በሶማሌ ክልል የሚንቀሳቀሱ ፖለቲካ ፓርቲዎች የክልሉን ሰላምና ገፅታ በሚገነባ መልኩ ሰላማዊ ምርጫ እንደሚያካሂዱ ገለጹ

በሶማሌ ክልል የሚንቀሳቀሱ ፖለቲካ ፓርቲዎች የክልሉን ሰላምና ገፅታን በሚገነባ መልኩ እየተንቀሳቀሱ መሆኑን የክልሉ መንግሥት አስታወቀ:: በክልሉ 6ኛው ሀገራዊ ምርጫ በሰላማዊ መንገድ እንዲካሄድ የሚያስችሉ ተግባራት እየተከናወኑ መሆኑ ተጠቆመ::

የሶማሌ ክልል መንግሥት ኮሙዩኒኬሽን ቢሮ ኃላፊ አቶ አሊ በደል በተለይ ለአዲስ ዘመን እንደገለፁት፤ የሶማሌ ክልል ሕዝብ ለ27 ዓመታት በፖለቲካ አለመረጋጋት ውስጥ የነበረ ሕዝብ መሆኑን ጠቅሰው ለውጡን ተከትሎ በተገኘው ውጤት ሶማሌ ክልል ሰላም የሰፈነበት ክልል ሆኗል፣ ይህንን እድል በመጠቀም በክልሉ የሚንቀሳቀሱ የፖለቲካ ፓርቲዎች ለሰላም ቅድሚያ በመስጠት እየሰሩ ነው::

እንደ መንግሥትም ሰላሙን ዘላቂ ለማድረግ የገጠሙ ተግዳሮቶች በየደረጃው እየፈታን ነው ብለዋል::

ዓለም አቀፋዊ ተግዳሮቱ ኮቪድ 19 ወረርሽኝ መስፋፋት፣ ወሰን አካባቢ በአንዳንድ ቦታዎች ጥቃቅን ግጭቶች መኖርና በፅንፈኝነት አስተሳሰብ የተቃኙ አንዳንድ የፖለቲካ ፓርቲዎች ወቅታዊ ተግዳሮቶች ቢሆኑም ይህንን በመቋቋም 6ኛው ሀገራዊ ምርጫ በክልሉ በሚገኙ 93ቱ ወረዳዎችና በስድስቱም ከተሞች ምርጫ ቦርድ በአስቀመጠው አቅጣጫ መሰረት ያለምንም እንቅፋት ተግባራዊ እየተደረገ ነው ብለዋል::

እንደ አቶ አሊ ገለፃ ፤ ኮቪድ -19 ወረርሽኝ በተመለከተ ጠንከር ያለ እርምጃ እንደ መንግሥት ተወስዷል፣ ጤና ጥበቃ ሚኒስቴር እና ጠቅላይ አቃቤ ሕግ ባወጡት መመሪያ መሰረት የኮቪድ ፕሮቶኮሎች ተግባራዊ እንዲሆኑ በትኩረት እየተሰራበት ነው:: ሕዝብ በሚሰበሰብባቸው ቦታዎች በትራንስፖርት፣ በግብይት ስፍራዎች፣ በምርጫ ቅስቀሳ በሚካሄድበት ወቅት አፍንጫ እና አፍ መሸፈኛ እንዲያደርጉ አካላዊ ርቀታቸውን እንዲጠብቁ ግንዛቤ የማስጨበጥ ስራ እየተሰራበት ነው። ሆቴል አካባቢ በሚደረጉ ሁነቶችም በሕጉ መሰረት አስፈላጊውን ጥንቃቄ እንዲደረግ ከፀጥታ አካላት ጋር በመሆን ጥብቅ ቁጥጥር እየተደረገ ነው::

በአጠቃላይ በክልሉ 6ኛው ሀገራዊ ምርጫ የማይካሄድበት ቦታ የለም ያሉት አቶ አሊ የምረጡኝ ቅስቀሳ በክልሉ የሚወዳደሩ የፖለቲካ ኃይሎች የፖሊሲ አማራጮቻቸውንና ፖለቲካ አጀንዳቸውን በማስተዋወቅ ላይ ይገኛሉ።

የምርጫው ሂደት ሰላማዊ ሆኖ እንዲጠናቀቅ በክልሉ ከሚንቀሳቀሱ ፖለቲካ ፓርቲዎች ጋር ለሰላም ቅድሚያ በመስጠት በጋራ በመስራት ላይ እንደሚገኙ አስታውቀው፤ ምርጫው እስኪጠናቀቅ ድረስ ሁሉም ባላድርሻ አካላት ድጋፍና ትብብራቸውን አጠናክረው እንዲቀጥሉ ጥሪ አቅርበዋል:: (ኢ ፕ ድ)

Related posts:

125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ

Leave a Reply