እነ አቶ ጃዋር ከ38 ቀናት በኋላ የረሃብ አድማቸውን አቋርጠዋል


.
በረሃብ አድማ ላይ ለበርካታ ቀናት መቆየታቸው የተነገረው እነ አቶ ጃዋር መሐመድ ከነገ ጀምሮ የረሃብ አድማቸውን ለማቆም መስማማታቸውን ጠበቆቻቸው ለቢቢሲ ተናገሩ።

ከነገ ጀምሮ የረሃብ አድማውን የሚያቋርጡት በላንድማርክ ሆስፒታል የሚገኙት አቶ ጃዋር መሐመድ፣ አቶ በቀለ ገርባ እና አቶ ሐምዛ አዳነ መሆናቸውን ጠበቆቻቸው አቶ ቱሊ ባይሳ እና አቶ ገመቹ ጉተማ ለቢቢሲ አረጋግጠዋል።

ጠበቃው አቶ ገመቹ ጉተማ እነ አቶ ጃዋር የረሃብ አድማ ማድረግ ከጀመሩ ዛሬ 38ኛ ቀን መሆኑን ጨምረው ተናግረዋል።

እነ አቶ ጃዋር መሐመድ የረሃብ አድማውን እያደረጉ ያሉት በፖለቲከኞች ላይ የሚደርሰውን እንግልት እና እስር፣ እነሱን ለመጠየቅና የችሎት ሂደታቸውን ለመከታተል ወደ ፍርድ ቤት በሚመጡ ሰዎች ላይ የሚፈጸም እስር እና ወከባ እንዲቆም ለመጠየቅ መሆኑን ጠበቆቻቸው ይናገራሉ።

እነ አቶ ጃዋር የረሃብ አድማውን ለማቆም የተስማሙት ከጤና ባለሙያዎቻቸው በተሰጣቸው ምክር እና በፖለቲከኞች፣ የአገር ሽማግሌዎች ሽምግልና መሆኑን ጠበቀው አቶ ገመቹ ተናግረዋል።

“ትናንት ከ20 በላይ የአገር ሽማግሌዎች እና ፖለቲከኞች በሆስፒታሉ ተገኝተው ነበር። ይሁን እንጂ ወደ ሆስፒታሉ እንዲገቡ አልተፈቀደላቸውም ነበር። ዛሬ ዳግም ወደ ሆስፒታሉ በመምጣት ከሽማግሌዎቹ ኮማንደር ደራርቱ ቱሉ እና ሱፐር ኢንቴንደንት ሁሴን ሸቦ ወደ ሆስፒታሉ ገብተው የረሃብ አድማውን አንዲያቆሙ ተማጽነዋቸዋል” ብለዋል ጠበቃው አቶ ገመቹ።

እነ አቶ ጃዋር ከዚህ ቀደም በፖለቲከኞች እና በሃይማኖት መሪዎች የረሃብ አድማውን እንዲያቆሙ ተጠይቀው ፍቃደኛ ሳይሆኑ መቅረታቸው ይታወሳል።

እነ አቶ ጃዋር ከነገ ጀምሮ የረሃብ አድማውን ለማቋረጥ የተስማሙት የረሃብ አድማ ማድረግ የጀመሩበት ጥያቄያቸው ምላሸ አግኝቶ ሳይሆን፤ “ሃኪሞቻቸው፣ የአገር ሽማግሌዎች እና ፖለቲከኞች ባደረጉት ልመና ጫና በርትቶባቸው ነው። እሺታቸውን ለሽማግሌዎች ሰጥተዋል። ከነገ ጀምሮ የረሃብ አድማቸውን ያቆማሉ” ብለዋል አቶ ገመቹ።

ከአራቱ ተከሳሾች በተጨማሪ በእነ አቶ ጃዋር መሐመድ የክስ መዝገብ ሥር የሚገኙት የአቶ ጃዋር መሐመድ ጠባቂዎች እና የኦሮሚያ ሚዲያ ኔትዎርክ ጋዜጠኛ መለሰ ድሪብሳ በተለያየ ጊዜ የረሃብ አድማውን ተቀላቅለው የነበረ ቢሆንም የረሃብ አድማውን ቀደም ብለው አቋርጠዋል።

via- bbc

Related posts:

መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”
በሶማሊያ በሚንቀሳቀሰው አልሸባብ የሽብር ተልዕኮ የተሰጣቸው ስድስት ግለሰቦች በቁጥጥር ስር ዋሉ
አማራ ክልል ትህነግ ዳግም ጦርነት ስላወጀ የ"ዝግጁነትን" አዋጅ አወጣ
ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች
በአገር አቋራጭ የሕዝብ ትራንስፖርት አገልግሎት ላይ የትራንስፖርት ታሪፍ ማሻሻያ ተደረገ
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Leave a Reply