የመከላከያ ሰራዊትና የክልል ጸጥታ ሃይሎች እርምጃ እንዲወስዱ ታዘዙ

  • በጦርነቱ ምክንያት የተፈጠሩ ኢመደበኛ አደረጃጀቶችን ቅርጽ ለማስያዝ ስምምነት ላይ ተደረሰ

መንግስት በህግ “አሸባሪ” ተብሎ ከተፈረጀ ቡድን ጋር ምንም ዓይነት ድርድር እንደሌለ ቢያስታውቅም፣ አንድ ግለሰብን ጠቅሶ ከአሸባሪ ሃይል ጋር ድርድር ለማድረግ ስምምነት መደረሱ በተዘገበበት ዕለት፣ የመከላከያ ሰራዊትና የክልል ጸጥታ ሃይሎች እርምጃ እንዲወስዱ የታዘዙበት አቅጣጫ መቀመጡ ተገለጸ።

መንግስት ሽብርተኛው ህወሃት ለሚያደርገው ትንኮሳ የክልልና የመከላከያ ሃይል አስፈላጊ ያለውን እርምጃ እንዲወድ አቅጣጫ ያስቀመጠው በጠቅላይ ሚኒስትር አብይ አህመድ የተመራው የፌደራል ጸጥታ ምክር ቤትና የክልል ርዕሳነ መስተዳደሮች ስብሰባ ነው። በስብሰባው በሀገራዊ ጸጥታ አግባብ ላይ የቀጣይ አቅጣጫ ላይ ትኩረት ምን ሊሆን እንደሚገባ በመነጋገር ሽብርተኛው የህወሃት ቡድን ለሚያደርገው ትንኮሳ የመከላከያ ሰራዊትና የክልል ጸጥታ ሃይሎች በጥናት ላይ ተመስርተው እርምጃ የሚወስዱበት አቅጣጫ ተቀምጦላቸዋል።

በጠቅላይ ሚኒስትር ዶክተር አብይ አህመድ የተመራው የፌደራል ጸጥታ ምክር ቤትና የክልል ርእሳነ መስተዳደሮች ስብሰባ ሀገሪቱ አሁን ያለችበት አንጻራዊ ሰላምና ጸጥታን አጠናክሮ ማስቀጠል፣ ህገ ወጥ እንቅስቃሴዎችን ማስቆምና በጦርነቱ ምክንያት የተፈጠሩ ኢመደበኛ አደረጃጀቶችን ቅርጽ ማስያዝ እንደሚገባ ሙሉ በሙሉ ከስምምነት ላይ መድረሱና ለተግባራዊነቱ እንቅስቃሴ እንዲጀመር ወስኗል። ይህ የአገሪቱ ከፍተኛው የጸጥታ ምክር ቤት በተለይ ሽብርተኛው የህወሃት ቡድን የሚያደርገውን ትንኮሳን ተከትሎ እርምጃዎች የሚወሰድበት አግባብ አኑሯል።

የፌደራል ጸጥታ ምክር ቤትና የክልል ርዕሳነ መስተዳደሮች ሙሉ ተሳትፎ በተካሄደው በዚህ ልዩ ስብሰባ የብሄራዊ መረጃና ደህንነት አገልግሎት ዋና ዳይሬክር አቶ ተመስገን ጥሩነህ፣በሀገሪቱ ቀጣይ ስጋት ሊሆኑ የሚችሉ ጉዳዮች ከወዲሁ መስመር የማስያዝና የማስተካካያ እርምጃ ሊወሰድ እንደሚገባ ማጣቀሻ መረጃዎችን አስደግፈው መናገራቸውን የመንግስት መገናኛዎች ዘግበዋል። ዝርዝሩን ግን አላካተቱም።

የህገወጥ የመሳሪያ ዝውውር፣ የኮንትሮባንድና መሰል እንቅስቃሴዎች በስብሰባው በጥልቅ የተገመገሙ ሲሆን፣ በውስጥ ያሉ ችግሮችን ከመፍታት ባለፈ ቀጠናው ላይ ሰላምን ማስጠበቅና ሀገራዊ ግንኙነትን ማጠናከር ላይ አቅጣጫዎች እንደተቀመጡም ታውቋል።

የመከላከያ ሚኒስትሩ ዶክተር አብርሃም በላይ በበኩላቸው የአሸባሪ ቡድኖችን እንቅስቃሴ በመገምግም እርምጃ መውስድ የሚቻልበት ሁኔታ ተመርምሮ እርምጃ መውሰድን እንዲቻል አቅጣጫ እንደተሰጠ መግለጻቸውን ሪፖርቶቹ ያስረዳሉ። የተቀመጡ አቅጣጫዎችም ሆነ የተደረሰባቸው ስምምነቶችን የፌደራልም ሆነ የክልል የጸጥታ አካላትና አስተዳደሮች በየደረጃው ተግባራዊ እንደሚያደርጉትም ታውቋል።

ይህ ምክር ቤት ቀደም ሲል ባህር ዳር፣ በቅርቡ ሰመራ ላይ የመከረና ሙሉ ማጥቃት እንዲጀመር ተመሳሳይ አቅጣጫ አስቀምጦ እንደነበር ይታወሳል።

Related posts:

የመሰረተ ልማት ቀበኞች ላይ " የሞት ቅጣት"May 26, 2022
ኢሳያስ - ዘመቻው እስከ መጨረሻ ቀብር ይሆናል ሲሉ ትህነግን አስጠነቀቁMay 25, 2022
በአማራ ክልል እፎይታ እየነገሰና የትህነግ የወረራ ዕቅድ መምከኑ ተሰማMay 25, 2022
ንግድ ባንክ ለአፈር ማዳበሪያ ግዥ ከ50 ቢሊየን ብር በላይ ወጪ ማድረጉን አስታወቀMay 25, 2022
ቢለኔ ታይም መጽሔትን ማብራሪያ ጠየቁ፤ የተሰላ ጥቃትና የአንድ ወገን ትርክት ማቅረቡን ኮንነዋልMay 25, 2022
"ከውስጥ በር ለማስከፈት ... ከጣራ በላይ ጩኸት" አብን አማራን ለሶስተኛ ዙር ወረራ እያመቻቹ ያሉትን በይፋ አወገዘMay 24, 2022
በኢትዮጵያ በተከሰቱ ግጭቶች ሁሉ የትህነግ እጅ እንዳለባቸው በመረጃ ተረጋገጠMay 24, 2022
ፋኖ እየጨፈረ ከመከላከያና አማራ ልዩ ሃይል ጋር የግዳጅ ቀጠናውን ተረከበMay 23, 2022
ተልዕኮ አስፈጻሚዎችና ከ1780 በላይ ሕዝባዊ ኀላፊነታቸውን ያልተወጡ ተጠርጣሪዎች ተያዙMay 23, 2022
በሕግ ማስከበር ዘመቻ ከ4 ሺህ በላይ ተጠርጣሪዎች በሕግ ቁጥጥር ስር ዋሉMay 23, 2022
በአማራ ክልል መፈንቅለ መንግስት ታቅዶ ነበርMay 23, 2022
Number of IDPs Hits Record High GloballyMay 22, 2022

Leave a Reply