በትግራይ ክልል ያለውን የጸጥታ ሁኔታ ለማሻሻል ህብረተሰቡን ያሳተፈ ስራ እየተከናወነ መሆኑ ተገለፀ


በትግራይ ክልል ያለውን የፀጥታ ሁኔታ ለማሻሻል ህብረተሰቡን መሰረት ያደረጉ ስራዎች እየተሰሩ መሆናቸውን የክልሉ ጊዜያዊ አስተዳደር አስታወቀ።

ጊዜያዊ አስተዳደሩ በክልሉ ባለፉት ሶስት ወራት በክልሉ በተከናወኑት የፀጥታ ስራዎችን ዙሪያ ላለፉት ሁለት ቀናት ሲገመግም ቆይቷል።

የጊዚያዊ አስተዳደሩ ምክትል ስራ አስፈጻሚና የፀጥታ አስተዳደር ቢሮ ኃላፊ ኮሚሽነር ግርማይ ካህሳይ እንደገለጹት የፀጥታ ስራዎችን ለማሻሻል ህብረተሰቡን ባለቤት ማድረግ ያስፈልጋል።

“በክልሉ ያለው የፀጥታ ሁኔታ እየተሻሻለ ነው” ያሉት

ኮማንደሩ ባለፉት ሶስት ወራት በከተሞች ከነበረው የፖሊስ ሀይል 42 በመቶ እንዲሁም በማረሚያ ቤቶች ከነበሩት 58 በመቶ ወደ ስራ መግባታቸውን ተናግረዋል።

ፀጥታው በተረጋገጠባቸው አካባቢዎች የማህበረሰብ አቀፍ ፖሊሲ(ኮሚኒቲ ፖሊሲንግ) እንዲደራጁ እየተደረገ መሆኑን ኮማንደር ግርማይ ጠቅሰው ለአብነትም በመቀሌ፣ ማይጨው፣በአዲግራትና በአክሱም ከተሞች ወጣቶችን በማደራጀት አካባቢያቸውን እንዲጠብቁ እየተደረገ መሆኑን አስረድተዋል።

የደቡብ ምስራቅ ዞን ፖሊሲ አዛዥ ተወካይ ኮማንደር አፍቱ ገብረመስቀል እስካሁን በዞኑ ከነበሩት 500 የሚደርሱ የፖሊስ አባላት 227 ወደ ስራ እንዲመለሱ መደረጉንና በየቀበሌው ህብረተሰቡን በማሳተፍ አካባቢውን እንዲጠብቅ እየተደረገ መሆኑን ገልጸዋል።

እስከ አሁን በወረዳው የተፈፀሙ ወንጀሎችና የትራፊክ አደጋዎችን የማጣራት ስራ እየተካሄደ መሆኑን ኮማንደር ሃፍቱ ጠቅሰው በእንደርታ ወረዳና በአዲጉደም ከተማ ማህበረሰብ አቀፍ ፖሊስ በማደራጀት ስራ መጀመሩን አስረድተዋል ።

የምስራቃዊ ዞን ኮማንድ ፖስት አባል ኮማንደር ብርሃነ ቢሆን በበኩላቸው በዞኑ ውስጥ በሚገኙ 18 ወረዳዎች ከነበሩት 936 የፖሊስ አባላት 357 ወደ ስራ በመግባትና ከህብረተሰቡ ጋር በመተባበር የአካባቢውን ፀጥታ እየጠበቁ መሆናቸውን ተናግረዋል ።

እስከ አሁንም በአዲግራትና በጋንታ አፈሹም ወረዳ የተሻለ የፀጥታ ስራ መከናወኑን አስረድተዋል።

ለሁለት ቀናት በተካሄደው በዚሁ ግምገማ የደቡባዊ፣ የምስራቃዊ፣ ደቡባዊ ምስራቅና ማአከላዊ ዞንና የመቀሌ ከተማ የፀጥታ አካላት የተሳተፉ ሲሆን ለቀጣይ ሶስት ወራት የሚቆይ የጋራ እቅድ ማውጣታቸውን ኢዜአ ዘግቧል።

Related posts:

መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”
በሶማሊያ በሚንቀሳቀሰው አልሸባብ የሽብር ተልዕኮ የተሰጣቸው ስድስት ግለሰቦች በቁጥጥር ስር ዋሉ
አማራ ክልል ትህነግ ዳግም ጦርነት ስላወጀ የ"ዝግጁነትን" አዋጅ አወጣ
ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች
በአገር አቋራጭ የሕዝብ ትራንስፖርት አገልግሎት ላይ የትራንስፖርት ታሪፍ ማሻሻያ ተደረገ
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Leave a Reply