በበጀት ዓመቱ ከ7 ነጥብ 4 ቢሊዮን ብር በላይ በሰነድ አልተወራረደም

በበጀት ዓመቱ በዘጠና መስሪያ ቤቶችና በአስራ ሁለት የቅርንጫፍ ተቋማት ከ 7.4 ቢሊዮን ብር በላይ በሰነድ ያልተወራረደ መሆኑን የፌደራል ዋና ኦዲተር ይፋ አደረገ። ሪፖርቱ የቀረበለት የህዝብ ተወካዮች ምክር ቤት ተደጋጋሚ የኦዲት ግኝት ችግር በሚከሰትባቸው ተቋማት ላይ የማስተካከያ እርምጃ እንዲወሰድ አሳስቧል።

የፌደራል ዋና ኦዲተር የ2012/13 በጀት ዓመት የኦዲት ሪፓርቱን ለህዝብ ተወካዮች ምክር ቤት አቅርቧል።ኦዲተር መስሪያ ቤቱ ሪፖርቱን ባቀረበበት ወቅት እንዳንድ ተቋማት በተደጋጋሚ ተመሳሳይ የሃብት አጠቃቀም ችግር እየታየባቸው መሆኑን ገልጿል።

ለአብነትም የ2011 በጀት ዓመት በ68 ተቋማት በተደረገ ኦዲት ተመላሽ መሆን ከነበረበት ከ1 ነጥብ 7 ቢሊዮን ብር ውስጥ እስካሁን የተመለሰው 261 ነጥብ 8 ሚሊዮን ብር ብቻ መሆኑ ተጠቅሷል።ይህም በኦዲት ግኝቱ መመለስ ከነበረበት ገንዘብ ወስጥ 14 ነጥብ 6 በመቶ ብቻ ተመላሽ መሆኑን ያመላክታል።

በ2012 በጀት ዓመት ደግሞ በ90 መስሪያ ቤቶችና በ12 የተለያዩ ቅርንጫፍ ፅህፈት ቤቶች በተደረገ ኦዲት ከ7 ነጥብ 4 ቢሊዮን ብር በላይ የሰነድ ሂሳብ ሳይወራረድ መገኘቱም በሪፖርቱ ተገልጿል።

በገቢዎች ሚኒስቴርና በጉምሩክ ኮሚሽን በእያንዳንዳቸው ስር ባሉ ስድስት ቅርንጫፍ ፅህፈት ቤቶች 7 ነጥብ 7 ቢሊዮን ብር በላይ ገንዘብ በወቅቱ ያልተሰበሰበ ውዝፍ ገቢ መገኘቱም እንዲሁ።

የምክር ቤቱ አባላትም ተደጋጋሚ የኦዲት ግኝት የሚከሰትባቸው ተቋማትና የሚታዩት ችግሮች ተመሳሳይነት እንዳላቸው አንስተዋል።ችግሩን ለመቅረፍ ከሪፖርት ባለፈ የማስተካከያ እርምጃ መውሰድ እንደሚገባ ገልጸው፤ ምክር ቤቱ በዚህ ረገድ የሚጠበቅበትን ኃላፊነት እንደሚወጣ አስገንዝበዋል።ዝርዝር ዜናውን ለማንበብ ሊንኩን ይጠቀሙ፡-

Related posts:

«ሕወሓት ጦርነትን እንደ አምልኮ የሚቆጥር ቡድን ነው» – ፕሮፌሰር ሀረገወይን አሰፋ
«በሕገወጦች ላይ ያለ ምኅረት እርምጃ መውሰድ አለብን፤ ይህ የመንግሥት ተግባር ነው» የአማራ ክልል
125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ

Leave a Reply