ከ46 ሀገራት የተውጣጡ 80 ታዋቂ የመረጃ አንጣሪ ተቋማት ለዩትዩብ ያስገቡት ደብዳቤ!

  • ዩትዩብ ሀሠተኛና የተዛቡ መረጃዎችን ለሚያሰራጩ እንዲሁም ሴራ ለሚተነትኑ ግለሰቦችና ቡድኖች ዋነኛ መናኸሪያ ሆኖ መቀጠሉ እንዳሳሰበው ያብራራል።

ከ46 ሀገራት የተውጣጡ 80 ታዋቂ የመረጃ አንጣሪ ተቋማት ዩትዩብ ሀሠተኛና የተዛቡ መረጃዎች ስርጭትን በመዋጋት ረገድ የሚጠበቅበትን ሃላፊነት እንዲወጣ የሚጠይቅ ግልጽ ደብዳቤ ለድርጅቱ ጻፉ።

ሀሠተኛና የተዛቡ መረጃዎች በማህበረሰብ ትስስር፣ በዴሞክራሲ ስርዐትና በህብረተሰብ ጤና ላይ እያደረሰ ያለውን አሉታዊ ሚና በመዘርዘር የሚጀምረው ደብዳቤ ዩትዩብ ሀሠተኛና የተዛቡ መረጃዎችን ለሚያሰራጩ እንዲሁም ሴራ ለሚተነትኑ ግለሰቦችና ቡድኖች ዋነኛ መናኸሪያ ሆኖ መቀጠሉ እንዳሳሰበው ያብራራል።

የደብዳቤው ጸሃፊዎች ዩትዩብ በፕላትፎርሙ የሚሰራጩ ሀሠተኛና የተዛቡ መረጃዎችን በመከላከል ረገድ የሚጠበቅበትን ሚና እየተወጣ አለመሆኑን በመጥቀስ የወቀሱ ሲሆን ይህም “ሀላፊነት የጎደላቸው ግለሰቦችና ቡድኖች በተጠቃሚዎች ላይ አሉታዊ ተጽዕኖ እንዲያደርጉ እንዲሁም እንዲደራጁና ገንዘብ እንዲሰበስቡ ፈቅዷል’’ ብለዋል።

መረጃ አንጣሪ ተቋማቱ በጻፉት ደብዳቤ ባለፈው አንድ አመት በዩትዩብ የተሰራጩና ከፍተኛ ጉዳት አድርሰዋል ያሏቸውን ምሳሌዎች የዘረዘሩ ሲሆን ድርጅቱ ምንም አይነት የመከላከል እርምጃ አለመውሰዱን ጠቀሰዋል። በተለይም ችግሩ የእንግሊዘኛ ቋንቋ ተናጋሪ ባልሆኑና በማደግ ላይ ባሉ አገሮች ጎላ ብሎ እንደሚታይ አንስተዋል።

ተቋማቱ ዩትዩብ በፕላትፎርሙ የሚሰራጩ ሠተኛና የተዛቡ መረጃዎችን ለመከላከል እርምጃዎችን መውሰድ እንዳለበት በተደጋጋሚ ያሳሰቡ ሲሆን መወሰድ አለባቸው ያሏቸውንም እርምጃዎች በዝርዝር አስቀምጠዋል።

ከተዘረዘሩት መካከል ድርጅቱ ሀሠተኛና የተዛቡ መረጃዎችን ለመከላከል የሚጠቀምበትን አሰራር ጨምሮ በሌሎች ጉዳዮች ላይም ግልጽነትን እንዲያሰፍን፣ ከህግ ጋር የተገናኙ ቪዲዮዎችን ከማስወገድ በተጨማሪ ሀሠተኛና የተዛባ ይዘት በሚታይባቸው ቪዲዮዎች ላይ አውድና ማብራሪያ እንዲጨምር፣ በተደጋጋሚ ሪፖርት የሚደረጉ ቻናሎች (በተለይም ገንዘብ የሚያስገኙትን) አለማስተዋወቅና ከእንግሊዘኛ ቋንቋ ውጭ በሆኑ ይዘቶች ላይ ትኩረት ሰጥቶ እንዲሰራ የሚሉ ይገኙበታል።

ተቋማቱ በጻፉት ደብዳቤ ዩትዩብ ከላይ የተጠቀሱትን እርምጃዎች እንደሚወስድ ተስፋ እንዳላቸው የገለጹ ሲሆን አብረው ለመስራትም ያላቸውን ዝግጁነት ጠቅሰዋል።

EthiopiaCheck Updates

Related posts:

የ18 ዓመቱ ጎረምሳ በኒውዮርክ የገበያ አዳራሽ በጥይት እሩምታ አስር ሰው አጠፋ
ሕንድ ስንዴ ወደ ውጪ መላክ አቆመች
የብሔራዊ መረጃና ደህንነት አገልግሎት ዜጎች ራሳቸውን እንዲጠብቁ ማሳሰቢያ ተሰጠ
የሶማሊያ ምርጫ ፣የህጻናት ጉልበት ብዝበዛ በአፍሪቃ
አቢሲኒያ ባንክ 60 ወለል ሰማይ ጠቀስ ሕንፃ ሊያስገነባ ነው
ጎንደር ዩኒቨርሲቲ በተሳሳተ መረጃ ስሜ ጠፍቷል ሲል ማብራሪያ እንዲሰጠው ቢቢሲን ጠየቀ
«የትግራይ ሕዝብ ያተረፈው መከራና ስቃይ ነው»
ከሶማሊ ብሄራዊ ክልላዊ መንግስት የተሰጠ ወቅታዊ የአቋም መግለጫ
በድሬዳዋ ከተማ በነበረው ሁከት ተሳታፊ የነበሩ 89 ተጠርጣሪዎች ተያዙ
በሃይማኖትን ሽፋን የሚፈጸሙ የወንጀል ተግባራትን መንግሥት እንዲያስቆም የሃይማኖት ተቋማት ጉባኤ ጠየቀ
“ሕገወጦች በድንጋይ ከሰል አመላላሽ አሽከርካሪዎች ላይ ጉዳት እያደረሱ ነው”
"የሽብር ድርጊት በሚፈጠሩ አካላት ላይ የማያዳግም እርምጃ እንወስዳለን"
"ሃይማኖት የሰላም እንጂ በምንም ምክንያት የግጭት መንስኤ ሊሆን አይችልም"
የፑቲን ቀጣይ ዒላማ - ኦዴሳ የወደብ ከተማ
በኦሮሚያ ድርቁ ባስከተለው ጉዳት 1.3 ሚሊዮን እንስሳት ሞቱ

Leave a Reply