አንዳንድ ዓለም አቀፍ መገናኛ ብዙሃን ስለ ትግራይ ክልል ወቅታዊ ሁኔታ ያወጡት መረጃ የተዛባ ነው – ዶክተር ሙሉ

NEWS

የተወሰኑ ዓለም አቀፍ ሚዲያዎች ስለ ትግራይ ክልል ወቅታዊ ሁኔታ ያወጡት መረጃ መሬት ላይ የሌለና የተዛባ መረጃ መሆኑን የትግራይ ክልል ጊዜያዊ አስተዳደር ስራ አስፈጻሚ ዶክተር ሙሉ ነጋ ገለጹ።

ዶክተር ሙሉ በሰጡት መግለጫ አንዳንድ ዓለም አቀፍ ሚዲያዎች የህወሓት ጁንታ ቡድን ያደራጃቸውን ሰዎች ሃሳብ ብቻ በመውሰድ ስለ ክልሉ የተዛባ መረጃ ማውጣታቸው ስህተት መሆኑን ገልጸዋል።

የክልሉን ተጨባጭ እውነታ መዘገብ ያስፈልጋል ያሉት ዶክተር ሙሉ ጊዜያዊ አስተዳደሩና የፌዴራል ጸጥታ አካላት ክልሉን እያረጋጉና ለሕዝቡ የሚያስፈልገው አገልግሎት እየተሰጠ መሆኑን ተናግረዋል።

የጥፋት ቡድኑ በተለያየ ቦታ ተበትኖ ችግር እየፈጠረ፣ ሕዝቡን እየጎዳና የኅብረተሰቡንም ሠላም ለማወክ እየተንቀሳቀሰ ይገኛል ይህን በሚያደርጉ ላይም ህጋዊ እርምጃ እየተወሰደ ይገኛል ብለዋል።

መገናኛ ብዙሃኑ ግን የጥፋት ቡድኑ አባላት የሚያደርሱትን ጉዳት የመንግስት የጸጥታ አካላት እንደፈጸሙ አድርገው መዘገባቸውን ነው የገለጹት።

በክልሉ እየተፈጸሙ ለሚገኙ ችግሮች ዋነኛው ተጠያቂ የህወሓት ቡድን መሆኑንም ተናግረዋል።


የጥፋት ቡድኑ ሆን ብሎ ሕዝቡ ውስጥ በመሸሸግ ጉዳት በማድረስ የአገር መከላከያ ሠራዊት እንደፈጸመው ለማስመሰል እየተንቀሳቀሰ መሆኑንም ጠቁመዋል። ከፌዴራል መንግስት በተጨማሪ በክልሎችና በአጋር ድርጅቶች በሚደረጉ የተለያዩ ድጋፎች ክልሉን መልሶ ለመገንባት እየተሰራ እንደሆነም ገልፀዋል። እንደ ዶክተር ሙሉ ገለጻ ክልሉን መልሶ ለማደራጀት እየተሰራ ያለው ስራ በጥሩ ሁኔታ እየሄደ ነው። ( ኢዜአ)

Related posts:

"መከላከያ ኢትዮጵያን ለማስቀጠል በሚችልበት አስተማማኝ የዝግጁነት ደረጃ ላይ ይገኛል" አብይ አህመድ
መንግስት "በመላው አገሪቱ ቁርጠኛ እርምጃ እየወሰድኩ ነው"- የትህነግ ሰርጎ ገቦች ላይም እርምጃ መወሰዱን አስታወቀ
አቶ ወርቁ አይተነው የገንዘብ ቀውስ እየገጠማቸው መሆኑ ተሰማ
ብ/ጄ ተፈራ ህገ መንግስቱን በኃይል በመናድ ወንጀል ተጠርጥረው ፍርድ ቤት ቀረቡ
አውሮፓ ህብረት ያዘገየውን ድጋፍ አስመልክቶ ዳግም ሊመክር ቀጠሮ ያዘ
«ሕወሓት ጦርነትን እንደ አምልኮ የሚቆጥር ቡድን ነው» – ፕሮፌሰር ሀረገወይን አሰፋ
«በሕገወጦች ላይ ያለ ምኅረት እርምጃ መውሰድ አለብን፤ ይህ የመንግሥት ተግባር ነው» የአማራ ክልል
125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ

Leave a Reply