ባለፉት ስድስት ወራት 83 ነጥብ ሁለት ቢሊዮን ብር የተቀማጭ ገንዘብ መሰብሰቡን የኢትዮጵያ ንግድ ባንክ አስታወቀ፡፡

የኢትዮጵያ ንግድ ባንክ ባለፉት ስድስት ወራት 83 ነጥብ ሁለት ቢሊዮን ብር የተቀማጭ ገንዘብ መሰብሰቡን አስታወቀ

ባንኩ ውጤት ካስመዘገበባቸው ዘርፎች የደንበኞች የተቀማጭ ገንዘብ አሰባሰብ ሲሆን በግማሽ ዓመቱ ባንኩ 2 ነጥብ 5 ሚሊዮን አዳዲስ የተቀማጭ ሂሳቦች ተክፍተዋል፡፡

የዕቅዱን 221 በመቶ በማከናወን ተጨማሪ 83 ነጥብ 2 ቢሊዮን ብር ተቀማጭ ገንዘብ ሊያሰባስብ ችሏል፡፡

አጠቃላይ የተቀማጭ ገንዘብ ክምችቱም 678 ነጥብ 7 ቢሊዮን ብር ደርሷል፡፡ይህም ከዕቅድ በላይ የ107 በመቶ ክንውን አሳይቷል፡፡ የባንኩ ደንበኞች ቁጥርም 27 ነጥብ 5 ሚሊዮን ደርሷል፡፡ የባንኩ ጠቅላላ ሀብትም 903 ነጥብ 6 ቢሊዮን ብር ደርሷል፡፡

የኢትዮጵያ ንግድ ባንክ በሀገራቱን ለሚከናወኑ የልማት ፕሮጀክቶች ዋነኛ የፋይናንስ አቅራቢ በመሆን በግማሽ በጀት አመት ውስጥ 47 ነጥብ 2 ቢሊዮን ብር አዲስ ብድር አቅርቧል፡፡

በተመሳሳይ በመጀመሪያው ግማሽ ዓመት ከ26 ቢሊዮን ብር በላይ ብድር ሰብስበዋል፡፡

ባንኩ ትኩረት ሰጥቶ ከሚሠራባቸው ዘርፎች መካከል ለተለያዩ የመንግስትና የግል የልማት ፕሮጀክቶች ማስፈጸሚያና ለገቢና ወጪ ንግድ የሚውል የውጭ ምንዛሪ በግማሽ በጀት አመት የ2 ነጥብ 5 ቢሊዮን ዶላር ማቅረብ መቻሉም ነው የተገለጸው፡፡

የባንኩን አገልግሎቶች ለህብረተሰቡ ይበልጥ ተደራሽ ለማድረግ አዳዲስ ቅርንጫፎችን በመክፈትና የኤሌክትሮኒክ አገልግሎቶችን በማቅረብ አበረታች አፈፃፀም ተመዝግቧል፡፡ 42 አዳዲስ ቅርንጫፎችን በመክፈት የቅርንጫፎቹን ብዛት 1,646 ማድረስ ችሏል፡፡

የኤሌክትሮኒክ ባንክ አገልግሎቶችን ለማዳረስ ባንኩ እያደረገ ባለው ጥረት አንድ ነጥብ 4 ሚሊዮን የኤ.ቲ.ኤም ካርድ፣ 9ሺህ 200 የኢንተርኔት ባንኪንግ እና አንድ ነጥብ 8 ሚሊዮን የሞባይል ባንኪንግ አዳዲስ ተጠቃሚ ደንበኞችን ማፍራት ተችሏል፡፡

በዚህም ከ2 ነጥብ 6 ሚሊዮን በላይ የሲቢኢ ብር ደንበኞች እና ከ7ሺህ 600 በላይ የሲቢኢ ብር ወኪሎችን በመመልመል ወደ ስራ ማስገባትም ተችሏል፡፡

ባንኩ ካለፈው አመት ጀምሮ በሀገራችን እና በዓለም አቀፍ ደረጃ ትልቅ ፈተና የነበረውን የኮቪድ-19 በሽታ በመቋቋም መልካም አፈፃፀም ካሳዩ ባንኮች አንዱ በመሆን በአፍሪካ ከሚገኙ 100 ምርጥ ባንኮች መካከል የ17ኛ፣ ከምስራቅ አፍሪካ ደግሞ 1ኛ ደረጃ በመያዝ አመቱን ማጠናቀቁን ከባንኩ ያገኘነው መረጃ ያመላክታል፡፡ via ኦቢኤን

Related posts:

መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”
በሶማሊያ በሚንቀሳቀሰው አልሸባብ የሽብር ተልዕኮ የተሰጣቸው ስድስት ግለሰቦች በቁጥጥር ስር ዋሉ
አማራ ክልል ትህነግ ዳግም ጦርነት ስላወጀ የ"ዝግጁነትን" አዋጅ አወጣ
ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች
በአገር አቋራጭ የሕዝብ ትራንስፖርት አገልግሎት ላይ የትራንስፖርት ታሪፍ ማሻሻያ ተደረገ
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Leave a Reply