በሰሜን ሸዋና ኦሮሞ ብሔረሰብ ዞኖች የተከሰተው የፀጥታ ችግር አንጻራዊ ሰላም መፈጠሩን የክልሉ ሰላምና ደህንነት ቢሮ አስታወቀ፡፡

NEWS

በአማራ ክልል በሰሜን ሸዋ እና ኦሮሞ ብሔረሰብ ዞኖች የተከሰተው የፀጥታ ችግር አንጻራዊ ሰላም መፈጠሩን የክልሉ ሰላምና ደህንነት ቢሮ አስታወቀ፡፡


የአማራ ክልል ሰላምና ደህንነት ቢሮ ሃላፊ አቶ ሲሳይ ዳምጤ በክልሉ የተከሰተውን የፀጥታ ችግር አስመልክቶ ዛሬ ጋዜጣዊ መግለጫ ሰጥተዋል፡፡
የፀጥታ ችግሩ የተከሰተው መጋቢት 1ዐ/2ዐ13 ዓ.ም በአንድ ሰላማዊ ነዋሪ ላይ በተፈፀመ ጥቃት ነው ያሉት ኃላፊው በዋናነት ጉዳዩ ታቅዶበት ኦነግ ሸኔ በተባለ አሸባሪ ቡድን የተቀነባበረ የሽብር ድርጊት በሰላማዊ ሰዎች ግድያ እና ሃብት ንብረት ማውደም ላይ ያነጣጠረ ዕቅድ እንደነበር የቢሮ ኃላፊው ተናግረዋል፡፡

አማራ ክልልን የትርምስ የብጥብት ቀጠና ለማድረግ ታቅዶበት የቀጠናው የመንግስት ኃላፊዎች ጭምር በሚያሳፍር መንገድ ተባባሪ ሆነው የክልሉን ህዝብ ሰላም ለመንጠቅ የተደረገ ጥረት እንደነበር አብራርተዋል፡፡

አቶ ሲሳይ በመግለጫቸው የፀጥታ መዋቅሩ በወሰደው የተቀናጀ የፀጥታ ማስከበር ስራ ዛሬ ላይ በአጣየ፣ ሸዋሮቢት ፣ ከሚሴ ፣ ማጀቴ ፣ ሰበቴ እና ጀውሃ አካባቢዎች አንፃራዊ መረጋጋት ቢኖርም ህብረተሰቡ በስጋት ላይ እንደሚገኝ ተናግረዋል፡፡
የሽብር ድርጊቱ ኤፍራታና ግድም ወረዳ፣ አጣየ ከተማ አካባቢዎች እንደተጀመረ የገልፀት አቶ ሲሳይ በኦሮሞ እና በአማራ ተወላጆች መካከል ያለውን ግንኙነት በማሻከር ሁለቱን ብሔሮች ወዳልተፈለገ ትርምስ ለመክተት የታሰበና የታቀደ ነበር ብለዋል ኃላፊው፡፡n
አቶ ሲሳይ በመግለጫቸው ጨምረውም በቀጠናው ለጠፋው የሰው ህይወት ፣ ሀብትና ንብረት በህግ አግባብ የሚጠየቀውን አካል እንዲጠየቅበት መረጃው እየተሰበሰበ ይገኛል ብለዋል፡፡ፀጥታ ችግሩን በመቆጣጠር በኩልም የአማራ ልዩ ኃይልና የፌዴራል ፖሊስ በትብብር መስራታቸው አመስግነዋል፡፡

አቶ ሲሳይ የአማራ ልዩ ሀይል የክልሉን ሰላምና ደህንነት ለመጠበቅ እየሰራ ያሉውን ስራ በእጅጉ አድንቀው ልዩ ሃይሉ ምንም እንኳን የአማራ ስም ቢሰጠው በክልሉ ውስጥ ለሚገኙ ማንኛውም ነዋሪ ሰላም መረጋገጥ እየሰራ ያለ ኢትዮጵያዊ ስብዕናን የተላበሰ ነው፤ ይህን
ሃይል ያልተገባ ስም የሚሰጡ አካላት ከድርጊታቸው እንዲታረሙ አሳስበዋል፡፡

የክልሉ ህዝብ ከመችውም ጊዜ በላይ አንድ ሆኖ ጠላቱን በመመከት ሰላሙን መጠበቅ አለበት ያሉት ሃላፊው ህዝቡ የተጋረጠበትን የሰላም መደፍረስ ከመቼውም ጊዜ በላይ በአንድነት በመመከት የአባቶቹን ታሪክ መድገም እንዳለበት ተናግረዋል፡፡

አማራ ኮሚኒኬሽን
መጋቢት 14/2013 ዓ.ም

Related posts:

ዋር ኮሌጅ ከፍተኛ መኮንኖችን አበቃ፤ መከላከያ ኢትዮጵያን ለማስቀጠል በቁ አቋም አለው
መንግስት "በመላው አገሪቱ ቁርጠኛ እርምጃ እየወሰድኩ ነው"- የትህነግ ሰርጎ ገቦች ላይም እርምጃ መወሰዱን አስታወቀ
አቶ ወርቁ አይተነው የገንዘብ ቀውስ እየገጠማቸው መሆኑ ተሰማ
ብ/ጄ ተፈራ ህገ መንግስቱን በኃይል በመናድ ወንጀል ተጠርጥረው ፍርድ ቤት ቀረቡ
አውሮፓ ህብረት ያዘገየውን ድጋፍ አስመልክቶ ዳግም ሊመክር ቀጠሮ ያዘ
«ሕወሓት ጦርነትን እንደ አምልኮ የሚቆጥር ቡድን ነው» – ፕሮፌሰር ሀረገወይን አሰፋ
«በሕገወጦች ላይ ያለ ምኅረት እርምጃ መውሰድ አለብን፤ ይህ የመንግሥት ተግባር ነው» የአማራ ክልል
125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ

Leave a Reply