እነ ዶክተር አሸብር በፖሊስ ቁጥጥር ስር ዋሉ፤ ደራርቱ የተቃውሞ ሰልፍ አደረገች

የኢትዮጵያ ኦሊምፒክ ኮሚቴ ፕሪዜዳንት ዶክተር አሸብር ወልደጊዮርጊስና አብረዋቸው ምርጫ ሲያከናውኑ የነበሩ አመራሮች በፖሊስ ቁጥጥር ስር መዋላቸው ተሰማ። የአዲስ አበባ ተባባሪያችን እንዳስታወቀው ኮማንደር ደራርቱ ቱሉን ጨምሮ በኢትዮጵያ ኦሊምፒክ ኮሚቴ ቅጥር ግቢ ውስጥ ተቃውሞ ሲያሰሙ ነበር።

ትናትን የእውቅናና የሽልማት ሰነስርዓት የተደረገላት ኮማንደር ደራርቱ ቱሉ የኢትዮጵያ አትሊቲክስ ፕሪዚዳንትና የኦሊምፒክ ኮሚቴ ምክትል ነች። ዛሬ ወሎ ሰፈር በሚገኘው የኢትዮጵያ ኦሊምፒክ ኮሚቴ ጽህፈት ቤት ድንኳን ተተክሎ ምርጫ በሚካሄድበት ውቅት ነበር ተቃውሞ የተጀመረው። በምርጫው የማራቶን ጀግናዋ ፋጡማ ሮባና ሻለቃ ሃይሌ ገብረስላሴ እንዲመረጡ ተደርጎ ነበር።

ምርጫው ለኢትዮጵያ ኦሊምፒክ ኮሚቴ የአራት ዓመት ዘመን ይሁን ለመጪው የቶኮዮ ኦሊምፒክ በዙ ባይታወቅም፤ ምርጫው መካሄድ የለበትም የሚሉ ወገኖች ደራርቱን ጨመሮ ባሰሙት ተቃውሞ ፖሊስ ረብሻውን ተከትሎ እንደ ዶክተር አሸብርን ለጊዜው መውሰዱ ተመልክቷል። ይህ እስከታተመ ድረስ ስለመፈታታቸው አልተሰማም። ዶክተር አሸበር ፖሊስ ለጥያቄ እንደሚፈልጋቸው ጠቅሶ እነደወሰዳቸው መንገድ ላይ እያሉ ተናግረዋል። በመጨረሻ ባገኘነው ዜና ፖሊስ ቃላቸውን ተቀብሎ ለቋቸዋል።

የዶክተር አሸብርና የኮማንደር ደራርቱ ውዝግብ የቆየ ነው። በሁለቱ ውዝግብ ጉዳይ ጥርት ያለ ዘገባ ወይም ማስረጃ የሚያቀርብ ገልለተኛ ወገንም የለም። ደራቱ ተጽዕኖ ፈጣሪና ተወዳጅ መሆኗ፣ ዶክተር አሸብር ደግም እጃቸው ረዥም መሆኑ የኢትዮጵያ ኦሊምፒክ ኮሚቴ ሊያርፍ አልቻለም። በተባራሪ የሚወጡ የተልፈሰፈሱ ቃለ ምልልሶች ላይ ለመረዳት እንደተቻለው በደራቱ በኩል የግንዛቤ ችግር፣ በዶክተሩ በኩል በህግ ለመደበቅ በብልጠት የመሄድ አዝማሚያ ይታያል።

ህግ ማሻሻልም ሆነ መቀየር የኢትዮጵያ ኦሊምፒክ መብት መሆኑንን ያለመቀበል ችግር አለ። በደፈናው የመቃወምም አባዜ አለ። ከሁሉም በላይ ኦሊምፒክ ከፈተኛ ጥቅም ያለበት ቦታ በመሆኑ ከጀርባ ሆነው የሚወሰውሱ አካላትም ጥቂት አይደሉም። በተመሳሳይ ዶክተር አሸብር ህግ እስከመቀየር ወይም ማሻሻል የሚሄዱበት ምክንያት ድብቅ አይደለም።

ዛሬ እንደተሰማው አትሌት ሃይሌና ብረሃኔ አደሬ ተመርጠዋል። በተለይ ሃይሌ ሳያውቀው ሊመረጥ አይችልም። ምንም እንኳን በሌለበት ቢመረጥም ስምምነቱ እንዳለው መረጃ አለ። ሃይሌ ህጉንም ስለሚያውቀው በስህትት ውስጥ ገብቶ የማይቻልና የማይነካ ጉዳይ ይነካል ብሎ ማስብ አይቻልም። ብርሃኔ አደሬ ከቀድሞ ጀምሮ የአትሌቲክስ ፌዴሪሽን በተደጋጋሚ የገፋት፣ ብራስልስ ትጥቅ ለብሳ ልትሮጥ ስትል እንድትወጣ የተደረገች፣ ይህ ሁሉ ሲሆን ደራርቱ በአትሌት ወኪልነት ከዱቤ ጁሎ ጋር የፌዴሬሽኑ ስራ አስፈጻሚ ነበረች። በውቅቱ ዱቤም ሆነ ደራርቱ ይህንና ሌሎች በርካታ ያልተገቡ ወንጀሎች ሲፈጸሙ አለመቃወማቸው በአትሌቶች ዘንድ አድማ እስኬታ ድረስ ልዩነት ፈጥሮ ነበር። ዛሬ ዶክተር አሸብር ይህንን የቆየ ጉዳይ ተጠቅመው ይሁን በሌላ ለምርጫ የሄዱበት አካሄድ ጸብ አስነስቷል።

ሃዋሳ፣ ደበረዘይት፣ አዲስ አበባ ሆቴል የተከለከሉት እነ ዶክተር ድንኳን ጥለው ምርጫ ማካሄዳቸው እንደተሰማ እነ ደርቱና ተመሳሳይ ተቃውሞ ያላቸው ግቢው ውስጥ ስብሰባ እየተካሄደ ተቃውሞ አሰምተዋል። የሰላማዊ ሰልፍ ይዘት ያለው ጩኸት ነበር። ምርጫው ተጠናቆ ሲወጡ ፖሊስ ደርሷል። ብርሃኔ አደሬ ” እኔም ፖሊስ ነኝ” በሚል ከፖሊሶች ጋር መጋጨቷ ተስምቷል።

በመጨረሻ እንደታወቀው ደራርቱም ፖሊስ ዘነድ አብራ ቀርባ ቃሏን ሰጥታለች። ጉዳዩ ወደ ክስ ካመራ ኢትዮጵያን ከኦሊምፒክ የሚያሳግድ ስለሚሆን ጥንቃቄ እንደሚያሻው ባለሙያዎች ይመክራሉ። ቀደም ሲል አቶ አብነትና ዶክተር አሸብር በፈጠሩት አለመግባባት ሁለት ጎራ አሰልፈው አገር ስትደረፈርና መሳቂያ ስትሆን የታየው ዓይነት ጉዳይ እንዳይመጣ የሚሰጉ አሉ። ዶክተር አሸብር ዓለም ዓቀፍ አካሄዷን ስለሚያውቋት የሚወሰዱ እርምጃዎችና ጣልቃ ገብነቶች የተጠኑና ህጋዊ እንዲሆኑ ማድረግ ይበጃል። ዝርዝር ጉዳዩን እንመለስበታለን


  • The Rise, Rule & Fall of TPLF in Ethiopia
    By – Birhanu M Lenjiso 1) Executive Summary It took TPLF 16 years to rise to power in Ethiopia. For nearly twice as long, they used extraordinary cruelty (iron fist strategy) to maintain dominance in Ethiopian political and economic life. The fall of TPLF however was dramatic and shocking thatContinue Reading
  • Ethiopian American slams U.S. for not backing fight against terrorism in Ethiopia
    BY KFLEEYESUS ABEBE ADDIS ABABA – Ethiopian American Development Council founder and member Nebiyu Asfaw expressed the community’s disappointment over American’s handling of current situation in Ethiopia. Following recent remarks by congresswoman Karen Bass in which she said there has been a request by some Ethiopians in the Diaspora for theContinue Reading
  • Diaspora peace delegation members predict a likely democratic loss of seats in mid-term election
    BY TEWODROS KASSA & YOHANES JEMANEH  ADDIS ABABA- The Biden’s administration would likely lose seats in Congress in the upcoming midterm election as one consequence of Ethiopian Americans voting for Republican Party. Usually Ethiopian Americans vote Democratic Partyin election but this time around that might be less likely, according to EthiopianContinue Reading
  • Africans appeal int’l community to pressure TPLF
    BY ESSEYE MENGISTE ADDIS ABABA- The international community should break the silence and put pressure on TPLF dissidents that have been conscripting and deploying underage children into military conflicts, according to Africans following the issue. In his recent tweet, a Ugandan journalist Futuricalon said that Ethiopia has faced the pain ofContinue Reading

Leave a Reply