ከ3 ሚሊየን ብር በላይ በቢሮው አስቀምጦ የተገኘው ተከሳሽ በ13 ዓመት ፅኑ እስራና በ75 ሺህ ብር አንዲቀጣ ተወሰነበት

የብሔራዊ ባንክ ፍቃድ ሳይኖረው የባንክ ስራን በመስራት ከ3 ሚሊየን ብር በላይ በቢሮው አስቀምጦ የተገኘው ተከሳሽ በ13 ዓመት ፅኑ እስራና በ75 ሺህ ብር የገንዘብ ቅጣት አንዲቀጣ ተወሰነበት ።

ፈድሉ ነጋሽ መሃመድ የተባለው ተከሳሽ በወንጀል ድርጊት የተገኘ ገንዘብ ወይም ንብረት ሕጋዊ አስመስሎ ማቅረብንና ሽብርተኝነትን በገንዘብ መርዳትን ለመከላከልና ለመቆጣጠር የወጣ አዋጅ ቁጥር 780/2005 አንቀፅ 29 (1)(ሐ) ሥር የተመለከተውን ድንጋጌ ተላልፏል በሚል ነበር ዐቃቤ ህግ ክስ የመሰረተበት ፡፡

ተከሳሹ ንብረቱ የወንጀል ፍሬ መሆኑን እያወቀ የብሔራዊ ባንክ ፍቃድ ሳይኖረው በባንክ ስራ መስራት ወንጀል ያገኘውን ገንዘብ በወንጀል ተጠርጥሮ በአራዳ ክፍለ ከተማ ሀብተጊዎርጊስ ድልድይ አካባቢ በሚገኘው ቢሮው ውስጥ በተደረገ ብርበራ 3‚266‚300 ( ሶስት ሚሊየን ሁለት መቶ ስልሳ ስድስት ሺህ ሶስት መቶ ብር ) አስቀምጦ የተገኘ በመሆኑ በፈፀመው በወንጀል ድርጊት የተገኘ ገንዘብ ወይም ንብረት ህጋዊ አስመስሎ ማቅረብ ወንጀል በዐቃቤ ህግ ክስ ተመስርቶበታል ።

የፌደራሉ ከፍተኛ ፍርድ ቤት ልደታ ምድብ ወንጀል ችሎት ለተከሳሽ የዐቃቤ ህግ ክስ እንዲደርሰው ተደርጎና ተነቦለት የእምነት ክህደት ቃሉንና ክሱን እንዲያስተባብል ተጠይቆ ተከሳሽም “ ዐቃቤ ህግ የመሰረተብኝን ክስ ተረድቸዋለሁ ነገር ግን ወንጀሉን አልፈፀምኩም ምክንያቱም ገንዘቡ የእኔ ሳይሆን ግለሰቦቹ አስቀምጥልን ብለው የሰጡኝ ነው“ ሲል ክዶ ቢከራከርም ዐቃቤ ህግ በበኩሉ የተከሳሽን ጥፋተኝነት ለፍርድ ቤቱ ያስረዱልኛል ያላቸውን ዝርዝር 4 የሰው፣ የሰነድና የኢግዚቪት ማስረጃዎች ለችሎቱ አቅርቦ ያሰማና ያስረዳ በመሆኑ ግራ ቀኙ ክስርክር ያዳመጠው ፍርድ ቤቱም በተከሳሽ ላይ የጥፋተኝነት ፍርድ አሳልፏል ።

በዚህም መሰረት ፍርድ ቤቱ የካቲት 30/2014 ዓ.ም በዋለው ችሎት ተከሳሽ በ13 ዓመት ፅኑ እስራትና በ75 ሺህ ብር የገንዘብ ቅጣት እንዲቀጣ ሲወስን በኢግዚቪትነት የተያዘው ገንዘብ ደግሞ በአዋጁ አንቀፅ 35 መሰረት ለመንግስት ገቢ አንዲሆን ትዕዛዝ ሰጥቷል ።

Via – Ministry of justice

Related posts:

በሳዑዲና ኢራን በሞት የሚቀጡ ሰዎች ቁጥር ጨምሯልMay 26, 2022
የመሰረተ ልማት ቀበኞች ላይ " የሞት ቅጣት"May 26, 2022
ኢሳያስ - ዘመቻው እስከ መጨረሻ ቀብር ይሆናል ሲሉ ትህነግን አስጠነቀቁMay 25, 2022
በአማራ ክልል እፎይታ እየነገሰና የትህነግ የወረራ ዕቅድ መምከኑ ተሰማMay 25, 2022
ንግድ ባንክ ለአፈር ማዳበሪያ ግዥ ከ50 ቢሊየን ብር በላይ ወጪ ማድረጉን አስታወቀMay 25, 2022
ቢለኔ ታይም መጽሔትን ማብራሪያ ጠየቁ፤ የተሰላ ጥቃትና የአንድ ወገን ትርክት ማቅረቡን ኮንነዋልMay 25, 2022
"ከውስጥ በር ለማስከፈት ... ከጣራ በላይ ጩኸት" አብን አማራን ለሶስተኛ ዙር ወረራ እያመቻቹ ያሉትን በይፋ አወገዘMay 24, 2022
በኢትዮጵያ በተከሰቱ ግጭቶች ሁሉ የትህነግ እጅ እንዳለባቸው በመረጃ ተረጋገጠMay 24, 2022
"መስከረም አበራ የአማራ ክልልን ከፌደራል መንግስት ለመነጠል ገንዘብ ተከፍሏት እየሰራች ነው" ሲል ፖሊስ ገለፀMay 23, 2022
ፋኖ እየጨፈረ ከመከላከያና አማራ ልዩ ሃይል ጋር የግዳጅ ቀጠናውን ተረከበMay 23, 2022
የጉምሩክ የታክስ ኢንተለጀንስ ባለሙያ ጉቦ ሲቀበል እጅ ከፍንጅ ተያዘMay 23, 2022
ተልዕኮ አስፈጻሚዎችና ከ1780 በላይ ሕዝባዊ ኀላፊነታቸውን ያልተወጡ ተጠርጣሪዎች ተያዙMay 23, 2022

Leave a Reply