በአማራ ክልል በአጣየ አካባቢ የተከሰተውን የጸጥታ ችግር መንግሥት በአስቸኳይ እንዲፈታ ነዋሪዎች ጠየቁ

በአማራ ክልል ሰሜን ሽዋ ዞን በኤፍራታና ግድም ወረዳ አጣየ ከተማ ነዋሪዎች በአጣየና አካባቢው ትናንት ከምሽቱ 3 ሰዓት አካባቢ ጀምሮ ተኩስ መከፈቱን ገልጸዋል፡፡

ነዋሪዎቹ እንደሚሉት ከዚህም በፊት በአካባቢው አልፎ አልፎ ተኩስ እንደነበር ገልጸው አሁን ላይ ግን በከባድ መሳሪያ ጭምር የታገዘ ጥቃት መፈፀሙን ተናግረዋል፡፡

ከባድ የሆነ የተኩስ ልውውጥ በአካባቢው በመኖሩ ከቤታቸው መውጣት እንዳልቻሉ የተናገሩት ነዋሪዎቹ የደረሰውን ጉዳት በውል ባያውቁትም በጎረቤታቸው የሰው ህይዎት መጥፋቱን አስክሬን ሲመጣ ማየታቸውን ነው የተናገሩት፡፡

አካባቢው ከዚህም በፊት ችግር እንደሚፈጠርበት የሚታወቅ በመሆኑ መንግሥት አስቀድሞ የጸጥታ ጥበቃ ሥራዎችን ሊሠራ ይገባ እንደነበር ነው የገለጹት፡፡

መንግሥት የአካባቢውን ማኅበረሰብ ከጉዳት እንዲታደግም ጠይቀዋል፡፡

ባንኮችንና የሰዎችን ንብረት የመዝረፍ ድርጊቶች ተፈጽመዋል ነው የሚሉት ነዋሪዎቹ፡፡

ነዋሪዎቹ ዘግይቶም ቢሆን የፌደራል ፖሊስ መግባቱን ተናግረው የተኩስ ልውውጡ ግን አለመቆሙን ነው የጠቆሙት፡፡

የሰሜን ሽዋ ዞን የሰላም እና የሕዝብ ደኅንነት መምሪያ ኀላፊ አቶ አበራ መኮንን መጋቢት 9/2013 ዓ.ም ጀምሮ በአማራ ክልል ሰሜን ሽዋ ዞን በኤፍራታና ግድም ወረዳ አጣየና አካባቢው እንዲሁም በኦሮሞ ብሔረሰብ አስተዳደር ዞን ጅሌ ጥሙጋ አካባቢዎች ተኩስ መከፈቱን ተናግረዋል፡፡

አጣየ አካባቢ አንድ ሰው በጥይት ተመቶ ህይወቱ አልፏል በሚል ግጭት መከሰቱን የተናገሩት ኀላፊው ጉዳዩን አመራሩ በማወያየት በሽምግልና የተፈታ ቢሆንም ድንገት ማታ ላይ ተኩስ መከፈቱን አብራርተዋል፡፡

ተኩሱ ከተጀመረ በኋላ የጸጥታ መዋቅሩን በማንቀሳቀስ የማረጋጋት ሥራ ሲሠራ ከቆየ በኋላ ወደ አካባቢው የፌደራል ፖሊስ እንዲገባ መደረጉን ነግረውናል፡፡

ችግሩ ከአቅም በላይ በመሆኑና ሊቆጣጠር የሚችል በቂ የጸጥታ ኀይል ባለመሠማራቱ ወደ ሌሎች አካባቢም ሰፍቶ ተኩሱ እስካሁን መቀጠሉን ተናግረዋል፡፡

ተኩሱ በከባድ መሳሪያ ጭምር የታገዘ እንደነበርም ነው የገለጹት፡፡ አሁን ላይ ተኩሱ በመጠኑም ቢሆን ጋብ በማለቱ የማረጋጋትና ሌሎች ሥራዎች እየተከናወነ እንደሆነም ነው ኀላፊው ያብራሩት፡፡

ጉዳዩን በቁጥጥር ስር ለማዋል የሚያስችል የጸጥታ ኃይል እንዲገባ እየተጠየቀ መሆኑን የነገሩን ኀላፊው አንዳንድ ቦታዎች ለእንቅስቃሴ የተዘጉ እና የተያዙ በመሆኑ ባለው ኃይልም ቢሆን ችግሩን በቁጥጥር ስር ለማዋል እንቅስቃሴ እየተደረገ መሆኑን ነው የነገሩን፡፡

ኀላፊው በሰው እና በንብረት ላይ የደረሰውን ጉዳት ወደፊት ተጣርቶ ለሕዝብ እንደሚገለጽ ተናግረዋል፡፡

ዘጋቢ፡- ምስጋናው ብርሃኔ (አብመድ)

Related posts:

መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”
በሶማሊያ በሚንቀሳቀሰው አልሸባብ የሽብር ተልዕኮ የተሰጣቸው ስድስት ግለሰቦች በቁጥጥር ስር ዋሉ
አማራ ክልል ትህነግ ዳግም ጦርነት ስላወጀ የ"ዝግጁነትን" አዋጅ አወጣ
ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች
በአገር አቋራጭ የሕዝብ ትራንስፖርት አገልግሎት ላይ የትራንስፖርት ታሪፍ ማሻሻያ ተደረገ
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Leave a Reply