በኢትዮጵያ የተመድ የስደተኞች ኤጀንሲ ሃላፊ እውነት በመናገራቸው በዕረፍት ስም መጠራታቸው አነጋጋረ

ተመድ – የአሸባሪውን ህወሃት ገመና የሚገልጥ ሁሉ ሰለባ የሚሆንበት ተቋ

የተባበሩት መንግስታት ድርጅት (ተመድ) በኢትዮጵያ ጉዳይ ላይ አሉታዊ ጫና ለመፍጠር የጸጥታ ምክር ቤቱ ተደጋጋሚ ስብሰባ አድርጓል።

በስብሰባዎቹ የተለየ ፍላጎት ያላቸው አገሮች የኢትዮጵያን መንግስት ለመወንጀል የሀሰት መረጃን አግዝፈው ሲያቀርቡ፤ የኢትዮጵያን እውነት የሚገነዘቡ አገሮች በበኩላቸው የኢትዮጵያን ጉዳይ ለኢትዮጵያ መተው እንደሚገባ በመግለጽ የሚደረገውን ጫና ለማምከን ሙከራ አድርገዋል።

ያም ሆኖ ግን ተመድና አንዳንድ ምዕራባውያን አሸባሪው ህወሃት በኢትዮጵያ ውስጥ እያደረሰ ያለውን ጥፋት በመሸፈን መንግስትን ከመወንጀል ወደ ኋላ ለማለት አልፈቀዱም።

መንግስት የውጭ ሃይሎች በተለይም በሰብዓዊ ድጋፍ ስም በአገር ውስጥ ጉዳይ ጣልቃ የሚገቡ አካላት ከድርጊታቸው እንዲታቀቡ በተደጋጋሚ ቢያስገነዝብ፣ ቢያሳስብና ከአገር ቢያሰናብትም ጣልቃ የመግባት ዝንባሌው እየጨመረ መጥቷል።

Advertisements

በተለይም የተመድ ሰባት ሰራተኞች በውስጥ ጉዳይ ጣልቃ በመግባታቸው ከአገር እንዲወጡ መደረጋቸው የድርጅቱን ዋና ጸሐፊ ጨምሮ ብዙዎቹን ያስደነገጠና ያልተጠበቀ በመሆኑ ጫናውን ለማበርታትና በሃሰት ኢትዮጵያን ለመወንጀል የሚያደርጉትን ጥረት እንዲያጠናክሩ አድርጓቸዋል።

ከሰሞኑ የታየው የተመድ የስደተኞች ኤጀንሲ የኢትዮጵያ ሃላፊ የሰጡትን ቃለ-መጠይቅ ተከትሎ በአስተዳደራዊ እረፍት ስም መጠራታቸው የዚህ ማሳያ ነው።

ሃላፊዋ በሰጡት ቃለ መጠይቅ የአሸባሪውን ህወሃት ትክክለኛ ገጽታ አሳይተዋል።

ሃላፊዋ ማውሪን አቺንግ ከኢትዮጵያ መጠራታቸውን የሚገልጽ ደብዳቤ እንደደረሳቸው የኤኤፍፒ ዘገባ አመላክቷል።

የዚህ ውሳኔ ዋና መነሻው ሃላፊዋ የኢትዮጵያን እውነት በመያዝ የተለያየ ጽሁፍ በማውጣት እየሞገተ ለሚገኘው ጸሐፊ ጄፍ ፒርስ ቃለ-መጠይቅ በመስጠታቸው እንደሆነ ተገልጿል።

በቃለ-መጠይቁ የኢትዮጵያን እውነት አጉልተው በማውጣት የአሸባሪውን ህወሃት ትክክለኛ ገጽታ ለአደባባይ አስጥተዋል።

ቡድኑ እጅግ የቆሸሸ ድርጊት የሚፈጽምና በጭካኔ የተሞላ መሆኑን ይፋ አድርገዋል።

ለአብነትም ከዚህ ቀደም ቡድኑ ከሳዑዲአረቢያ አገር ለቀው እንዲወጡ የተደረጉ የትግራይ አካባቢ ተወላጆች ወደ ርዋንዳ እንዲላኩ ማድረጉን አስታውሰዋል።

ይህ ገመናውን የማውጣት ድርጊታቸው ደግሞ ኢትዮጵያን በሐሰት እየወነጀሉ ለሚገኙ ሃይሎች የሚዋጥ አልሆነም።

የስደተኞች ኤጀንሲው ዋና ዳይሬክተር አንቶንዮ ቪቶሪኖ የኢትዮጵያ ሃላፊዋ አቺንግ አስተያየት ተቋሙን የማይወክል መሆኑን በመግለጽ፤ የድርጅታቸውን መርህና እሴት የጣሰም ስለመሆኑ ተናግረዋል።

ይህንን የዋና ዳይሬክተሩን አቋም የኤጀንሲው የቀጣናው ሃላፊ ሞሐመድ አብዲከር አጠናክረውታል።

“ለማንኛውም አካል ሳንወግን ገለልተኛ በመሆን ስራችንን እንሰራለን” በማለት ቢገልጹም የተፈጸመው ድርጊት ግን ይህንን አያረጋግጥም።

የአሸባሪውን ህወሃት ገመና የሚገልጥ ሁሉ ሰለባ መሆኑን የሚያሳይ ውሳኔ እያሳለፉ ለመርህና ለእሴት እንገዛለን፤ ገለልተኛ ሆነን እናገለግላለን ማለት ያስተዛዝባል።

ENA

Related posts:

125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ

Leave a Reply