«የትህነግ የሽብር ቡድን ለማጥፋት ሁሉም በየአካባቢው እንዲዘጋጅ»

የፀጥታ ሀይሉ በሚፈጽመው የተቀናጀ ማጥቃት አሸባሪው ቡድን ላይ ድል እየተቀዳጀ ነው:: የትህነግ የሽብር ቡድንን ለማጥፋት ሁሉም በየአካባቢው እንዲዘጋጅ በቀጣይ ትግሉን ለማቀጣጠል አቅጣጫዎች መቀመጣቸውንም አስረድተዋል።

የጸጥታ ሀይሉ በሚፈጸመው የተቀናጀ ማጥቃት የአሸባሪውን ህወሃት ቡድን እየደመሰሰና ድል እየተቀዳጀ መሆኑን የመንግሥት ኮሙዩኒኬሽን አገልግሎት አስታወቀ።

የመንግሥት ኮሙዩኒኬሽን አገልግሎት ሚኒስትር ዶክተር ለገሠ ቱሉ እንደገለጹት፤ የፀጥታ ሀይሉ በሚፈጸመው የተቀናጀ ማጥቃት ድል እየተቀዳጀ ነው።

ቡድኑ ባለፋት ጥቂት ቀናት ያለውን ሀይል አሰባስቦ በወረባቦ፤በተሁለደሬ እና በጭፍራ ጥቃት መክፈቱን አስታውሰዋል።

የፀጥታ ሀይሎች በወሰዱት የአጸፋ እርምጃ “የአሸባሪው ህወሃት አባላት ሙትና ቁስለኛ ሆነዋል” ብለዋል።

አየር ሀይሉ እየወሰደ ባለው እርምጃም በተሳካ መልኩ የአሸባሪው ህወሃት መጠቀሚያዎችን ማውደም መቻሉንም አብራርተዋል።

አሁንም ቡድኑ እኩይ ድርጊቱን የቀጠለ መሆኑን አመልክተው፤ የኢትዮጵያ ህዝብ ከምን ጊዜውም በላይ በአንድነት መነሳት እንዳለበት አብራርተዋል።

“በሁሉም የአገሪቷ አካባቢ መዝመት የሚችል ሁሉ ራሱን ዝግጁ ማድረግ አለበት” ሲሉ የፌዴራል መንግሥት ኮምዩኒኬሽን አገልግሎት ሚኒስትር ለገሰ ቱሉ በሰጡት መግለጫ ኢትዮጵያን ሊያፈርስ የተነሳውን የትህነግ የሽብር ቡድንን ለማጥፋት ሁሉም በየአካባቢው እንዲዘጋጅ አሳስበዋል።

በቀጣይ ትግሉን ለማቀጣጠል አቅጣጫዎች መቀመጣቸውንም አስረድተዋል።

ሚኒስትሩ ዶክተር ለገሰ ኢትዮጵያ አሁን የሚያስፈልጋት ታታሪ ወታደር እና ታታሪ ሠራተኛ እንጂ ታታሪ ወረኛ አይደለም ብለዋል። ሀገሪቱ አሁን የተደቀነባትን የሕልውና አደጋ ለመመከት ከመደበኛ መከላከያ ሠራዊት እና ልዩ ኀይል በተጨማሪ ሁሉም ኢትዮጵያዊ ለትግል ራሱን እንዲያደራጅ ነው ያሳሰቡት።

የተደቀነውን የሕልውና አደጋ ለመመከት የወሎ ወጣቶች እንዳደረጉት ሁሉም ኢትዮጵያዊ እንዲነሳ ጥሪ አቅርበዋል።

ኅብረተሰቡ ቀየውን ትቶ ከመሸሽ፣ ሰርጎ ገቦችን መከላከል እንዳለበት የተናገሩት ሚኒስትሩ ከአንዱ ከተማ ወደ ሌላው ከተማ የሚደረግ እንቅስቃሴም ሰርጎ ገቡን እና አስተኳሹን ለመለየት አስቸጋሪ እንደሚያደርገው አስገንዝበዋል።

ሚኒስትሩ አሸባሪው ቡድን በሄደበት ሁሉ እንዲቀበር ወጣቱ በርትቶ መሥራት እንደሚጠበቅበት ነው የገለጹት፡፡

ለእርዳታ ወደ ትግራይ የገቡ 860 ተሽከርካሪዎች አለመመለሳቸውን የተናገሩት ሚኒስትሩ ወራሪው እና አሸባሪው ትህነግ እርዳታ ታግዶባችኋል በሚል ማደናገሪያ ሕፃናትን፣ ሴቶችን እና ሽማግሌዎችን በመንጋ ወደ ጦርነት እያሰለፈ መሆኑን ነው ያብራሩት።

ሚኒስትሩ የአማራ እና የአፋር ክልልን በመውረር ዜጎችን ስቃይ ውስጥ የከተተውን ቡድን ለማጥፋት እና በኢትዮጵያ ላይ የደቀነውን የሕልውና አደጋ ለመቀልበስ በየትኛውም የኢትዮጵያ ክፍል የሚገኝ ኢትዮጵያዊ ሀገሩን ለማዳን እንዲነሳ ሀገራዊ ጥሪ መቅረቡን ነው የተናገሩት።

የሽብር ቡድኑ ጦርነቱን እያካሄደ ያለው በኢኮኖሚም ጭምር በመሆኑ አርሶ አደሩ ሰብሉን በመሰብሰብ ለቀጣይ የመስኖ ሥራ ይዘጋጅም ብለዋል፡፡ ሚኒስትሩ ዶክተር ለገሰ እንዲህ ሲሆን ኢትዮጵያን መታደግ እንደሚቻል አስረድተዋል።

Source (አሚኮ) and ENA

Related posts:

«ሕወሓት ጦርነትን እንደ አምልኮ የሚቆጥር ቡድን ነው» – ፕሮፌሰር ሀረገወይን አሰፋ
«በሕገወጦች ላይ ያለ ምኅረት እርምጃ መውሰድ አለብን፤ ይህ የመንግሥት ተግባር ነው» የአማራ ክልል
125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ

Leave a Reply