ከአማራ ክልል “አላርፍ ብለዋል” ያላቸው ላይ እርምጃ እንደሚወስድ አስጠነቀቀ፤ ሕዝብ ከጎኑ እንዲቆም ጥሪ አቀረበ

ከየትኛውም ጠላት ጋር የምናደርገውን ትግል ከሰላም ወዳድ ወገኖቻችን ጋር በመተባበር አጠናክረን የምንቀጥል ሲሆን እዚህ እና እዚያ በመርገጥ የክልሉን ሕዝብ ሰላምና ደህንነት አደጋ ላይ ለመጣል በግልፅም ሆነ በህቡዕ የምትንቀሳቀሱ ኃይሎች ከዚህ እኩይ ድርጊታችሁ የማትታቀቡ ከሆነ በማንኛውም ጊዜና ቦታ ማንኛውንም አይነት ሕጋዊ እርምጃ የሚወስድ መሆኑን አበክሮ ያስጠነቅቃል። በመጨረሻም የአማራ ክልል መንግሥት የክልሉን ልማትና የሕዝቡን ሰላምና ደህንነት ለማስጠበቅ ሲል በሚወስደው ማንኛውም አይነት ሕጋዊ እርምጃ መላው የክልሉ ሕዝብ ከመንግሥት ጎን እንዲቆም በድጋሚ የአክብሮት ጥሪውን ያሳተላልፋል።

የአማራ ብሔራዊ ክልላዊ መንግሥትና ሕዝብ በአሸባሪውና ወራሪው የትግራይ ቡድን የተቃጣበትን ጦርነት እየመከተና በጦርነቱ ምክንያት ከደረሱበት ሁለንተናዊ ጉዳቶች ለማንሰራራት ዘርፈ ብዙ ተግባራት በማከናወን ላይ መሆኑ ይታወቃል።

የአማራ ሕዝብ የአሸባሪው የህወሓት ቡድን ቀዳሚ የጥቃት ዒላማ በመሆኑ ወራሪ ቡድኑ በክልሉ ሕዝብ ላይ ያላደረሰው ሰብዓዊ ቀውስ እና ኢኮኖሚያዊ ጉዳት አለ ተብሎ አይወሰድም። በዚህም ምክንያት የክልሉ መንግሥትም ሆነ መላው ሕዝብ መክፈል የማይገባውን ከፍተኛ መስዋእትነት ተከፍሏል።

መሪው ፓርቲም ይህንን ነባራዊ ሁኔታ መነሻ ያደረገና መላውን የአማራ ሕዝብ ያሳተፈ ተጨባጭ የመፍትሔ እርምጃዎችን በመውሰድ ላይ ይገኛል። በጦርነቱ የጉዳት ሰለባ የሆኑ ዜጎችን መልሶ ለማቋቋምና ከደረሰባቸው ስነ ልቡናዊ ጥቃት እንዲያገግሙ ጥረት ከማድረግ ጎን ለጎን የወደሙ ተቋማትና መሰረተ ልማቶችን መልሶ በመገንባት የአደጋ ጊዜ አመራር እያረጋገጠ ይገኛል። ይህ ተግባር ከመላው የኢትዮጵያ ሕዝብ ተሳትፎ ውጭ የሚሳካ እንዳልሆነ የክልሉ መንግሥት ጽኑ እምነት አለው።

ምንም እንኳን ከወራሪው ኃይል ጋር በከፊል ጦርነት ውስጥ መሆናችን የሚዘነጋ ባይሆንም ጎን ለጎን በሕዝቦች መካከል በእኩልነት ላይ የተመሰረተ ዴሞክራሲያዊ ኅብረ ብሔራዊ አንድነትን ለማጽናት የሚያስችሉ የሕዝብ ለሕዝብ ግንኙነትና አያሌ የምክክር መድረኮችን እያከናወነ መሆኑም ይታወቃል።

ይሁን እንጂ አሸባሪውና ወራሪው የትግራይ ቡድን ውላጅ የሆኑ ተስፈኛ ጽንፈኞችና አሸባሪዎች በአማራ ክልል ሕዝብ እና በአጎራባች ክልል ሕዝብ መካከል ግጭት ለመፍጠርና የክልሉን ሕዝብ ማኅበራዊ እረፍት ለመንሳት በክልላችን አንዳንድ አካባቢዎች ግጭት ለማጫር ተንቀሳቅሰዋል፤ እየተንቀሳቀሱም ይገኛሉ።

እነዚህ የጥፋት ኃይሎች በአዊ ብሔረሰብ አስተዳደር ዞን ጃዊ ወረዳ በምንዋሰንባቸው የቤኒሻንጉል ክልል መተከል ዞን በላያ እና አካባቢው፤ በሰሜን ሸዋ ዞን ምንጃር ሸንኮራ ወረዳ በመልካ ጅሎና ሲናናጆ ቀበሌ እንዲሁም በማእከላዊ ጎንደር ዞን በአንድ አንድ አካባቢዎች በወንድማማቾችና እህትማማቾች መካከል በአንድነትና በፍቅር ለሺ ዘመናት አብሮ በኖረው የአማራ ሕዝብ መካከል እንዲሁም ከኦሮሞ እና ከጉሙዝ ሕዝብ ጋር የግጭት ሙከራ ያደረጉ ቢሆንም በአማራ እና በሁለቱም ክልሎች ሕዝብ ሆደ ሰፊነት እና በጀግኖች የጸጥታ አካላት ተሳትፎ የጥፋት እና የእልቂት ፍላጎታቸው ሳይሳካ ቀርቷል፤ እንዲከሽፍም ተደርጓል።

ይህንን የጥፋት ሙከራ ለመቆጣጠርና ለመቅረፍ የአማራ ብሔራዊ ክልላዊ መንግሥት ከኦሮሚያ እና ከቤኒሻንጉል ጉሙዝ ክልል መንግሥታት ጋር ተባብሮ በመሥራት ላይ ይገኛል።

ይህ የጨነገፈ የጥፋት ተልእኮ ሙከራ ጽንፈኛና ፀረ ሰላም ኃይሎች ምን ያህል በተቀናጀና ተመጋጋቢ በሆነ መንገድ የአማራ ክልልን የግጭት ማእከል ለማድረግ አልመው እየተንቀሳቀሱ እንደሆነ በተጨባጭ ያረጋግጣል።

ስለሆነም መላው የአማራ ክልል ሕዝብ ከውስጥም ሆነ ከውጭ በሕዝብ መካከል ግጭት ለመፍጠር በህቡዕም ሆነ በገሃድ የሚንቀሳቀሱ የጽንፈኛ ኃይሎችን እኩይ ዓላማ በመረዳት እንደወትሮው ሁሉ ከመንግሥት ጎን እንዲቆም ጥሪያችንን እናቀርባለን።

ጽንፈኛና ፀረ ሰላም ቡድኖችን አደብ ለማስገዛት በሚደረጉ እንቅስቃሴዎችና የሕግ የበላይነትን የማስከበር መንግሥታዊ ስምሪት ሆን ተብሎ በሚለቀቅ የተሳሳቱ መረጃዎች ሕዝቡ ሳይወዛገብ በሰብዓዊነት ላይ የሚፈፀም ወንጀልን ለመከላከል የዜግነት ድርሻችሁን እንድትወጡ የክልሉ መንግሥት በአክብሮት ይጠይቃል።

በሌላ በኩል በማወቅም ይሁን ባለማወቅ ከጽንፈኛና ፀረ ሰላም ኃይሎች ጋር ቀጥተኛም ሆነ ተዘዋዋሪ የጥፋት ትስስር በመፍጠር የአማራ ክልልን የቀውስ ሜዳ ለማድረግ፤ የክልሉን ሕዝብ ማኅበራዊ እረፍት ለመንሳት እንዳሁም የሕዝባችንን ሰላምና የመልማት እድል በመንፈግ ከድህነት እንዳይወጣ ለማድረግ ታልሞ የተዘጋጀን የጠላት እቅድ በመፈጸምም ሆነ በማስፈጸም እኩይ ተግባር ውስጥ የተዘፈቃችሁ አካላት ከድርጊታችሁ እንድትታቀቡ የክልሉ መንግሥት በጥብቅ ያሳስባል።

ከየትኛውም ጠላት ጋር የምናደርገውን ትግል ከሰላም ወዳድ ወገኖቻችን ጋር በመተባበር አጠናክረን የምንቀጥል ሲሆን እዚህ እና እዚያ በመርገጥ የክልሉን ሕዝብ ሰላምና ደህንነት አደጋ ላይ ለመጣል በግልፅም ሆነ በህቡዕ የምትንቀሳቀሱ ኃይሎች ከዚህ እኩይ ድርጊታችሁ የማትታቀቡ ከሆነ በማንኛውም ጊዜና ቦታ ማንኛውንም አይነት ሕጋዊ እርምጃ የሚወስድ መሆኑን አበክሮ ያስጠነቅቃል።

በመጨረሻም የአማራ ክልል መንግሥት የክልሉን ልማትና የሕዝቡን ሰላምና ደህንነት ለማስጠበቅ ሲል በሚወስደው ማንኛውም አይነት ሕጋዊ እርምጃ መላው የክልሉ ሕዝብ ከመንግሥት ጎን እንዲቆም በድጋሚ የአክብሮት ጥሪውን ያሳተላልፋል።

በሕዝብ ስም እየነገዱ የሕዝብን ሰላምና ደኅንነት ቅርቃር ውስጥ ማስገባት የሕዝብ ፀርነት እንጂ ሕዝባዊነት አይደለም!

የአማራ ብሔራዊ ክልላዊ መንግሥት
ባሕር ዳር

Related posts:

«ሕወሓት ጦርነትን እንደ አምልኮ የሚቆጥር ቡድን ነው» – ፕሮፌሰር ሀረገወይን አሰፋ
«በሕገወጦች ላይ ያለ ምኅረት እርምጃ መውሰድ አለብን፤ ይህ የመንግሥት ተግባር ነው» የአማራ ክልል
125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ

Leave a Reply