የቅዱስ ጳውሎስ ሆስፒታል በኦክስጅን እጥረት ሳቢያ ታካሚዎችን ለመርዳት መቸገሩን አስታወቀ

የቅዱስ ጳውሎስ ሆስፒታል ሚሌኒየም ሜዲካል ኮሌጅ በኦክስጅን እጥረት ሳቢያ ታካሚዎችን ለመርዳት እየተቸገረ መሆኑን አስታወቀ፡፡

በተጨማሪም በሆስፒታሉ ያጋጠመውን የኦክስጅን አጥረት ተከትሎ ቀደም ሲል ለሌሎች ሆስፒታሎች ይሰጥ የነበረውን አቅርቦት ማቋረጡንም ነው የገለጸው።

በሆስፒታሉ የፋሲሊቲ መሃንዲስ አቶ ሰለሞን ሸዋንግዛው በአሁኑ ወቅት የኮቪድ-19 ወረርሽኝ እየተባባሰና የታማሚዎች ቁጥርም እያሻቀበ በመምጣቱ ለኦክስጅን ፈላጊ ታካሚዎች ፈተና ሆኗል ነው ያሉት፡፡

እጥረቱን ለመፍታት በማዕከሉ 24 ሰዓት እየተሰራ ቢሆንም ችግሩን ማቃለል አዳጋች መሆኑን ጠቁመዋል።

ችግሩ በዚሁ ከቀጠለ ኦክስጅን የሚያስፈልጋቸው ታካሚዎችን ፈጽሞ ማከም የማይቻልበት ደረጃ ላይ ሊደርስ ይችላል የሚል ስጋት እንዳላቸውም ነው ያስረዱት።

የችግሩን አሳሳቢነት በመገንዘብ ማህበረሰቡ የኮቪድ-19 ተጋላጭነትን ለመቀነስ ጥንቃቄ እንዲያደርግ ማሳሰባቸውንም ኢዜአ ዘግቧል።

በሌላ ተመሳሳይ የኮቪድ ዜና

በህንድ 314 ሺህ 835 ሰዎች በ24 ሰዓታት ውስጥ ኮቪድ 19 እንደተገኘባቸው የሀገሪቱ የጤና ሚኒስቴር አስታወቀ፡፡ በሀገሪቱ ከየትኛውም የዓለም ክፍል በተለየ ሁኔታ ወረርሽኙ እየተስፋፋ መሆኑን መረጃዎች ያሳያሉ፡፡

ባለፉት ሰባት ተከታታይ ቀናትም በየዕለቱ ከ200 ሺህ ሰው በላይ በወረርሽኙ እየተያዘ ይገኛል፡፡ ከዚህ ቀደም ህንድ በወረርሽኙ አማካኝነት በአንጻራዊነት አነስተኛ የሟቾች ቁጥር ስታስተናግድ ቆይታለች፡፡

ሆኖም ከቅርብ ሳምንታት ወዲህ የሟቾች ቁጥር እየጨመረ መምጣቱ ነው የተገለጸው፡፡ በ24 ሰዓታት ውስጥም 2 ሺህ 104 ሰዎች ለሕልፈት ተዳርገዋል፡፡

በሀገሪቱ እያጋጠመ ያለው የሖስፒታል አልጋና የኦክስጅን እጥረት ሁኔታውን አሳሳቢ ደረጃ ላይ እንዳደረሰው እየተነገረ ይገኛል፡፡ የደልሂ ከፍተኛ ፍርድ ቤትም ከኦክስጅን አቅርቦት ጋር በተያያዘ ማዕከላዊ መንግስትን ወቅሷል ሲል ቢቢሲ ነው የዘገበው


  • የአዲስ አበባ አስተዳደር ያሰባሰበውን ከ25 ሚሊዮን ብር በላይ ግምት ያላቸው የአይነት ድጋፍ ለአማራ ክልል አስረከበ
    የአዲስ አበባ ከተማ አስተዳደር ከህብረተሰቡ ያሰባሰበውን በሬዎችን ጨምሮ ከ25 ሚሊዮን ብር በላይ ግምት ያላቸው የአይነት ድጋፍ ለአማራ ክልል አስረክቧል፡፡ የአዲስ አበባ ከተማ አስተዳደር አሸባሪው የህወሃት ቡድን በኢትዮጵያ አንድነት ላይ የቃጣውን የሽብር ተግባር ለመመከት ከሰሞኑ ከህብረተሰቡ ያሰባሰበውን በሬዎችን ጨምሮ የተለያዩ የምግብ ቁሳቁሶችን ለሀገር መከላከያ ሚኒስቴር ማስረከቡ ይታወሳል፡፡ የከተማ አስተዳደሩ ለአማራ ክልልContinue Reading
  • ከሳውዲ አረቢያ ከተመለሱ ስደተኞች ውስጥ የትግራይ ክልል ተወላጆች ቁጥር ከፍተኛ ነው
    በበእምነት ወንድወሰን  ባለፉት ሁለት ሳምንታት ውስጥ ከሳውዲ አረቢያ ከተመለሱ 42 ሺህ የሚጠጉ ኢትዮጵያውያን ስደተኞች መካከል አንድ ሶስተኛ ገደማ የሚሆኑት የትግራይ ክልል ተወላጆች መሆናቸውን የውጭ ጉዳይ ሚኒስቴር አስታወቀ። ከስደት ተመላሾች ውስጥ በቁጥራቸው ብዛት በሁለተኛ እና ሶስተኛ ደረጃ የተቀመጡት የአማራ እና የኦሮሚያ ክልል ተወላጆች መሆናቸውንም ሚኒስቴሩ ገልጿል።  የውጭ ጉዳይ ሚኒስቴር፤ ከሰላም ሚኒስቴርContinue Reading
  • በትግራይ ያሉ የዪኒቨርሲ ተማሪዎች ወደ ሰመራ እየገቡ ነው
    በትግራይ ክልል ዩኒቨርሲቲዎች ሲማሩ የነበሩ ተማሪዎች አፋር ክልል ሰመራ ከተማ መግባት መጀመራቸው አል ዐይን አማርኛ ያነጋገራቸው የሰመራ የከተማዋ ነዋሪዎች ተናግረዋል፡፡የተማሪዎች ወላጆች ከሰሞኑ ልጆቻቸው ትግራይ ክልል ከሚገኙ ዩኒቨርሲቲዎች እንዲመለሱ ጥያቄ ሲያቀርቡ ቆይተዋል፡፡ የኢትዮጵያ መከላከያ ሰራዊት ከትግራይ ክልል መውጣት ከጀመረ እና የተናጠል ተኩስ አቁም ከታወጀ በኋላ ትግራይ ክልል ባሉ ዮኒቨርሲቲዎች ልጆች ያሏቸውንContinue Reading
  • “አደንዛዥ ዕጽ የሚሰጧቸው በበርሜል ሻይ አፍልተው ነው”
    አሸባሪው ትህነግ (የትግራይ ህዝብ ነጻ አውጪ ግምባር) ዜጎችን ወደ ውትድርና ተመልምለው ለውጊያ የሚያደርሰው በሁለት መንገድ ነው፤ አንዱ ምንም የጦር ዕውቀትና ልምምድ ሳይኖራቸው በግድ ከሽፍታው ቡድን ጋር እንዲቀላቀሉ የተደረጉ ሲሆኑ ሁለተኛው ደግሞ አደንዛዠ ዕፅ አፍልተው ነው። ከዚሁ ጋር በተያያዘ ሰሞኑን የወጣው መረጃ እንደሚያመለክተው ትህነግ ህጻናት ልጆችን ለጦርነት እየመለመለ እንደሚሰማራ በማስረጃ ተረጋግጦበታል።Continue Reading
  • 47 ከባድ ተሽከርካሪዎች ከሰመራ ወደ መቀሌ ነገ እንደሚጓዙ የብሔራዊ አደጋ ስጋት ሥራ አመራር ኮሚሽን አስታወቀ።
    ለትግራይ ክልል የሚውል ሰባዓዊ ድጋፍ የጫኑ 47 ከባድ ተሽከርካሪዎች ከሰመራ ወደ መቀሌ ነገ እንደሚጓዙ የብሔራዊ አደጋ ስጋት ሥራ አመራር ኮሚሽን አስታወቀ። የብሔራዊ የአደጋ ሥጋት ሥራ አመራር ኮሚሽነር ምትኩ ካሳ በተለይ ለኢትዮጵያ ዜና አገልግሎት እንደገለጹት፤ በዓለም ምግብ ፕሮግራምና ሌሎች ዓለም አቀፍ የእርዳታ ተቋማት በኩል ምግብና ምግብ ነክ ያልሆነ የእርዳታ አቅርቦቶች በተገቢውContinue Reading

Leave a Reply