ኮሜርሻል ኖሚኒስ የኤፈርት ንብረቶችን የማስተዳደሩን ስራ ተረከበ  

  • ውሳኔው አቃቤ ህግ ባቀረበው መሰረት የተወሰነ ነው

የኤፈርት የንግድ ኩባንያዎችን ኮሜርሻል ኖሚኒስ እንዲያስተዳደራቸው መደረጉና ውሳኔውም አቃቤ ህግ ባቀረበው ጥያቄ መሰረት መፈጸሙ ተሰምቷል። ኮሜርሻል ኖሚኒስ በኢትዮጵያ ንግድ ባንክ የበላይነት የሚመራ ሃብት የቋም መሆኑ ይታወቃል።

የትግራይ ህዝብ ነጻ አውጪ ግንባር የንግድ ኢምፓየር የሆነውና አቶ ስብሃት ነጋ ከአፍሪካ አንደኛ እንደሆነ የመሰከሩለት ኤፈርት፣ በባለቤቱ አማካይነት በኢትዮጵያ ሕዝብ ላይ ወረራና ጦርነት መክፈቱን ተከትሎ አቃቤ ህግ ሰላሳ ስምንት በሚሆኑት የኤፈርት እህት ኩባንያዎች የባንክ ሂሳብ እንዲታገድ አስወስኖ ነበር። ኩባንያዎቹ ከህወሓት ጋር ያላቸውን የወንጀል ግንኙነት ላይ ምርመራ እስኪጠናቀቅና ይፋ እስኪሆን ነበር እግዱ የተወሰነው።

በመሃል አገር በመሰረተው የንግድ ኢምፓየር አማካይነት ጦርነቱን እንደሚደጉም መረጃ እንዳለው መንግስት ጠቅሶ አካውናታቸውን እንዲታገድ የተደረጉትን የኤፈርት ድርጅቶች፣ መንግስት በሰየማቸው ስባት አባላት ያሉት ቦርድ እየተዳደረ ቆይቷል። ዋዜማ “ሰማሁ” ሲል ምንጮቹን ሳይገልጽ እንዳለው ከሆነ ሰባቱ መንግስት የሰየማቸው የቦርድ አባላት በፈቃዳቸው ለቀዋል። ይሁን እንጂ የመልቀቃቸው ጭብጥ ምክንያት በዜናው አልሰፈረም። የቦርድ አባላቸው መልቀቃቸው በተገለጸበት የዋዜማ “የሚስጢር ዜና” የተጠቆመው ኮሜርሻል ኖሚኒስ የተሰኘው በኢትዮጵያ ንግድ ባንክ ስር የሚተዳደረው ተቋም ኤፈርትን እንዲያስተዳድር መደረጉ ነው።

“የቦርዱ አባላት ከሐላፊነታቸው ለመነሳት መልቀቂያ ያስገቡበትን ምክንያት ለማወቅ ያደረግነው ጥረት ግን አልተሳካም” ሲል ዋዜማ ጽፏል። አስከትሎም “…የፍትህ ሚኒስቴር የኤፈርት ድርጅቶች ጉዳይ ከዳር እስኪደርስ የሚያስተዳድራቸው አካል እንዲሾም ለፍርድ ቤት ባቀረበው አቤቱታ መሰረት ኮሜርሻል ኖሚኒስ የማስተዳደሩን ስራ እንዲረከብ ትእዛዝ ተሰጥቷል” ብሏል።

የኤፈርት ኩባንያዎችን ሲመራ የነበረው ቦርድ ሰብሳቢ ዶክተር በጸጋዩ በርሄ እንደነበሩ ይታወሳል። ይህ ዜና እስከታተመ ድረስ አቃቤ ህግም ሆነ አግባብ ያለው ህጋዊ አካል በይፋ የሰጡት መረጃ የለም። የፍትህ ሚኒስቴር ጉዳዩን እንዲያብራራ ሞክረን አልተሳካም። ይሁን እንጂ ሃላፊነቱ ለኮሜርሻል ኖሚኒ የተሰጠው በሚስጢር እንዳልሆነና በገሃድ በግህጋዊ አግባብ እንደሆነ ስማቸው ለጊዜው እንዳይጠቀስ የጠየቁ የህግ ባለሙያ አመልክተዋል። በቅርቡም ማብራሪያ ይሰጥበታል ብለው እንደሚያምኑ አመልክተዋል።

Related posts:

የመሰረተ ልማት ቀበኞች ላይ " የሞት ቅጣት"May 26, 2022
ኢሳያስ - ዘመቻው እስከ መጨረሻ ቀብር ይሆናል ሲሉ ትህነግን አስጠነቀቁMay 25, 2022
በአማራ ክልል እፎይታ እየነገሰና የትህነግ የወረራ ዕቅድ መምከኑ ተሰማMay 25, 2022
ንግድ ባንክ ለአፈር ማዳበሪያ ግዥ ከ50 ቢሊየን ብር በላይ ወጪ ማድረጉን አስታወቀMay 25, 2022
ቢለኔ ታይም መጽሔትን ማብራሪያ ጠየቁ፤ የተሰላ ጥቃትና የአንድ ወገን ትርክት ማቅረቡን ኮንነዋልMay 25, 2022
"ከውስጥ በር ለማስከፈት ... ከጣራ በላይ ጩኸት" አብን አማራን ለሶስተኛ ዙር ወረራ እያመቻቹ ያሉትን በይፋ አወገዘMay 24, 2022
በኢትዮጵያ በተከሰቱ ግጭቶች ሁሉ የትህነግ እጅ እንዳለባቸው በመረጃ ተረጋገጠMay 24, 2022
ፋኖ እየጨፈረ ከመከላከያና አማራ ልዩ ሃይል ጋር የግዳጅ ቀጠናውን ተረከበMay 23, 2022
ተልዕኮ አስፈጻሚዎችና ከ1780 በላይ ሕዝባዊ ኀላፊነታቸውን ያልተወጡ ተጠርጣሪዎች ተያዙMay 23, 2022
በሕግ ማስከበር ዘመቻ ከ4 ሺህ በላይ ተጠርጣሪዎች በሕግ ቁጥጥር ስር ዋሉMay 23, 2022
በአማራ ክልል መፈንቅለ መንግስት ታቅዶ ነበርMay 23, 2022
Number of IDPs Hits Record High GloballyMay 22, 2022

Leave a Reply