ትህነግ መስጊድ አወደመ፤ እስልምና ጉባኤ አወገዘ

አሸባሪው የትህነግ ኃይል በዛሪማ ከተማ የሚገኘውን መስጂድ ሙሉ በሙሉ በሚባል ደረጃ ማውደሙን ተከትሎ የየአማራ ክልል እስልምና ጉዳዮች ከፍተኛ ምክር ቤት ተቃውሞውን አሰማ። ድርጊቱም ፍጹም የከፋ መሆኑንን አስታውቋል። ድርጊቱ በትግራይ ያሉ ሙስሊሞች ላይ ለዓመታት ሲካሄድ የኖረው ሙስሊም ጠል አመለካከት ውጤት እንደሆነ ተጠቁሟል።

አሸባሪው የትህነግ ኃይል በሰሜን ጎንደር ዞን አዲአርቃይ ወረዳ ዛሪማ ከተማ በሚገኘው መስጂድ ላይ በከባድ መሳሪያ ያደረሰውን ውድመት እንደሚያወግዝ የአማራ ክልል እስልምና ጉዳዮች ከፍተኛ ምክር ቤት ያስታወቀ ባሰራጨው መግለጫ ነው።

በአሁኑ ወቅት አሸባሪውና ወራሪው የትህነግ ኃይል በአማራ ክልል ላይ እየፈጸመ በሚገኘው ጦርነት በሕዝብ ሕይወት ላይ አስከፊ ግድያና መፈናቀል በየቀኑ የሚሰማ መርዶ መሆኑንን ያወሳው የምክር ቤቱ መግለጫ በዜጎች፣ በሕዝብ መገልገያ ተቋማትና መሠረተ ልማቶች ላይ እየደረሰ ያለው ውድመት በጥቅሉ ከሰው ልጆች የማይጠበቅ ብሎታል።

በሰሜን ወሎ፣ በዋግ ኽምራ፣ በደቡብ ወሎ አካባቢዎች በርካታ መስጂዶችና መድረሳዎች ጉዳት ደርሶባቸዋል፣ አማኞችም ተጎድተዋል ያለው መግለጫው ዝርዝሩ ወደፊት በጥናት የሚገለፅ መሆኑንም አመላክቷል።

ምክርቤቱ በመግለጫው አሸባሪው የትህነግ ኃይል ጉዳት ያደረሰበት ዛሪማ ከተማ የሚገኘዉ ጥንታዊ መስጂድ በርካታ ዓመታት እድሜ ያለው እና በቅርቡ በዘመናዊ መንገድ ተገንብቶ እንደነበርም ገልጿል። የዛሪማ መስጂድ ጥቅምት 7/2014 ዓ.ም ከቀኑ 10 ሰዓት 30 አካባቢ በአሸባሪው የትህነግ ኃይል በተተኮሰ ከባድ መሳሪያ ከፍተኛ ዉድመት እንደደረሰበት ከአካባቢው ኅብረተሰብ እና ከወረዳዉ እስልምና ጉዳዮች ምክር ቤት የሥራ ኃላፊዎች በደረሰው መረጃ ለማረጋገጥ መቻሉንም በመግለጫው አመላክቷል፡፡

ከፖለቲካ ጋር አንዳች ግንኙነት በሌላቸዉ የእምነት ቤቶች ላይ የሚፈፀመዉን አውዳሚ ተግባር የእስልምና ጉዳዮች ከፍተኛ ምክር ቤት በጽኑ ያወግዛል ብሏል፡፡ ወደፊት መስጂዱን መልሶ ለመገንባት በሚደረገው እንቅስቃሴ ኅብረተሰቡ የበኩሉን አስተዋጽኦ እንዲያደርግ ምክር ቤቱ ጥሪ አቅርቧል፡፡ መንግሥት የሕዝቦችንና የእምነት ቤቶችን ደኅንነት እንዲያስጠብቅም የአማራ ክልል እስልምና ጉዳዮች ከፍተኛ ምክር ቤት ጠይቋል፡፡

በተመሳሳይ እነ አሕመድ ጀበልን የመሳሰሉ የሙስሊሙ ተቆርቋሪ ነን ባዮች ይህን ተግባር አለማውገዛቸው በሙስሊሙ ሕብረተሰብ ዘንዳ መንጋገሪያ ሆኗል። በትግራይ ሙስሊሞች መቀበሪያ ቦታ ለማግነት መከራ የሚያዩበትን እንድ ባዕድ የሚስተናገዱ መሆናቸውን ያስታወሱ ድርጊቱን ” እስልምና ጠል የሆነው አመለካከት ውጤት ነው” ሲሉ ጽፈዋል። ትህነግ ኤርትራን ሲወር ለትግራይ ብቻ ሳይሆን ቆለኛ የሚላቸውን የኤርትራ ሙስሊሞች ያገለለ ክልል እንደሚፈጥር ደጋፊዎቹን አንቂዎቹ በተደጋጋሚ ሲናገሩ እንደሚደመጥ የስታወቁም አሉ።

Related posts:

መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”
በሶማሊያ በሚንቀሳቀሰው አልሸባብ የሽብር ተልዕኮ የተሰጣቸው ስድስት ግለሰቦች በቁጥጥር ስር ዋሉ
አማራ ክልል ትህነግ ዳግም ጦርነት ስላወጀ የ"ዝግጁነትን" አዋጅ አወጣ
ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች
በአገር አቋራጭ የሕዝብ ትራንስፖርት አገልግሎት ላይ የትራንስፖርት ታሪፍ ማሻሻያ ተደረገ
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Leave a Reply