ደመቀ መኮንን – የድሆችን ጭፍጨፋ መኖሪያቸው ያደረጉና ሃላፊነታቸውን ባልተወጡ ላይ አርምጃ ይወሰዳል

“…የድሃ ሞት እና ጭፍጨፋ እንዲሁም ያልተረጋጋች ሃገር መፍጠር የእርካታ ምንጫቸውና መኖሪያቸው ያደረጉ ኃይሎችን ያለምህረት የመታገል እንዲሁም በየደረጃው ኃላፊነታቸውን የማይወጡ አካላትን ተጠያቂ የማድረግ ሥራው ተጠናክሮ ይቀጥላል” ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን

ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን በወቅታዊ ጉዳይ ላይ ያስተላለፉት መልዕክት ቀጥሎ ቀርቧል፡፡

የታላቁ የኢትዮጵያ ህዳሴ ግድብ ግንባታ መሠረት ድንጋይ ለተጣለበት 10ኛ ዓመት በዓል እንኳን በሰላም አደረሳችሁ፤ አደረሰን ለማለት እወዳለሁ።

ሃገራችን የልማት እና ዕድገት ውጥኗን በፍጥነት ለማስቀጠል ጠንካራ ኢኮኖሚያዊ አቅም መሰረት ከሚጥሉ የመሰረተ ልማት ግንባታ ፕሮጀክቶች መካከል በቀዳሚነት የሚነሳው የታላቁ የኢትዮጵያ ህዳሴ ግድብ ግንባታ ፕሮጀክታችን ነው።

ለእኛ ለኢትዮጵያውያን የታላቁ የኢትዮጵያ ህዳሴ ግድብ ፕሮጀክት ከምንም በላይ በቀዳሚነት የሚጠቀስበት ትልቁ ምክንያት ታሪካዊ ትርጉም እና ኢኮኖሚያዊ ፍቺ በመያዙ ነው።

ለዘመናት ያለአንዳች ፋይዳ ሲፈስ የነበረው ታላቁን የአባይ ወንዛችንን ለሃይል ማመንጫነት ሙሉ በሙሉ በራሳችን ሃሳብ፣ ጉልበት እና ገንዘብ ከዛሬ አስር ዓመት በፊት የመሰረተ ድንጋይ አስቀምጠን አሁን የግንባታውን ሂደት ወደ ማገባደጃ ምዕራፍ መሸጋገራችን ታሪካዊ ትርጉሙን ይበልጥ ከፍ ያደርገዋል።

በተያያዥነት ታላቁ የኢትዮጵያ ህዳሴ ግድብ ፕሮጀክት ሲጠናቀቅ የሀገራችንን የኤሌክትሪክ ሃይል አቅርቦት በከፍተኛ ደረጃ የሚያሻሽለው ከመሆኑ ባሻገር፤ ለታችኛው ተፋሰስ ሃገሮች እና ለቀጠናው ሃገራት በሃይል ልማት ጠንካራ ትስስር መፍጠር ማስቻሉ ትልቅ ኢኮኖሚያዊ ፍቺ ይይዛል።

ባሳለፍናቸው የግንባታ ዓመታት በፕሮጀክቱ አፈፃፀም ዙሪያ የተስተዋሉ ክፍተቶችን በጥናት በመለየት እና የዕርምት ዕርምጃዎችን በትኩረት በመውሰድ ግንባታው ወደ ማገባደጃ ምዕራፍ ለማሸጋገር ተችሏል።

በተመሳሳይ በእነዚህ ዓመታት ግድቡን አስመልክቶ የተለያዩ ፍላጎቶች እና ስሜቶች በስፋት ሲንፀባረቁ የከረሙ ቢሆንም፤ በተነሱ ጉዳዮች ዙሪያ በመርህ ላይ በተመሰረተ ድርድር ግልፅነትን ለመፍጠር እና ከስምምነት ለመድረስ አያሌ ጥረቶች ተደርገዋል።

የታላቁ የኢትዮጵያ ህዳሴ ግድብ ፕሮጀክት የመሰረተ ድንጋይ ከተጣለበት ቀን አንስቶ አሁን ለደረሰበት ደረጃ በሃገር ውስጥ እና በውጭ የሚኖረው ህዝባችን ያበረከተው የፋይናንስ እና የሞራል ድጋፍ ታሪክ መቼም አይዘነጋውም። እንዲሁም በታችኛው ተፋሰስ ሃገሮች የግድቡን ግንባታ ተከትሎ የሚደመጡ ፍላጎቶች በድርድር እልባት እንዲያገኙ ፍትህ እና እውነትን በማንገብ በሀገር ቤትና በዓለም አደባባይ ድምፃችሁን በማሰማት ለሃገር ሉዓላዊነት ጥብቅና የቆማችሁ ወገኖቻችን ውለታችሁ በትውልድ መዝገብ በደማቁ ተጽፎ እስከወዲያኛው ይዘልቃል።

ባሳለፍናቸው ዓመታት በጠንካራ የሃገር ፍቅር ስሜት የታየው ህዝባዊ ተሳትፎ እና ንቅናቄ ለቀሪ የፕሮጀክቱ ስራ ስኬታማ አፈፃፀም ድጋፋችሁ ተጠናክሮ እንዲቀጥል ጥሪዬን አቀርባለሁ።
ሁላችንም እንደምንገነዘበው ለግድባችን ስኬትና ለሀገራችን ሉዓላዊነት ከመቼውም ጊዜ በላይ ተባብረን የምንቀሳቀስበት ታሪካዊ ወቅት ላይ እንገኛለን፡፡

ሀገራችን በሁለት አቅጣጫ ፈተናዎች እየገጠሟት ነው፡፡ በአንድ በኩል የከፋ የሉዓላዊነት ጥቃት በመፈፀም ሃገራችንን ለአደጋ ተጋላጭ ከማድረግ ጀምሮ ዜጎችን በማንነታቸው መጨፍጨፍ፣ ማፈናቀል ተረጋግተው በሰላም እንዳይኖሩ በማድረግ፣ ከውጭ እየመጣ ያለውን ጫና በአንድ ልብ ሆነው እንዳይመክቱ እየተደረገ ያለ እኩይ እንቅስቃሴ ነው፡፡

በሌላ በኩል በውጭ ያሉ ሀይሎች የተለያዩ ስልቶችን በመጠቀም የኢትዮጵያን የእውነት መንገድና የፍትህ ጥያቄ በማዛባት ያለ የሌለ ርብርብ ከማድረጋቸውም በላይ የውስጥ ብጥብጦችን ዋነኛ የውጊያ አውድ አድርገው በስፋት እየተቀሳቀሱ ይገኛሉ፡፡

በመሆኑም በአሁኑ ሰዓት የድሃ ሞት እና ጭፍጨፋ እንዲሁም ያልተረጋጋች ሃገር መፍጠር የእርካታ ምንጫቸውና መኖሪያቸው ያደረጉ ሀይሎችን ያለምህረት የመታገል እንዲሁም በየደረጃው ኃላፊነታቸውን የማይወጡ አካላትን ተጠያቂ የማድረግ ስራው ተጠናክሮ ይቀጥላል፡፡

ሃገራችን ኢትዮጵያ በታላቁ የኢትዮጵያ ህዳሴ ግድብ ፕሮጀክት ፍትሃዊ ተጠቃሚነቷን አስጠብቃ የምትዘልቅ እና በታችኛው ተፋሰስ ሃገሮች ዘንድ የሚንፀባረቁ ፍላጎቶችን በሰላም እና በድርድር የመፍታት አቋም እንደወትሮው ፀንቶ የሚቀጥል ይሆናል፡፡

ሃገራችን በራሷ አቅም፣ በራሷ ሉዓላዊ ግዛት፣ በራሷ ሃብት የተፈጥሮ ፀጋዋን ለህዝብ ጥቅም እንዲውል ማድረግ፣ የሌሎችንም ፍላጎት ታሳቢ በማድረግ የምታደርገውን የፍትሃዊነት እንቅስቃሴ በዘለለ ያልተገባ ጫና መፍጠር እና ለዘመናት የነበረው ኢፍትሃዊ ስርት እንዲቀጥል ማድረግ ተቀባይነት የለውም፡፡

ስለሆነም ከመነሻ ጀምሮ ገንዘባችሁን፣ ጊዜያችሁን፣ ጉልበታችሁን፣ ሃሳባችሁን እና ድምፃችሁን በመስጠት ፕሮጀክቱ ወደ ማገባደጃው ምዕራፍ እንዲሸጋገር ድጋፍ ላደረጋችሁ በሃገር ቤት እና በውጭ ዓለም ለምትኖሩ ወገኖቻችን በሙሉ ያለንን ታላቅ አክብሮት እና ምስጋና በብሄራዊ ህዝባዊ ተሳትፎ ማስተባበሪያ ም/ቤት እና በራሴ ስም እየገለፅኩ፤ ሁሉንም ጫናዎች በመቋቋም የምናስበው ዓላማ እንዲሳካ፤ ውስጣዊ አንደነታችን የድሎቻችን ሁሉ ምንጭ ስለሆነ ተጠናክሮ ሊቀጥል ይገባል፡፡


  • ኢትዮጵያ እንደገና አንድ ሆና ተሰፋች፤ ደስም አለን!
    ዛሬ ሁሉም ዜጋ ” አገሬ” አለ። ያለ ልዩነት ” ማን እንደ አገር” ብሎ ጮኸ። በራሱ ተነስቶ ” እኔም ወታደር ነኝ ” አለ። ከባህር ማዶ ያሉ ከሃጂዎች አገር ለማፍረስ ሲማማሉ፣ የስልጣን ክፍፍል ሲያደርጉ፣ ግማሾቹ በስተርጅና ሲቀሉ፣ ትርፍራፊ የሚጣልላቸው ሚድያዎች አገራቸው ላይ አድማ ሲጠሩ፣ አንዳንድ ባለሃብት ነን ባዮች ቀን ቀን ቤተ ክርስቲያን፣Continue Reading
  • ለትግራይ ጄኔራሎች- “አይ” ካላችሁ ግን ውርድ ከራሴ ብያለሁ
    የምትከተሉት የውጊያ ስልት ያረጀና ያፈጀ ነው። የመጨረሻ ውጤቱም ትግራይን ትውልድ አልባ የሚያደርግ ነው። ለዚህ ማስረጃው ደግሞ አፋር ላይ “ክተት” ብላችሁ ልካችሁት እንደ ቅጠል ረግፎ የቀረው ወጣት ነው። የሰው ማዕበል ስትራቴጂ በዚህ የቴክኖሎጂ ዘመን የሚያስገኘው ውጤት ኢምንት ነው። የሰው ማዕበል በአንድ ድሮን፣ በአንድ የአውሮፕላን ቦንብ ወይም በዘመናዊ አውቶማቲክ መሳሪያ ይበተናል። አፋርContinue Reading
  • “አሸባሪው ትህነግ”በማይጠብሪ፣ በዋግ በአበርገሌ አከባቢ፣ በራያና በአላማጣ ከፍተኛ ኪሳራ ደርሶባታል
    የአማራ ክልል የመንግሥት ኮምዩኒኬሽን ጉዳዮች ጽሕፈት ቤት ዋና ዳይሬክተር ግዛቸው ሙሉነህ ጀግናው የመከላከያ ሠራዊት፣ ልዩ ኃይል፣ ሚሊሻ እና የአማራ ሕዝባዊ ሠራዊት በአውደ ዉጊያ ዉሎው ጠላትን እያንበረከከ ወደፊት እየገሰገሰ መሆኑን አስታወቁ። በማይጠብሪ፣ በዋግ በአበርገሌ አከባቢ፣ በራያና በአላማጣ ከፍተኛ ኪሳራ ደርሶባታል ዋና ዳይሬክተሩ በቅጥረኛ የትህነግ ተቀጣሪ አክቲቪስቶች በሀሰት እንደሚነዛው መረጃ ሳይሆን በማይጠብሪ፣Continue Reading
  • አትሌቲክስ ፌዴሬሽን የቅጥፈት መግለጫ አወጣ፤ ቡድኑንን እየበጠበጠ ነው
    “ሕዝባችንና መንግስታችን” የሚል ተደጋጋሚ ሃረግ በመጠቀም መገልጫ ያሰራጨው የኢትዮጵያ አትሌቲክስ ፌዴሬሽን አትሌት ለሜቻ ግርማ በ3000 መሰናክል እንዲወዳድር መደረጉ አግባብ እንዳልሆነ አስታወቀ። በመግለጫው የሰጠው ምክንያትና ቀደም ሲል ያቀረበው ሪፖርት አይሰማማም። ፌዴሬሽኑ በቶኪዮ ኦሊምፒክ አጠቃላይ ሂደት ላይ ያሰራጨው መግለጫ ” ከውዲሁ የለሁበትን” ዓይነት ሲሆን ውጤቱን አብዝቶ ሊጎዳ የሚችልና ኢትዮ 12 ባደረገው ማጣራትContinue Reading

Leave a Reply