“ድርጅታችን ኦቪድ ግሩፕ በሀሰተኛ የመረጃ እና በስም ማጥፋት በተሳተፉ አካላት ላይ ክስ መስርቷል” ሲል በላከልን መግለጫ አመልክቷል። የድርጅቱን ዓላማ፣ መርህና ራዕይ እንዲሉም ያከናወናቸውን ተግባራት አስረድቶ ” ስሜ ጠፍቷል” ሲል ክስ መመስረቱን ገልጿል።
“… ያለስማችን ስም ለሰጡን፣ ያለተግበራችን በሐሰት በድርጅታችን ስምና ብራንድ ላይ ሐሰተኛ መረጃ ባቀረቡና ባሳራጩ በአገር ውስጥና በውጭ በሚገኙ ግለሰቦችና ሚዲያዎች ላይ አስፈላጊውን መረጃ አሰባስቦ በውጭ በሚገኙ ድርጅቶቹ በኩል ክስ የመሰረተ መሆኑንም ያሳውቃል” ያለው የድርጅቱ መግለጫ፣ “ጉዳዩንም ድርጅታችን በሕግ ተከታትሎ ለማስወሰን በአሜሪካ ፣ በጀርመንና በእስራዔል አገራት በውጭ በሚገኙ አጋር ደርጅቶቹ በኩል ጠበቆችን ቀጥሮ ክትትል እያደረገ ይገኛል” ብሏል።
ድርጅቱ በአማራ ክልል የተቀሰቀስወን ጦርነት ተከትሎ በተለያዩ የኦሮሚያ አካባቢዎች ወይም ከተሞች የማጎሪያ ካምፖችን የሚሰራ ብቸኛ ተቋም መሆኑ ተጠቅሶ በስፋት መረጃ ሲሰራጭ ሰንብቷል። ይህንኑ መረጃ የተቀባበሉ ድርጅቱን ሲከሱና በወንጀለኛነት ሲፈርጁትም ነበር። ይህንኑ መረጃ “የስም ማጥፋት ነው” ሲል በተጠቀሱት አጋር ኩባንያዎቹ አማካይነት ክስ መመስረቱን ከማስታወቁ ድርጅቱ በምን ያህል ኪሳራና መጠን ክስ እንደሚመሰርት ይፋ አላደረገም። መግለጫው ከስር ያለው ነው።
ከኦቪድ ግሩፕ ሐሰተኛ መረጃን አስመልክቶ የተሰጠ መግለጫ
ድርጅታችን ኦቪድ ግሩፕ በሀሰተኛ የመረጃ እና በስም ማጥፋት በተሳተፉ አካላት ላይ ክስ መስርቷል፡፡
በኮንስትራክሽን ዘርፉ ለ20 ዓመታት በአገራችን የተለያዩ አካባቢዎች ግንባታን በማከናወን ከፍተኛ ልምድ ያካበተው ደርጅትቻችን በ2006 ዓ.ም በርካታ ደርጅቶችን አቅፎ ወደ ኦቪድ ግሩፕ ማደግ ችሏል፡፡ ግሩፑ በአሁኑ ሰዓት የ30 የማኑፈክቸሪንግ ፣የትራንስፖርትና ትምህርት ዘርፍ ላይ የተሰማሩ ግዙፍ ደርጅቶችና 12 የኮንስትራክሽን ድርጅቶች ጥምረትን እውን ለማድረግ ”Our Vision is Development ወይም ራዕያችን ልማት ነው” በሚል መሪ ቃል በትጋት እየሰራ ያለ ሀገር-በቀል ተቋም ነው፡፡
በስራ ላይ ያሉትም ሆነ በመቋቋም ላይ ያሉት ተቋማት በድርጅቱ ውስጥ ከፍተኛ ለውጥ ለማምጣት በሚተጉ ሰራተኞችን በባለቤትነት የሚያቅፉና የሚተዳደሩ ሲሆን ይኸውም ድርጅታችን ኦቪድ ግሩፕን በአይነቱ ልዮ ያደርገዋል።
ለ 20 ዓመታት ያክል በርካታ ግንባታዎችን ሲያከናውን የቆየ ሲሆን በተለይ በኮምፕረስ እርዝ ብሎክ ፣በማግኒዥየም ቦርድ እና ፓኔሎች፣ የፕላስቲክ ፎርም ወርክ (ሞላዲ) ፣ላይት ጌጅ እስቲል፣ኬ-ስፓን ካስት ኢን ሲቱ ኮንክሪት እና ኩምካንግ አሉምኒየም ፎርም ወርክ ቴክኖሎጂን በመጠቀም ግንባታዎችን በማከናወን በአገራችን የመጀመሪያው በመሆን ሰፊ ተቀባይነት አግኝቷል፡፡ ድርጅታችን ኦቪድ ግሩፕ ሥራዎቹን በአገር ውስጥ ካሉና እና በውጭ አገራት ከሚገኙ ስመጥር ደርጅቶች ጋርም ጥምረት ያለው በመሆኑ ዓለምዓቀፋዊ ቅርጽና ተወዳዳሪነት መርህን መሰረት አድርጎ የተቋቋመ ነው፡፡ ተቋማችን ዓለምዓቀፍ ድርጅቶች ጋር ጥምረት ለመመሰረት ያስቻለውም ከማንኛውም የፖለቲካ እንቅስቃሴ፣ ተሳትፎና ድጋፍ የገለልተኛነት መርሆችን በተግባር አክብሮ የሚያንቀሳቀስ በመሆኑ ነው፡፡
ኦቪድ ግሩፕ በአገር ውስጥ እና ከውጭ አገራት ስመጥር ኩባንያዎች ጋር ያለውን ጥምረት በመጠቀም በመኖሪያ ቤት ግንባታ የሚስተዋለውን የፍጥነት እና የጥራት ችግር ዘመናዊ ቴክኖሎጂን በመጠቀም ፍጥነት እና ጥራትን በመጨመር በከተሞች እየታየ ያለውን ከፍተኛ የሆነ የመኖሪያ ቤት ችግር ለመፍታት በተግባር የተረጋገጠ መፍትሄ ይዞ የመጣ ሀገር በቀል ደርጅት ነው፡፡ በተለይ በአዲስ አበባ ከተማ በከፍተኛ በጀት ከ60 ሺህ ቤቶች በላይ ያያዘ ዘመናዊ ከተማ ለመገንባት ተግባራዊ እንቅስቃሴ እያከናወነ ያለ ድርጅት መሆኑንም ለማሳወቅ እንወዳለን፡፡
የድርጅታችን ራዕይ እንደ ስያሜያችንና መሪ-ቃላችን የኢትዮጵያን ፍጹም እድገትና ልማት እንዲሁም ዓለምዓቀፋዊ ጥምረት እንዳለው ደርጅት ደግሞ የገለልተኝት መርሆችን አክብሮና አውቆ እንደሚሰራ ለማንም አካል ግልጽ ሆኖ እያለ የደርጅታችን ስምና ብራንድ ላይ ጉዳት ለማድረስ ሐሰተኛ የማህበራዊ ሚዲያ ዘመቻ በአንዳንድ አካለት ተስተውለዋል፡፡
ለዚህም ድርጅታችን በቸልተኝነት ያለስማችን ስም ለሰጡን፣ ያለተግበራችን በሐሰት በድርጅታችን ስምና ብራንድ ላይ ሐሰተኛ መረጃ ባቀረቡና ባሳራጩ በአገር ውስጥና በውጭ በሚገኙ ግለሰቦችና ሚዲያዎች ላይ አስፈላጊውን መረጃ አሰባስቦ በውጭ በሚገኙ ድርጅቶቹ በኩል ክስ የመሰረተ መሆኑንም ያሳውቃል፡፡ ጉዳዩኑም ድርጅታችን በሕግ ተከታትሎ ለማስወሰን በአሜሪካ ፣ በጀርመን እና በእስራዔል አገራት በውጭ በሚገኙ አጋር ደርጅቶቹ በኩል ጠበቆችን ቀጥሮ ክትትል እያደረገ ይገኛል፡፡
ድርጅታችን ኦቪድ ግሩፕ በመልካም ስሙና ተግባሩ የሚታወቅና ማህበራዊ ኃላፊነቱን ለመወጣት ከ300 ሚሊየን ብር በላይ መድቦ 2 ሺህ እናቶችን ተጠቃሚ የሚያደርግ በቀን እስከ 288 ሺህ እንጀራን የሚጋግር የእንጀራ ፋብሪካን ጨምሮ ዝቅተኛ ገቢ ላላቸው ወገኖቻችን በአዲስ አበባ ከተማ በሰባት የተለያዩ ቦታዎች እንዲሁም በአማራ ክልል በባህርዳርና በማንኩሳ ከተማ የመኖሪያ ቤት በመገንባት፣ አነስተኛ ገቢ ያላቸውን የማህበረሰባችንን ክፍሎች የምግብ አቅርቦት በማድረግ ሰፊ ድጋፍ እያደረገ ያለ ደርጅት ሲሆን ይህንኑ ተግባርም አጠናክሮ የሚቀጥል ይሆናል፡፡
የድርጅታችንን መልካም ስምና ተግባር እንዲሁም ጠንካራ የገለልተኝነት መርሆችን የሚያውቁ ቅን ግለሰቦች መረጃው ከድርጅታችን ጋር ፈጽሞ ግንኙነት የሌለው ሐሰተኛ መረጃ መሆኑን ተረድተው ድርጊቱን በጽኑ በማውገዛቸው ተቋማችን ልባዊ ምስጋናውን ማቅረብ ይፈልጋል፡፡
ኦቪድ ግሩፕ (ራዕያችን ልማት ነው)
OVID GROUP (Our Vision Is Development)
- ኢትዮጵያ በአሜሪካ የሚኖሩ “ተፈላጊዎች” ተላልፈው እንዲሰጧት ጥያቄ አቀረበች
አሜሪካ ተቀምጠው የኢትዮጵያን ሰላም የሚያውኩ ተፈላጊዎችን ሀገሪቱ አሳልፋ በመስጠት ትብብር እንድታደርግ የፌደራል ፖሊስ መጠየቁ ተገለጸ። በጀርመን በተመሳሳይ ስራ መጀመሩ… Read more: ኢትዮጵያ በአሜሪካ የሚኖሩ “ተፈላጊዎች” ተላልፈው እንዲሰጧት ጥያቄ አቀረበች - ሃሰተኛ የተባሉ የዩቲዩበር ባለቤቶች ተያዙ፤ በአንድ ተጠርጣሪ ብቻ ስምንት የዩቲዩብ ቻናል ተከፍቷል
ፈቃድ ሳይኖራቸው በየካ ክፍለ ከተማ ወረዳ ስምንት አማረ እና ቤተሰቦቹ በተባለ ህንፃ ላይ ቢሮ ተከራይተው ሃሰተኛና የፈጠራ ወሬ ሲያሰራጩ… Read more: ሃሰተኛ የተባሉ የዩቲዩበር ባለቤቶች ተያዙ፤ በአንድ ተጠርጣሪ ብቻ ስምንት የዩቲዩብ ቻናል ተከፍቷል - “ከሱዳን ተፋላሚዎች ጀርባ ትህነግ መኖሩን ጌታቸው ረዳ አረጋግጠዋል”፤ የሚለው ዜና የአማራ ፖለቲካን ቀየረ
በሱዳን ለአንድ ዓመት የዘለቀው የእርስ በእርስ እልቂት ብዙ ተዋንያኖች አሉበት። ከአርቡ ዓለም፣ ከአውሮፓ፣ ከአፍሪቃ፣ ሩሲያና አሜሪካንን ጨምሮ የተለያዩ አካላት… Read more: “ከሱዳን ተፋላሚዎች ጀርባ ትህነግ መኖሩን ጌታቸው ረዳ አረጋግጠዋል”፤ የሚለው ዜና የአማራ ፖለቲካን ቀየረ - Are Tigray mercenaries fighting in conflict-ravaged Sudan?Mercenaries from Ethiopia’s Tigray People’s Liberation Front are fighting alongside Sudanese army regulars against fighters of the Rapid Support… Read more: Are Tigray mercenaries fighting in conflict-ravaged Sudan?
- Sudan’s RSF Accuse Tigray People’s Liberation Front of Backing SAF
Sudanese warring party Rapid Support Forces has officially accused the Tigray People’s Liberation Front Fighters of fighting in Sudan… Read more: Sudan’s RSF Accuse Tigray People’s Liberation Front of Backing SAF
