ሚኒስትሩ ጠይቀዋል፡፡

የሕዳሴውን ግድብ የግንባታ ሂደት እና በሦስቱ ሀገራት መካከል ሲደረግ የነበረውን ድርድር አስመልክቶ ለዋና ዳይሬክተሩ ማስረዳታቸውም ተገልጿል፡፡

አለም አቀፍ የፋይናንስ ተቋማት ለግድቡ ግንባታ የሚውል ገንዘብ ለማበደር ፍቃደኞች አለመሆናቸውን አንስተው፣ሆኖም ኢትዮጵያውያን በራሳቸው ገንዘብ ገንብተው ግድቡን 78 ነጥብ 3 በመቶ ማድረስ መቻላቸውን ገልጸውላቸዋል፡

ኢትዮጵያም ግድቡን አጠናቅቃ የምሥራቅ አፍሪካ ሀገራትን በኃይል ታስተሳስራለች ብለዋል ዶ/ር ኢንጂነር ስለሺ በቀለ፡፡

ከዚህም አኳያ ባንኩ ለኢትዮጵያ እና ኬንያ ትስስር ስላደረገው የገንዘብ ብድርም አመስግነዋል::

ምንጭ: ከውኃ፣ መስኖ እና ኢነርጂ ሚኒስቴር

Related posts:

አማራ ክልል የሕግ ማከበር ዘመቻውን በሚያስተጓጉሉ ላይ እርምጃ እንደሚወሰድ አስታወቀ፤ "ዘመቻው በአጭር ጊዜ ይጠናቀቃል"
አብይ አሕመድ "ጠላትም፣ ባንዳም ይወቅ" ሲሉ አስተማማኝ ሰራዊት መግንባቱን አስታወቁ
መንግስት "በመላው አገሪቱ ቁርጠኛ እርምጃ እየወሰድኩ ነው"- የትህነግ ሰርጎ ገቦች ላይም እርምጃ መወሰዱን አስታወቀ
አቶ ወርቁ አይተነው የገንዘብ ቀውስ እየገጠማቸው መሆኑ ተሰማ
ብ/ጄ ተፈራ ህገ መንግስቱን በኃይል በመናድ ወንጀል ተጠርጥረው ፍርድ ቤት ቀረቡ
አውሮፓ ህብረት ያዘገየውን ድጋፍ አስመልክቶ ዳግም ሊመክር ቀጠሮ ያዘ
«ሕወሓት ጦርነትን እንደ አምልኮ የሚቆጥር ቡድን ነው» – ፕሮፌሰር ሀረገወይን አሰፋ
«በሕገወጦች ላይ ያለ ምኅረት እርምጃ መውሰድ አለብን፤ ይህ የመንግሥት ተግባር ነው» የአማራ ክልል
125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ

Leave a Reply