NEWS

በሱዳን እንቅፋትነት የኪንሻሳው ድርድር ያለ ውጤት ተጠናቀቀ

ተቋርጦ የነበረው የህዳሴው ግድብ ድርድር በሱዳን እንቅፋትነት ያለ ስምምነት መበተኑ ተሰማ። አዣንስ ፍራንስ ፕሬስ ስማቸውን ያልገለጻቸውን የኮንጎ ባለስልታን ጠቅሶ እንዳለው በድርድሩ ማብቂያ በይፋ ሊበተን የነበረውን መግለጫ የተቃወመችው ሱዳን ናት። ሱዳን ኢትዮጵያን ወቅሳለች።

ኢትዮጵያ በህልውናዋና ዜጎቿን ከጨለማ ለማላቀቅ የያዘችውን እቅድ ማንንም ሳትጎዳ ከመተግበር ወደሁዋላ እንደማትል ማስታውቋ ይታወሳል። በዚሁ ቁመናዋ ወደ ኪንሻሳ ያመራቸው ኢትዮጵያ ከየሱዳንና የግብፅ ዉጪ ጉዳይ ሚንስትሮች ጋር ተደራድራ ነበር።

ኪንሻ-ኮንጎ ዴሞክራቲክ ሪፐብሊክ የተከናወነው ድርድር ዝርዝሩ በይፋ ባይቀርብም አዣንስ ፍራንስ ፕሬስ እንዳለው ያበቃው ያለ ውጤት ነው። በወቅቱን የአፍሪቃ ሕብረት መሪ አገር በሆነችው ኮንጎ ዴሞክራቲክ ሪፐብሊክ አደራዳሪነት የተከናወነው ይህ ድርድር ለወራት ተቋርጦ የተጀመረ በመሆኑ አዳዲስ ውሳኔዎች ይገኙበታል የሚል ግምት አሳድሮ ነበር።

ኤኤፍፒ ዘገባ ከሆነ ሶስቱ ተሸማጋዮች ድርድራቸውን ከጠናቀቁ በሁዋላ የተዘጋጀውን የመግለጫ ይዘት ግብፅና ኢትዮጵያ ሲቀበሉት ሱዳን አልተስማማችም። በዚሁ የሱዳን አቋም ሳቢያ ድርድሩ ውጤት አልተመዘገበበትም።

የሱዳን ዉጪ ጉዳይ ሚንስትር ማሪያም አል ሳዲግ አል መሕዲ እንዳሉት ለድርድሩ መቋረጥም ኢትዮጵያን ተጠያቂ አድርገዋል። ከኪንሻሳ መግለጫ የሰጡት የሱዳን የውጭ ጉዳይ ሚኒስትር ኢትዮጵያ በተናጠል ዓለም አቀፍ ሕግን የሚጥስእርምጃ መውሰዷን አመልክተዋል።

የግብፅ ዉጪ ጉዳይ ሚንስቴር ድርድሩ ያለ ውጤት መቋጨቱን ከመናገራቸው ውጭ ምንም እንዳላሉ፣ የኢትዮጵያ ልዑክ ቡድንም በይፋ የሰጠው አስተያየት ስለመኖሩ ኤኤፍፒ ያለው ነገር የለም።


Categories: NEWS

Tagged as:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s