ቱርክና ኢትዮጵያ በወንጀል የሚፈለጉ ሰዎችን አሳልፎ ለመስጠት የሚያስችሉ ስምምነቶች ተፈረሙ

በቱርክ ሪፐብሊክ እና በኢትዮጵያ መንግስት መካከል በወንጀል የሚፈለጉ ሰዎችን አሳልፎ ለመስጠት እና በወንጀል ጉዳዮች የጋራ የሕግ ትብብር ለማድረግ የሚያስችሉ ስምምነቶች ተፈረሙ፡፡

በሁለቱ ሀገራት መካከል በወንጀል የሚፈለጉ ሰዎችን አሳልፎ ለመስጠት (Agreement on Extradition) እና በወንጀል ጉዳዮች የጋራ የህግ ትብብር ለማድረግ (Agreement on Mutual legal Assistance in criminal matters) የሚያስችሉ ሁለት ስምምነቶች በፍትሕ ሚኒስቴር ሚኒስትር ዴኤታ ክቡር አቶ አለምአንተ አግደዉ እና በቱርክ ፍትህ ሚኒስቴር ምክትል ሚኒስትር በክቡር ሚስተር ያኩፕ ሞጉል (Yakup Moğul) አማካኝነት ተፈርሟል።

በወንጀል የሚፈለጉ ሰዎችን አሳልፎ ለመስጠት እና በወንጀል ጉዳዮች የጋራ የሕግ ትብብር ለማድረግ በሀገራችን እና በቱርክ መንግስት መካከል ስምምነት ለመፈራረም በኢ.ፌ.ዴ.ሪ. የፍትህ ሚኒስቴር የመንግስት ሕግና ፍትህ አገልግሎት ዘርፍ ሚኒስትር ዴኤታ በክቡር አቶ አለምአንተ አግደዉ የተመራ የልዑካን ቡድን እ.ኤ.አ. ሜይ 9/2022 አንካራ ቱርክ የገባ ሲሆን እ.ኤ.አ. ሜይ 10/2022 የልዑካን ቡድኑ በቱርክ የፍትህ ሚኒስቴር በመገኘት በሁለትዮሽ ጉዳዮች ላይ መክሯል፡፡

በዉይይቱም የቱርክ ሪፐብሊክ መንግስት የፍትህ ሚኒስቴር ምክትል ሚኒስትር ክቡር ያኩፕ ሞጉል (Yakup Moğul) በቱርክና በኢትዮጵያ መካከል ያለው ግንኙነት ከጊዜ ወደ ጊዜ እየተጠናከረ መሆኑ እና በፍትህ እና በወንጀል ጉዳዮች ላይ የሚደረጉ ትብብሮች አስፈላጊና ወንጀልን በመከላከል ረገድ ከፍተኛ ጠቀሜታ ያላቸዉ መሆኑን ፤ በሁለቱ አገራት መካከል የተለያዩ ትብብሮች ሲደረጉ የቆየ ቢሆንም በሁለቱ ሀገራት በዚህ ደረጃ የፍትህ ትብብሮች ሰነድ መፈረማቸዉ ግንኙነቱን የበለጠ ሕጋዊ መሰረት የሚሰጠዉ መሆኑን ጠቅሰዉ በሁለቱ አገራት የሚፈለጉ ወንጀለኞችም በማንኛዉም ጊዜ በፍጥነት ተላልፈው መሰጠት እንዳለባቸው አስረድተዋል፡፡

ክቡር አቶ አለምአንተ አግደዉ በበኩላቸዉ ኢትዮጵያ ከብዙ ሀገራት ጋር በወንጀል ጉዳዮች ላይ በትብብር እንደምትሰራ፣ ከቱርክ መንግስት ጋር በወንጀል ጉዳዮች ላይ የሚደረገው የጋራ ስምምነትም በሁለቱ ሀገራት መካከል ያለውን የረጅም ጊዜ ግንኙነት ወደ ላቀ ደረጃ የሚያሸጋግረዉ መሆኑን፣ ቱርክ በተለያዩ መንገዶች የኢትዮጵያ አጋር መሆኗን ማሳየቷን፤ በአቅም ግንባታ ዙሪያ ከቱርክ መንግስት ጋር በትብብር ለመስራት ኢትዮጵያ ዝግጁ መሆኗን፤ ቱርክ በሽብርተኛ ቡድኖች የደረሰባትን አሳዛኝ ጉዳቶች ኢትዮጵያ እንደምትገነዘብና በዚህም ከቱርክ መንግስትና ህዝብ ጎን እንደምትቆም፣ ሀገራችን ሽብርተኞችን እንደምታወግዝና ሽብርተኝነት እንዳይስፋፋ ጠንክራ እንደምትሰራ ገልጸዋል፡፡

በሁለቱ ወገኖች መካከል ከላይ በተጠቀሱት ጉዳዮች ላይ ሰፊ ውይይት የተደረገ ሲሆን በቀጣይ በጋራ በቅርበት በመስራት ትብብሩን በማጠናከር ረገድ ትኩረት እንደሚሰጥ የሁለቱም ሀገራት ተወካዮች ገልጸዋል፡፡

በመቀጠልም በሁለቱ ሀገራት መካከል በወንጀል የሚፈለጉ ሰዎችን አሳልፎ ለመስጠት (Agreement on Extradition) እና በወንጀል ጉዳዮች የጋራ የህግ ትብብር ለማድረግ (Agreement on Mutual legal Assistance in criminal matters) የሚያስችሉ ሁለት ስምምነቶች በፍትሕ ሚኒስቴር ሚኒስትር ዴኤታ ክቡር አቶ አለምአንተ አግደዉ እና በቱርክ ፍትህ ሚኒስቴር ምክትል ሚኒስትር በክቡር ሚስተር ያኩፕ ሞጉል (Yakup Moğul) አማካኝነት ተፈርሟል።

Via attorney general

Related posts:

አማራ ክልል "የህግ ማስከበሩ ይቀጥላል"May 26, 2022
ኢሳያስ - ዘመቻው እስከ መጨረሻ ቀብር ይሆናል ሲሉ ትህነግን አስጠነቀቁMay 25, 2022
በአማራ ክልል እፎይታ እየነገሰና የትህነግ የወረራ ዕቅድ መምከኑ ተሰማMay 25, 2022
ንግድ ባንክ ለአፈር ማዳበሪያ ግዥ ከ50 ቢሊየን ብር በላይ ወጪ ማድረጉን አስታወቀMay 25, 2022
ቢለኔ ታይም መጽሔትን ማብራሪያ ጠየቁ፤ የተሰላ ጥቃትና የአንድ ወገን ትርክት ማቅረቡን ኮንነዋልMay 25, 2022
"ከውስጥ በር ለማስከፈት ... ከጣራ በላይ ጩኸት" አብን አማራን ለሶስተኛ ዙር ወረራ እያመቻቹ ያሉትን በይፋ አወገዘMay 24, 2022
በኢትዮጵያ በተከሰቱ ግጭቶች ሁሉ የትህነግ እጅ እንዳለባቸው በመረጃ ተረጋገጠMay 24, 2022
ፋኖ እየጨፈረ ከመከላከያና አማራ ልዩ ሃይል ጋር የግዳጅ ቀጠናውን ተረከበMay 23, 2022
ተልዕኮ አስፈጻሚዎችና ከ1780 በላይ ሕዝባዊ ኀላፊነታቸውን ያልተወጡ ተጠርጣሪዎች ተያዙMay 23, 2022
በሕግ ማስከበር ዘመቻ ከ4 ሺህ በላይ ተጠርጣሪዎች በሕግ ቁጥጥር ስር ዋሉMay 23, 2022
በአማራ ክልል መፈንቅለ መንግስት ታቅዶ ነበርMay 23, 2022
Number of IDPs Hits Record High GloballyMay 22, 2022

Leave a Reply