የካቲት 12 ኢትዮጵያ የምታስበው ውድ ቀን

በየካቲት 12 ቀን 1929 ዓ/ም በአዲስ አበባ ስብሰባ ሲመራ በነበረዉ የፋሺሽቱ እንደራሴ የነበረዉ ማርሻል ሩዶልፍ ግራዚያኒ ላይ በነፃነት ታጋዮች የግድያ ሙከራ ተደረገበት፡፡ሙከራዉን ተከትሎ ድርጊቱ ያበሳጨዉ የፋሺሽቱ ጦር ለሦስት ተከታታይ ቀናት በአዲስ አበባ ነዋሪዎች ላይ የጅምላ ጭፍጨፋ ፈፀመ፡፡ ከ20,000 – 30,000 የሚገመቱ ንፁሃን ዜጎች ጭካኔ በተሞላበት አኳኋን በጅምላ ተጨፈጨፉ፡፡

“የካቲት 12 እኛ ኢትዮጵያዊያን በጠላት ስንነካና ስንጠቃ ይበልጥ የምንጠናከርና የምንሰባሰብ ስለመሆናችን ምስክር ነው” ይላል የመንግስት ኮሚኒኬሽን አገልግሎት ዕለቱን አስመልክቶ ያሰራጨው መግለጫ።

“እስከ አፍንጫዉ የታጠቀዉ ዘመናዊና ግዙፉ የአዉሮፓዊት አገር የጣሊያን ጦር ብርቱ ልብ እንጂ ይኼ ነዉ የሚባል ዘመናዊ መሳሪያ ባልነበራቸው በጀግኖቹ የኢትዮጵያ ልጆች ተሸነፈ” ሲል የወቅቱን ጀግኖች ገድል ያስታወሰው መግለጫው፣ ከ20,000 – 30,000 የሚገመቱ ንፁሃን የኢትዮጵያ ዜጎች ጭካኔ በተሞላበት አኳኋን በጅምላ መጨፍጨፋቸውን፣ ዕለቱም እስከ ዛሬ ድረስ የየካቲት 12 ሰማዕታት መታሰቢያ ሆኖ እንደሚዘከርና ለትውልድ እንደሚተላለፍ አመልክቷል።

የመግለጫው ሙሉ ቃል እንደሚከተለው ቀርቧል፦

የካቲት 12 እኛ ኢትዮጵያዊያን በጠላት ስንነካና ስንጠቃ ይበልጥ የምንጠናከርና የምንሰባሰብ ስለመሆናችን ምስክር ነዉ!

የካቲት 12 በኢትዮጵያ ታሪክ ልዩ ስፍራ ያለዉ ዕለት ነዉ፡፡ ዕለቱ የዛሬ 92 ዓመት ገደማ በኢትዮጵያዊያን ላይ የጅምላ ጭፍጨፋ የተፈፀመበት ቀን ነዉ፡፡ ለዘመናት የኢትዮጵያ ጠላቶች ኢትዮጵያዊያንን በኃይል በማንበርከክ ምኞታቸዉን እውን ለማድረግ ብዙ ሞክረዋል፡፡

ሙከራዎቻቸዉም ሳይሳካ ሽንፈት ተከናንበዉ ተመልሰዋል፡፡

በ1888 ዓ/ም ኢትዮጵያን በቅኝ ግዛት ለመያዝ የጣሊያን ጦር ዘመናዊ መሳሪያን ታጥቀዉ መጣ፡፡ ሆኖም ግን ባልተለመደ ሁኔታ እስከ አፍንጫዉ የታጠቀዉ ዘመናዊና ግዙፉ የአዉሮፓዊት አገር የጣሊያን ጦር ብርቱ ልብ እንጂ ይኼ ነዉ የሚባል ዘመናዊ መሳሪያ ባልነበራቸው በጀግኖቹ የኢትዮጵያ ልጆች ተሸነፈ፡፡ ይህ ሽንፈት ለኢትዮጵያ ጊዜ የማይሽረዉ ታሪካዊ ድል ቢሆንም ወራሪዉን ኃይል አንገት ያስደፋ የዉርደትና ቅሌት ጦርነት ነበር፡፡ ከዚህ አስከፊ ዉርደት ለማገገምና ኢትዮጵያን ለመበቀል በወቅቱ የጣሊያን ገዥ ቢኒቶ ሙሶሎኒ ከ40 ዓመት በኋላ ኢትዮጵያን ወረራት፤ ለጊዜዉም ቢሆን የጦር የበላይነት አግኝቶ የተወሰኑ ከተሞችን ያዘ፡፡ ሆኖም ግን ለነፃነታቸዉ የማይተኙና ባርነትን የማይቀበሉ የኢትዮጵያ ልጆች ለወራሪዉ ኃይል የእግር እሳት ሆኑባቸዉ፡፡

በተለይም በየካቲት 12 ቀን 1929 ዓ/ም በአዲስ አበባ ስብሰባ ሲመራ በነበረዉ የፋሺሽቱ እንደራሴ የነበረዉ ማርሻል ሩዶልፍ ግራዚያኒ ላይ በነፃነት ታጋዮች የግድያ ሙከራ ተደረገበት፡፡ሙከራዉን ተከትሎ ድርጊቱ ያበሳጨዉ የፋሺሽቱ ጦር ለሦስት ተከታታይ ቀናት በአዲስ አበባ ነዋሪዎች ላይ የጅምላ ጭፍጨፋ ፈፀመ፡፡ ከ20,000 – 30,000 የሚገመቱ ንፁሃን ዜጎች ጭካኔ በተሞላበት አኳኋን በጅምላ ተጨፈጨፉ፡፡ ዕለቱም እስከ ዛሬ ድረስ የየካቲት 12 ሰማዕታት መታሰቢያ ሆኖ ይዉላል፡፡

ምንም እንኳን የጠላት ምኞት ኢትዮጵያዊያን ዳግም ለነፃነታቸዉ እንዳይታገሉ ለማስተማር የተደረገ ቅጣት ቢሆንም እርምጃዉ ጀግኖቹን ይበልጥ አጠናከራቸዉ እንጂ ከነፃነት ትግላቸዉ ፈፅሞ ሊያስቆማቸዉ አልቻለም፡፡ እንዲያዉም ኢትዮጵያዊያን በጠላት ሲጠቁ እጅ የሚሰጡ ሳይሆኑ ይበልጥ የሚጠነክሩና እንደ ንብ አንድ የሚሆኑ፣ ለጠላት የማይመቹ ህዝቦች መሆናቸዉን አረጋገጡ፡፡ ጭፍጨፋዉ ይበልጥ ጀግኖች አርበኞች ተደራጅተዉ ጠላትን እንዲያርበደብዱ ጉልበት ፈጠረላቸዉ እንጂ ተስፋ አላስቆረጣቸዉም፡፡ ጠላትን እንቅልፍ ነሱ፣ ብሎም ከነአካቴዉ ከአገራችን አባረሯቸዉ፡፡

ይህ ለጠላት የማንመችና የማንንበረከክ፣ ነፃነት ወዳድ መሆናችን ዛሬም ቀጥሏል፡፡ ጠላት ምኑንም ያህል ቢደረጅ፣ ቢዶልት፣ ቢያሴርና ቢተባበር የጋራ ጠላት ሲመጣ ኢትዮጵያዉያን ይበልጥ አንድ የመሆንና ችግርን የመቋቋም እሴት ዛሬም አገራችንን ከብተና አድኗል፤ ለጠላት ያለመንበርከክና አሸናፊነት የጋራ ታሪካችን ብቻም ሳይሆን የጋራ ባህላችን ሆኖ ለትዉልድ ተርፏል፡፡ ይህ የኢትዮጵያዊያን የጋራ እሴት ላልገባዉ ጠላት የጥንካሬአችን ምንጭ ትንግርት ሆኖበታል፡፡

ዘንድሮ የየካቲት 12 ሰማዕታትን ስንዘክር የጥንካሬአችን ምንጭ የሆነዉን የመተባበር ባህላችንን በማጠናከር፣ አንድነታችንን ጠብቀን ዘርፈ ብዙ ጠላቶቻችንን በማሸነፍ ሁለንተናዊ ብልጽግናን ለማረጋገጥ በመትጋት ሊሆን ይገባል፡፡

ኢትዮጵያ በብዙ ዜጎቿ መሥዋዕትነት የጸናች ብርቱ ሀገር ለመሆኗ የየካቲት 12 ሰማዕታት ህያው ምስክሮች ናቸው።

የመንግስት ኮሙኒኬሽን አገልግሎት

Related posts:

የኦሮሞ ዞን ምክር ቤት ጥብቅ ገደብ ጣለ
የ18 ዓመቱ ጎረምሳ በኒውዮርክ የገበያ አዳራሽ በጥይት እሩምታ አስር ሰው አጠፋ
ሕንድ ስንዴ ወደ ውጪ መላክ አቆመች
የብሔራዊ መረጃና ደህንነት አገልግሎት ዜጎች ራሳቸውን እንዲጠብቁ ማሳሰቢያ ተሰጠ
የሶማሊያ ምርጫ ፣የህጻናት ጉልበት ብዝበዛ በአፍሪቃ
አቢሲኒያ ባንክ 60 ወለል ሰማይ ጠቀስ ሕንፃ ሊያስገነባ ነው
ጎንደር ዩኒቨርሲቲ በተሳሳተ መረጃ ስሜ ጠፍቷል ሲል ማብራሪያ እንዲሰጠው ቢቢሲን ጠየቀ
«የትግራይ ሕዝብ ያተረፈው መከራና ስቃይ ነው»
ከሶማሊ ብሄራዊ ክልላዊ መንግስት የተሰጠ ወቅታዊ የአቋም መግለጫ
በድሬዳዋ ከተማ በነበረው ሁከት ተሳታፊ የነበሩ 89 ተጠርጣሪዎች ተያዙ
በሃይማኖትን ሽፋን የሚፈጸሙ የወንጀል ተግባራትን መንግሥት እንዲያስቆም የሃይማኖት ተቋማት ጉባኤ ጠየቀ
“ሕገወጦች በድንጋይ ከሰል አመላላሽ አሽከርካሪዎች ላይ ጉዳት እያደረሱ ነው”
"የሽብር ድርጊት በሚፈጠሩ አካላት ላይ የማያዳግም እርምጃ እንወስዳለን"
"ሃይማኖት የሰላም እንጂ በምንም ምክንያት የግጭት መንስኤ ሊሆን አይችልም"
የፑቲን ቀጣይ ዒላማ - ኦዴሳ የወደብ ከተማ

Leave a Reply