በምርጫው ካሸነፍኩ የአርሶና አርብቶ አደሩን ኑሮ የሚያሻሽሉ አሰራሮች እተገብራለሁ – አብን

የአማራ ብሔራዊ ንቅናቄ (አብን) በስድስተኛው አገራዊ ምርጫ ካሸነፈ የአርሶና አርብቶ አደሩን ኑሮ የሚያሻሽል የገጠር ሽግግር እንደሚተገብር አስታወቀ።

ፓርቲው የ2013 የምርጫ ማኒፌስቶ ሰነዱን ዛሬ አስተዋውቋል።

ማኒፌስቶው የኢትዮጵያን ነባራዊ የምጣኔ ሃብት፣ ፖለቲካና ማህበራዊ ጉዳዮች በመዳሰስ ለችግሮች መፍትሄና የወደፊት አቅጣጫዎችን ያካተተ ነው ተብሏል።

የፓርቲው የፖለቲካ ጉዳዮች ኃላፊ አቶ ክርስቲያን ታደለ በጤና፣ በትምህርት፣ በሥራ እድል ፈጠራ፣ በግብርናና ገጠር ልማት እና ሌሎች ዘርፎች ፓርቲው ያቀረባቸውን አማራጭ የፖሊሲ ሃሳቦች ዘርዝረዋል።

በግብርናና ገጠር ልማት የሰብልና እንስሳት ምርትና ምርታማነትን ለማሳደግ ትኩረት ሰጥቶ ለመስራት አማራጭ ፖሊሲዎችን ማቅረቡን አስረድተዋል።

ፓርቲው የአርሶና አርብቶ አደሩን ማህበረሰብ የኑሮ ሁኔታ የሚያሻሽል የገጠር ሽግግርን እንደሚተገብር ገልጸዋል።

እንደ ኃላፊው ገለጻ፤ ፓርቲው በምርጫው ካሸነፈ ኤሌክትሪክ፣ ውሃ፣ ትምህርትና ሌሎች መሰረታዊ የልማት አገልግሎቶች የተሟሉባቸው የገጠር ከተማ ማዕከላትን ለመፍጠር ይሰራል።

ለገጠሩ ማህበረሰብ ኑሮ አመቺ የሆኑ ተገጣጣሚ ቤቶች እንዲሰሩ አማራጮችን ለማቅረብና ኑሮውን የሚያዘምኑ ተግባራትን ለማከናወን አማራጭ ሃሳብ አቅርቧል።

አብን የአርሶና አርብቶ አደሩ የኑሮ ሁኔታ እንዲሻሻል የሚያደርጉና በአገሩ ፖለቲካ ቁልፍ ተዋናይ የሚያደርጉ አሰራሮችን እንደሚተገብር ኃላፊው ገልጸዋል።

የፓርቲው ሊቀመንበር አቶ በለጠ ሞላ በበኩላቸው “አብን ለስድስተኛው አገራዊ ምርጫ ለህዝቡ ያቀረባቸውን አማራጭ የፖሊሊ ሃሳቦች አዘጋጅቶ ጨርሷል” ብለዋል።

መራጩ ሕዝብ ፓርቲው ያቀረበውን አማራጭ ሃሳብ በመረዳት ድምጹን እንዲሰጥም ጠይቀዋል።

የማኒፌስቶው የአርትኦት ስራ ተጠናቆ በመጪው ሰኞ ለሕዝብ ተደራሽ እንደሚሆን ተገልጿል።

በመጪው ግንቦት መጨረሻና ሰኔ መጀመሪያ በሚካሄደው አጠቃላይ ምርጫ የሚሳተፉ የፖለቲካ ፓርቲዎች አማራጭ ሃሳቦቻቸውን የመገናኛ ብዙሃንና ሌሎች አማራጮችን በመጠቀም በማስተዋወቅ ላይ ይገኛሉ።

(ኢዜአ)

Related posts:

ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”

Leave a Reply