” በቃቹህ ወደ ድርደር” ከታንክ ወደ አህያ የወረደው ትህንግ በማን ሊወከል?

በአፍሪቃ ቀንድ የዩናይትድ ስቴትስ ልዩ መልዕክተኛ ጄፍሬይ ፌልትማን አዲስ አበባ ከመምጣታቸው በፊት ጫካ ያለውን የትህነግ ቀሪ አመራር በስልክ እንዳገኙ ተሰምቷል። የኢትዮ 12 የአሜሪካ ተባባሪ ለትህነግን የውጭ አመራሮች ቅርብ ከሆኑ እንደሰማው ከሆነ የስልክ ንግግሩ መመሪያ የመስጠት ዓይነት ነው። መመሪያው የኦነግ ሰዎችን እንዳስደነገጠም ተሰምቷል።

“ካሁን በሁዋላ በጦርነት የምንለውጠው ነገር አለ ብላችሁ አታስቡ” ሲሉ እንቅጩን ነግረዋቸዋል። ጠቅላይ ሚኒስትር አብይ ለፓርላማ ” አየር ላይ የተበተነ ዱቄት” ሲሉ ትህነግ ተመልሶ ሊገጣጠም እንደማይችል እንዳስረዱት ባይሆንም ፌልትማን ” በቃችሁ” ሲሉ የትግራይ ሕዝብ እርዳታና መልሶ ማቋቋም ስራው ላይ እንዲያተኩር ወደ ድርድር እንዲገቡ አዘዋቸዋል።

ትህነግ ከዛሬ ስድስት ወር በፊት ሁሉም ነገር በእጁ በነበረበት ወቅት ለድርድር ሲጠየቅ እንደነበር የሚያስታውሱ ለተባባሪያችን እንደነገሩት ያ የድርድር መንፈስ ዛሬ የለም። ሮኬት፣ ታንክ፣ ዘመናዊ መሳሪያና ሰፊ በጀት የነበረው ትህነግ ዛሬ ስንቅ በአህያ የሚያመላልስ ድርጅት በመሆኑ ድርድሩ ከመንግስት ጋር እንደማይሆን መገለጹ በውጭ አገር ያለውን ሃይል አሳስቦታል።

May be an image of 2 people, beard and text that says 'Dennis Wadley @denniswadley 3d The Ethiopian Patriarch has tried repeatedly to get his message out about the Tigray genocide, but has been censored. He has asked me to release to the the world a 14 minute video today.'

ጫካ ያለው ሃይል ለቀረበለት ሃሳብ የሰጠው ምላሽ ቃለ በቃል ምን እንደሆነ ባይታወቅም፣ ዴኒስ ዋድሌይ የተባለው “Bridges of Hope International” ድርጅት ዳይሬክተር በራሱ ቲውተር ቪድዮውን እንደቀረጸ አስታውቆ ሚዲያዎች የተቀባበሉት ቪዲዮ ላይ የተሰማው የፓትሪያርኩ ጥሪ ይህንኑ ሃሳብ ለማስቀየር ታስቦ የተሰራ ሊሆን ይችላል የሚል ግምት ስለመኖሩ አስተያየት የሚሰጡ አሉ። በጥሪያቸው ዓለም አቀፍ ጣልቃ ገብነት እንዲደረገ የተባበሩት መንግስታትን ተማጽነዋሎ። የጸጥታው ምክር ቤት የኢትዮጵያን ሉዓላዊነት እንደሚያከብርና የፖለቲካ ልዕናዋን የማይጋፋ እንዲሁም ሙሉ ክብሯን እንደሚጠብቅ አስታውቆ መግለጫ ማውጣቱ ይታወሳል። ያን መግለጫ በርካቶች ” የጣላቃ ገብነት ጥሪ በማህተም ተዘጋ” ማለት ነው ብለውትም ነበር።

የአሜርካ ተባባሪያችን ስለጉዳዩ ከሚያውቁ የሚዲያ ሰዎችና የትህነግ ወዳጆች እንዳሰባሰበው መረጃ ከሆነ በውጭ ያለው ሃይል መካከል ድርድር ቢጀመር ማን ትህነግን ይወክላል የሚለው ጉዳይ ልዩነት እንዳያስነሳ ስጋት አላቸው። ትህነግ በሌብነት ወንጅሎ ያገለላቸው አቶ ስዬ አብረሃም አሁን በተፈጠረው ችግር ሳቢያ ግንኙነታቸውን አድሰዋል። ከነ አምባሳደር ብርሃነ ገብረ ክርስቶስ በላይ ከትግራይ ተወላጅ የዲያስፖራ አባላት ጋር ስዬ ተወዳጅተዋል። በሌላ በኩል ደግሞ በውጭ አገር ያሉ ህጋዊ አካላት የሚገናኙት ወይም ትህነግ የቀጠራቸው የውጭ ዜግነት ያላቸው አካላት የሚገናኙት ከእነ አምባሳደር ብረሃነ ገብረክርስቶስ ጋር መሆኑ የድርድሩን ሂሳብ ማን ያወራርደዋል? ለሚለው ጥያቄ መልስ ማግነት አያስችልም።

አቶ ስዬ

ምንም ሆነ ምን ዛሬ ትህነግ ያለበት ድርጅታዊ አቋም ከመንግስትነት ወርዶ አሸባሪ ሆኗል። ከከፍተኛና ዘመናዊ ትጥቅ ወርዶ ጎሬላ ሆኗል። በቅርቡ እንደተሰማው ከሰፈርበት አካባቢ አህዮች ተሰብስበው ሲወሰዱበት ስንቅና ትጥቅ ማጓጓዣ በማጣቱ አካባቢውን ለቆ ለመሄድ የተገደደ ሃይል ሆኗል። ይህን የሚያውቁ በማህበራዊ ሚዲያዎች ” አህያ እንኳን መጠቀም ያልቻለ” ሲሉ ድርጅታዊ ህልውናው ማክተሙን እየገለጹ ነው።

” የካቲት 11 መቀለ እንገባለን” በሚል አስተላልፈውት የነበረው መልዕክት ሃቁን ለማይረዳና ትህነግን በቀድሞው ቁመና ለሚያስቡት ሰፊ ጉጉት የፈጠረ ቢሆንም አልሆነም። ተባባሪያችን እንዳለው የአሜሪካ የምስራቅ አፍሪቃ ልዩ መልዕክተኛ ” በቃ” ያሉት የድርጅቱን ቁመና በመረዳት ስለሆነና የትግራይን ህዝብ ችግር ከግንዛቤ ውስጥ በማስገባት ድርድሩ የማይቀር ነው።

Captured TPLF Junta mastermind Sebhat, eight others arrive in Addis Ababa –  Welcome to Fana Broadcasting Corporate S.C
በህግ ጥላ ስር ያሉት አካላት ስብሃት ነጋን ጨምሮ የስምምነት አካል ስለመሆናቸው አልተሰማም

ድርድሩ ምን ሊሆን እንደሚችል ሲያብራራ ” መንግስት አይደራደርም። ትህነግም ከመንግስት ጋር ለመደራደር ዛሬ ላይ ያለው አቋም አይፈቅድለትም” የሚል ሃሳብ መስማቱን ጠቁሟል። አያይዞም ትህነግ ሰራዊቱ እጅ እንዲሰጥ፣ ትጥቅ እንዲፈታ ይስማማል። ከዛም የተረፉ አመራሮች ምህረት ሊያገኙና ወደ ሶስተኛ አገር ሊሄዱ የሚችሉበት ሃሳብ ሊቀርብ እንደሚችል መስማቱን አመልክቷል። መንግስት ስራው ምህረት መሰጠት ብቻ እንደሚሆን አመልክቷል።

የትህነግ ጉዳይ በዚህ ከተቋጨ አብሮት የሚሰራው ኦነግ እጣ ፈንታው ምን ሊሆን ነው? የሚለው ጉዳይ ንዴት እንደፈጠረ ተሰምቷል። ኦነግ የድርድሩ አካል ስለመሆኑ ምንጮቹ ያሉት ነገር የለም። የአሜሪካ መለዕከተኛ የኦነግ ሰዎችን ስለማነጋገራቸው ይህ እስከተዘገበ ድረስ የታወቀ ነገር የለም። ኦነግን ጨምሮ በኦሮሞ ፖለቲካ ዙሪያ የሚሰሩ ከትህነግ ጋር መግጠማቸው በፖለቲካ ቋንቋ በራሳቸው ላይ ሞት እንዳወጁ እንደሚቆጠር በርካቶች መናገራቸው ይታወሳል።



  • ኢትዮጵያ እንደገና አንድ ሆና ተሰፋች፤ ደስም አለን!
    ዛሬ ሁሉም ዜጋ ” አገሬ” አለ። ያለ ልዩነት ” ማን እንደ አገር” ብሎ ጮኸ። በራሱ ተነስቶ ” እኔም ወታደር ነኝ ” አለ። ከባህር ማዶ ያሉ ከሃጂዎች አገር ለማፍረስ ሲማማሉ፣ የስልጣን ክፍፍል ሲያደርጉ፣ ግማሾቹ በስተርጅና ሲቀሉ፣ ትርፍራፊ የሚጣልላቸው ሚድያዎች አገራቸው ላይ አድማ ሲጠሩ፣ አንዳንድ ባለሃብት ነን ባዮች ቀን ቀን ቤተ ክርስቲያን፣Continue Reading
  • ለትግራይ ጄኔራሎች- “አይ” ካላችሁ ግን ውርድ ከራሴ ብያለሁ
    የምትከተሉት የውጊያ ስልት ያረጀና ያፈጀ ነው። የመጨረሻ ውጤቱም ትግራይን ትውልድ አልባ የሚያደርግ ነው። ለዚህ ማስረጃው ደግሞ አፋር ላይ “ክተት” ብላችሁ ልካችሁት እንደ ቅጠል ረግፎ የቀረው ወጣት ነው። የሰው ማዕበል ስትራቴጂ በዚህ የቴክኖሎጂ ዘመን የሚያስገኘው ውጤት ኢምንት ነው። የሰው ማዕበል በአንድ ድሮን፣ በአንድ የአውሮፕላን ቦንብ ወይም በዘመናዊ አውቶማቲክ መሳሪያ ይበተናል። አፋርContinue Reading
  • “አሸባሪው ትህነግ”በማይጠብሪ፣ በዋግ በአበርገሌ አከባቢ፣ በራያና በአላማጣ ከፍተኛ ኪሳራ ደርሶባታል
    የአማራ ክልል የመንግሥት ኮምዩኒኬሽን ጉዳዮች ጽሕፈት ቤት ዋና ዳይሬክተር ግዛቸው ሙሉነህ ጀግናው የመከላከያ ሠራዊት፣ ልዩ ኃይል፣ ሚሊሻ እና የአማራ ሕዝባዊ ሠራዊት በአውደ ዉጊያ ዉሎው ጠላትን እያንበረከከ ወደፊት እየገሰገሰ መሆኑን አስታወቁ። በማይጠብሪ፣ በዋግ በአበርገሌ አከባቢ፣ በራያና በአላማጣ ከፍተኛ ኪሳራ ደርሶባታል ዋና ዳይሬክተሩ በቅጥረኛ የትህነግ ተቀጣሪ አክቲቪስቶች በሀሰት እንደሚነዛው መረጃ ሳይሆን በማይጠብሪ፣Continue Reading
  • አትሌቲክስ ፌዴሬሽን የቅጥፈት መግለጫ አወጣ፤ ቡድኑንን እየበጠበጠ ነው
    “ሕዝባችንና መንግስታችን” የሚል ተደጋጋሚ ሃረግ በመጠቀም መገልጫ ያሰራጨው የኢትዮጵያ አትሌቲክስ ፌዴሬሽን አትሌት ለሜቻ ግርማ በ3000 መሰናክል እንዲወዳድር መደረጉ አግባብ እንዳልሆነ አስታወቀ። በመግለጫው የሰጠው ምክንያትና ቀደም ሲል ያቀረበው ሪፖርት አይሰማማም። ፌዴሬሽኑ በቶኪዮ ኦሊምፒክ አጠቃላይ ሂደት ላይ ያሰራጨው መግለጫ ” ከውዲሁ የለሁበትን” ዓይነት ሲሆን ውጤቱን አብዝቶ ሊጎዳ የሚችልና ኢትዮ 12 ባደረገው ማጣራትContinue Reading

Leave a Reply