ማዕከላዊ ዕዝ ሙሉ በሙሉ መደምሰሱ፣ መከላከያ ሰራዊት ጻድቃንና ደብረጽዮን አሉበት ደጅ መድረሱ ተሰማ

NEWS

የትህነግ ክንፍ የሆነውንና በውጭ አገር የሚንቀሳቀሰው ሃይል ከመንግስት ጋር ለመደራደርና በዋቅሻ ውስጥ ያሉትን አመራሮች ለማስለቀቅ በሚቀርባቸው ዲፕሎማቶችና ተከፋይ ወስዋሾች እንቅስቃሴ መጀመሩን በዘገብንበት ወቅት በቅርቡ መንግስት የዘመቻውን ሁለተኛ ክፍል ኦፕሬሽን እንደሚጀምር  በማርች ስምንት መረጃ አብረን መጠቆማችን ይታወሳል።

የዚሁ አካል ስለመሆኑ በውል ያልተነገረለት ጥቃት በደቡብ ትግራይ በደቡባዊ ትግራይ ኦፍላ ወረዳ አውሸራ በተባል ስፍራ  ከ80 በላይ የሚሆኑ የሕወሓት ታጣቂዎች  መደምሰሳቸው ተሰምቷል። የአካባቢው ነዋሪዎችም አረጋግጠዋል። ከዚሁ ጋር ተያይዞ በአንድ ቀን ልዩነት ” ማዕከላዊ እዝ” በሚል የሚጠራው የትህነግ ሰራዊት መመታቱ ተገልጿል።

በተደጋጋሚ ወታደራዊ መረጃዎችን በመጠቆም የሚታወቀው አርአያ ተስፋማሪያም የመረጃ ምንጮቹን ጠቅሶ  ” በማይጨው ቦራ በተባለ ቦታ የመከላከያ ሰራዊት በወሰደው የማጥቃት ዘመቻ ‘ማዕከላዊ እዝ’ ተብሎ የተሰየመውን የጁንታው ሀይል ሙሉ በሙሉ መደምሰሱን ከመከላከያ ከፍተኛ የጦር አዛዦች የተገኘው መረጃ አረጋግጧል ” ሲል አስታውቋል።” ከተከዜ ሸሽቶ ወደ ተጠቀሰው ቦራ ተራራ የመጣው ይህ የጁንታ ሀይል ደብረፂዬን እና የቀድሞ ኢታማዦር ሹም ጄ/ል ፃድቃን ይመሩት እንደነበረ የጠቆሙት ምንጮቹ አያይዘውም ‘ማዕከላዊ እዝ’  ብለው የሰየሙት ሀይል ሙሉ በሙሉ ከተደመሰሰ በኃላ በዛሬው እለት ደብረፂዬን፣ ፃድቃንና ሌሎች የጁንታው መሪዎች የመሸጉበት ቦታ ደርሶ የመከላከያ ሰራዊታችን እንደከበባቸው አስታውቀዋል።

በዚህ ኦፕሬሽን የተከበቡት ጄኔራሎችና ሌሎች መሪዎች እጣ ፈንታ ብዙ ጊዜ ሳይወስድ እንደሚታወቅ ከፍተኛ የጦር አዛዦች ገልፀውልኛል” ሲልም ጨምሮ አስታውቋል።ይህ መረጃ በመንግስት አካላት በይፋ ባይገለጽም ኢትዮ12 ኦፕሬሽኑ እንደሚጀመር መረጃ ነበራት። በዚሁ መነሻ የቀደመውን መረጃ የሰጡንን ወገኖች ጠይቀን ” ዘመቻው የሚጠበቅ ነው።

የተለሳለሰ አቋም የነበራቸውን ለመያዝና የሚከፈለውን ዋጋ ለመቀነስ ሲባል፤ እንዲሁም የተበተነው ሃይል እንደ ቡጉንጀ አንድ ላይ ተሰባስቦ ለከበባ እንዲመች ሲሰራ ነበር” ሲሉ ዝርዝር መረጃ ለጊዜው እንዳልደረሳቸው  ተናግረዋል።ከትናንት ጀምሮ በትህነግ ሰራዊት ላይ ደረሰ ስለተባለው ጥቃት ከትህነግ የውጭ ክንፍም ሆነ አልፎ አልፎ ” ከበረሃ” ነው የሚባለው አካል እስካሁን ማስተባበያ አልሰጠም። ይልቁኑም የተባበሩት መንግስታት ትግራይ በቅርቡ እንደሚገባና ትግራይ ራስዋን እንድታስተዳድር ድጋፍ እንደሚሰጣቸው ደጋፊዎች አዲስ አበባ ሆነው በማህበራዊ ገጻቸው እያስታወቁ ነው።


Related posts:

አብይ አሕመድ "ጠላትም፣ ባንዳም ይወቅ" ሲሉ አስተማማኝ ሰራዊት መግንባቱን አስታወቁ
መንግስት "በመላው አገሪቱ ቁርጠኛ እርምጃ እየወሰድኩ ነው"- የትህነግ ሰርጎ ገቦች ላይም እርምጃ መወሰዱን አስታወቀ
አቶ ወርቁ አይተነው የገንዘብ ቀውስ እየገጠማቸው መሆኑ ተሰማ
ብ/ጄ ተፈራ ህገ መንግስቱን በኃይል በመናድ ወንጀል ተጠርጥረው ፍርድ ቤት ቀረቡ
አውሮፓ ህብረት ያዘገየውን ድጋፍ አስመልክቶ ዳግም ሊመክር ቀጠሮ ያዘ
«ሕወሓት ጦርነትን እንደ አምልኮ የሚቆጥር ቡድን ነው» – ፕሮፌሰር ሀረገወይን አሰፋ
«በሕገወጦች ላይ ያለ ምኅረት እርምጃ መውሰድ አለብን፤ ይህ የመንግሥት ተግባር ነው» የአማራ ክልል
125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ

Leave a Reply