” የእዳጋሀሙሱ አዛውንት እንባ “

ታሪኩ ፤ በትግራይ ክልል እዳጋሀሙስና አካባቢው ላይ ወንጀለኞችን አድኖ ለህግ በማቅረብ ተልዕኮ ወደተሰማራ አንድ የሰራዊቱ ክፍል ለስራ ጉዳይ ስልክ በደወልኩ ጊዜ የተነገረኝ ነው ።

የእዳጋሀሙሱ አዛውንትና ታሪኩን ያካፈለኝ የሰራዊቱ አመራር ጊዜ ወስደው የሆድ የሆዳቸውን ብዙ የተጨዋወቱ ቢሆንም ፤ እኔ ግን እንዳንሰለች አንዷን ነጥብ ብቻ መርጫለሁ ፤ ጁንታውን በተመለከተ አዛውንቱ በምሬት የተናገሩትን ።

” የእዳጋሀሙሱ አዛውንት እንባ ” ብየዋለሁ ፡፡መልካም ንባብ :-

ሲመቻቸው መሀል አዲስ አበባ ገብተው ከሚረሱን ፤ የግል ጥቅማቸው ሲነካ ደግሞ በየዋሻው ተወሽቀው ለጦርነት ከሚያጩን አዋራጆች ይልቅ ፤ በክፉውም በበጎውም ጊዜ እኛን መስሎ የኖረው ሠራዊት ነው – የእኛ ።

” የራሷን ግልገል የበላች ድመት ለዶሮ ጫጩት ምን ግድ አላት ” እንዲሉም ፤ በትጥቅ ትግሉ ወቅት የተሻለ ሀሳብ ባላቸው ታጋይ ልጆቻችን ደም እየታጠበ እዚህ የደረሰው ሰውበላ ቡድን ፤ መብራት አጥፍቶ በጥቁር ምሽት የመከላከያ ሰራዊቱ ላይ ያን በደልና ግፍ ሲፈፅም ፤ የመሸው የእኛ ልብና ህሊና ውስጥም ነበር ።

አክሱም ፅዮን አስቀድሰን ፤ አልነጃሺ መሰጊድ ሶላት ሰግደን ፤ ስጋ ወደሙን ተቀብለን ፤ እንደየ እምነታችን ለፈጣሪያችን ተገዝተን ለምንኖረው ለእኛ ፤ ክቡሩ የዕምነት ቤታችንን የጦር መሳሪያ ግምጃ ቤት ያደረጉት እምነት የለሾች ፤ ባንታደል እንጂ ይቅርታ ሊጠይቁን ይገባ ነበር ።

ለሩብ ክፍለ ዘመን በቀረበ ዕድሜ ከሰራዊቱ ጋር የገነባነውን ወዳጅነት ፣ የመሰረትነውን ትዳር ፣ ያፈራነውን የጋራ ሀብትና የቀለስናትን የጋራ ጎጆ በአንዲት ምሽት በእብሪት የናዱብን ከሀዲዎች ፤ ባንታደል እንጂ ይቅርታ ሊጠይቁን ይገባ ነበር ።

ለጊዜው የምናፈርሰውን መሰረተ ልማት መልሰን በሶስት ወር ውስጥ እንገነባዋለን አትጨነቁ ብለው ፤ ለሶስት ወር ያህል ጭለማ ውስጥ ያቆዩን ፤ ያለ ምግብና ውሀ በቤት ውስጥ አሽገውን የራሳቸውን ህይወት ለማትረፍ በየጢሻው የተደበቁት ከሀዲዎች ፤ ባንታደል እንጂ ይቅርታ ሊጠይቁን ይገባ ነበር ።

ለፕሮፓጋንዳ ፍጆታ ብቻ ሲባል የመከላከያ ሰራዊቱንና የኤርትራን ሰራዊት ወታደራዊ አልባሳት አምርተው በወንጀለኞች ግፍ ያስፈፀሙብን ግፈኞች ፤ ባንታደል እንጂ ይቅርታ ሊጠይቁን ይገባ ነበር ።

በለኮሱት የጦርነት እሳት ማህበራዊ ቀውስ የፈጠሩብን ፤ ቀውሱን ፈጥረውብንም ሰብአዊ እርዳታው እንኳን እንዳይደርሰን እንቅፋት የሆኑን ጉዶች ፤ ባንታደል እንጂ ይቅርታ ሊጠይቁን ይገባ ነበር ።

” ፅድቁ ቀርቶብኝ በቅጡ በኮነነኝ ” እንዲሉ ግን ፤ ዛሬም እንዳለመታደል ሆኖ ፤ የዚሁ ህሊና ቢስ ቡድን የውስጥና የውጪ ርዝራዦች ፤ በፕሮፓጋንዳዎቻቸው ለይቅርታ ሳይሆን ለተጨማሪ በደል ፤ ለፍቅር ሳይሆን ለተጨማሪ ጠብና ጥላቻ እያፈላለጉን ስለመሆኑ ስሰማ ፤ በትጥቅ ትግሉ ወቅት የተሰዋ ልጄን አስታውሼ አልቅሻለሁ።

የእኔ ልጅ ፤ ልጄ በረሀ ወጥቶ የነበረው ለዕኩልነት መሆኑን ሳስብና ፤ ይህ ቡድን ደግሞ ዕኩልነትን እንደ ውርደት ቆጥሮ ” አለቅነት ወይም ሞት ! ” ብሎ በስተርጅናም ተራራ ለተራራ መንጠላጠልን ገንዘቡ አድርጎ ሳይ ፤ ልጄን ያጣሁት አሁን እንደሆነ ያህል ተሰማኝ ። ለካስ የተሰለፈው በአላማ ከማይመስሉት ጋር ኖሯል አልኩ ።

በእነዚህ ሰዎች ህሊና ውስጥ እውነትም ፣ እምነትም ፣ ፍቅርም ፣ ሚዛናዊነትም ፣ ግብረ ገብነትም ፣ ጥበብም ፣ ማስተዋልም የለም ።

በእነዚህ ሰዎች ህሊና ውስጥ ታጭቆ የሚገኝ ሁለት ነገር ብቻ ነው ፤ የበዛ ዘረኝነትና አለቃ ሆኖ የመኖር ፍላጎት ።

እንደልብ ሰውነቴ የሚታዘዝ ቢሆን ፤ ልጄ ያኔ የወደቀለትን አላማ ፤ ዛሬ እኔ ከመከላከያ ሰራዊቱ ጎን ተሰልፌ ባሳካሁት ነበር ።

ነገር ግን እንደምታየኝ አቅመ ደካማ ነኝ ፤ የማውቃቸውን ወንጀለኞች ለመጠቆምና መንገድ ለማመላከቱ ግን ዛሬም ቢሆን አልሰንፍም ።

የፈረሰ ቤቴን ሲጠግን ፤ እንኳን ወዳጅ ጠላትም ቢሆን እተባበራለሁ እንጂ ፤ የሚያፈርሰው ነው የኔ ወገን ብዬ ጎጆዬን ከሚያፈርሰው ጋር ስለምን እተባበራለሁ ።

እነኚህ ሰዎች ዛሬም አሳቻ ሰአት እየጠበቁና ቤት ለቤት እየዞሩ ፤ ” ኑ ሀገር እናፍርስ ” በሚል ወጣቱን በድብቅ ለዕልቂት ለመመልመል እየሞከሩ ነው ፤ ምንም እንኳን ሰሚ ጆሮ ባያገኙም ።

እንዲያም ስል ግን ፤ አንድ ፣ አንድ አላዋቂን ወይም ደግሞ እንደነሱ በዘረኝነት የታወረና ለእኩልነት ሳይሆን ለበላይነት መታገል የሚሻ ይጠፋል ማለቴ አይደለም ።

የሆነው ሆኖ ፤ እኛ ከመከላከያ ሰራዊቱ ጋር ነን ። የፈረሰውን እንጠግናለን እንጂ ፤ ዳግም ለማፍረስ በሀሰት ፕሮፓጋንዳ ለተጠመደው አጥፊው ሀይል ጆሮ አንሰጥም ።

ነጻነት ሸዋንግዛው – መጋቢት 17 ቀን 2013. Via – Defense FB

Related posts:

መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”
በሶማሊያ በሚንቀሳቀሰው አልሸባብ የሽብር ተልዕኮ የተሰጣቸው ስድስት ግለሰቦች በቁጥጥር ስር ዋሉ
አማራ ክልል ትህነግ ዳግም ጦርነት ስላወጀ የ"ዝግጁነትን" አዋጅ አወጣ
ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች
በአገር አቋራጭ የሕዝብ ትራንስፖርት አገልግሎት ላይ የትራንስፖርት ታሪፍ ማሻሻያ ተደረገ
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Leave a Reply