SOCIETY

የዶሮ እርባታ ማዕከላት በገጠማቸው የመኖ እጥረትሊዘጉ መቃረባቸው ተጠቆመ



በሀገሪቱ የሚገኙ ጥቂት የዶሮ እርባታ ማዕከላት በገጠማቸው የመኖ እጥረት ሊዘጉ ጫፍ መድረሳቸውን የኢትዮጵያ ዶሮ አርቢዎች ማህበር ፕሬዚዳንትና የሀዋሳ ዶሮ እርባታ ማዕከል ዋና ሥራ አስኪያጅ አቶ ገነነ ተስፋዬ አስታወቁ።

ፕሬዚዳንቱ በተለይም ለአዲስ ዘመን እንዳስታወቁት፤ በሀገሪቱ አሁን እየታየ ያለው የዶሮ በተለይም የእንቁላል እጥረት የተከሰተው ማባዣ ማዕከላቱ በገጠማቸው የመኖ እጥረት መሆኑን አመልክተዋል።

ማዕከላቱ የተቀነባበረ መኖ በተወሰነ መጠን ከውጭ የሚያስገቡ፣ ከሀገር ውስጥ የኑግ ፋጉሎ፣ አኩሪ አተርና በቆሎን በስፋት ይጠቀሙ እንደነበር ያስታወሱት ፕሬዚዳንቱ፤ በአሁን ወቅት ከዘይት አምራቾች ግብዓቶቹን ማግኘት እንዳልቻሉ ጠቁመዋል።ዋጋውም 1800 ብር ይሸጥ የነበረው አንድ ኩንታል የኑግ ፋጉሎ በአንድ ወር ጊዜ ውስጥ በእጥፍ ጨምሮ 3400 ብር መግባቱን አመልክተዋል።

ዘርፉ የዓለም ሥጋት በሆነው የኮሮና ቫይረስ ወረርሽኝ ምክንያት የተጎዳ ቢሆንም ከመስከረም 2013 ዓ.ም ጀምሮ መነቃቃት ጀምሮ የነበረ ቢሆንም የመኖ ዋጋ መጨመሩን ተከትሎ ተመልሶ ችግር ውስጥ መግባቱን አስታውቀዋል።

ከዋጋው መናር ባለፈም ምርቱን ማግኘት እንዳልተቻለ የገለፁት ፕሬዚዳንቱ፤ ለዚህም ዘይት አምራቾች ጥሬ ዕቃውን ወደ ውጭ ገበያ መላክ እንዲችሉ ፈቃድ ማግኘታቸውና በመኖ ላይ ከዚህ ቀደም ያልነበረ ቫት መጣሉ ነው ብለዋል።

በአሁኑ ወቅትም በዘርፉ ከተሰማሩ 22 የዶሮ አርቢዎች ማዕከል ውስጥ እርሳቸውን ጨምሮ ስድስት ብቻ የቀሩ ቢሆንም እነሱንም ለመዘጋት ጫፍ መድረሳቸውን ጠቁመዋል

(ኢ ፕ ድ)

Categories: SOCIETY

Tagged as:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s