መከላከያ ” ክብርና ስሜን ለሚያቆሸሹ ተከፋይ” ያላቸውን ሚዲያዎች ህግ ፊት እንደሚያቀርብ አስታወቀ – የሂሳብ አካውንቱ ንግድ ባንክ መሆኑንን ይፋ አደረገ

topzena1

3 years ago

ጁንታው በዋሻ ውስጥ ሆኖ የትግራይን ህዝብ ለማደናገር የሚያደርገው ጥረት እንደማይሳካ መከላከያ ሰራዊት ገለፀ። የአገር መከላከያ ሰራዊትን ስም በማጥፋት ህዝብን ብዥታ ውስጥ ለመክተት የሚንቀሳቀሱ መገናኛ ብዙሃንን በህግ እንደሚጠይቅም አስታውቋል።

የመከላከያ ኢንዶክትሪኔሽን ዋና ዳይሬክተር ሜጀር ጄኔራል መሐመድ ተሰማ በወቅታዊ ጉዳዮች ላይ መግለጫ በሰጡበት ወቅት እንዳሉት ” ህወሓት የተባለ ድርጅት መሬት ላይ የለም ጁንታው መቃብር ፈንቅሎ ሊወጣ አይችልም፤ ራሱ በለኮሰው እሳት ተለብልቦ ጠፍቷል” ብለዋል።

ይሁን እንጂ ተበታትነውና በዋሻ ውስጥ ተደብቀው የሚገኙ የጁንታው ትርፍራፊዎችና ከፍተኛ ተከፋይ አክቲቪስቶቻቸው አሁንም የሐሰት ወሬ እየነዙ ይገኛሉ ነው ያሉት።

የጁንታው ቃል አቀባይ የነበረው ጌታቸው ረዳ ከሰሞኑ በስልክ አስተላለፈው ተብሎ የወጣው መልዕክት የትግራይ ወጣቶችን ለማደናገር የተደረገ ነው ሲሉም ገልጸዋል።

በተጨማሪም መከላከያ ከኦሮሚያ ህብረት ስራ ባንክ ጋር እየሰራ ነው በሚል አንዳንድ መገናኛ ብዙሃን ያሰራጩት ከእውነት የራቀ መረጃ ነው ብለዋል። “የተወሰኑት የመከላከያ ተቋማት የባንክ ሂሳባቸውን ወደ ኦሮሚያ ህብረት ስራ ባንክ አዙረዋል” በሚል የተነዛው ወሬ የተሳሳተና እውነትነት የሌለው ነው በማለት ገልፀዋል።

መከላከያና በስሩ ያሉት የልማት ድርጅቶች የሚጠቀሙት የባንክ አካውንት የኢትዮጵያ ንግድ ባንክ ነውም ነው ያሉት። ሰራዊቱ ለአገር ሉዓላዊነት ከፍተኛ መስዋትነት ከፍሎ አገር እያስቀጠለ ባላበት ጊዜ እንደዚህ አይነት ወሬ የሚነዙ አካላት ዓላማ ጁንታው እያራመደ ያለውን የዘረኝነት ቅስቀሳ ማስፈፀም ነው ይላሉ ሜጄር ጄኔራል መሐመድ።

ምንም የተቀየረም ሆነ የተዘዋወረ አካውንት የለም ያሉት ሜጄር ጄኔራል መሐመድ መረጃው የሀሰት ውንጀላ ነው ብለዋል። ይህን የሚያደርጉ አካላት ከድርጊታቸው ሊቆጠቡ ይገባል በማለትም ሰራዊቱን የማይገልጽ ዘገባ በመሆኑ እነዚህን አካላት በህግ እንጠይቃለን ነው ያሉት።

በመጨረሻም የቀሩትን የጁንታ ቡድን አባላት ከተደበቁበት ጉድጓድ ለማውጣት የአገር መከላከያ ሰራዊት ከፍተኛ ርብርብ እያደረገ ነው ያሉት ሜጀር ጄኔራል መሐመድ ተሰማ ጁንታውን የማደንና ሰላም የማስከበሩ ተግባር ተጠናክሮ ይቀጥላል ሲል የዘገበው ኢዜአ ነው።

ዋዜማ ሬዲዮ ነው መከላከያ የሂሳን አካውንቶቹን ወደ ኦሮሚያ ባንክ አዛውሯል ሲል ምንጭ ጠቅሶ ያስታወቀው። ዋዜማ ቀደም ሲልም ኢትዮጵያ አሜሪካ እየተደረገ በነበረው ድርድር የህዳሴውን ግድብ አስመልክቶ የኢትዮጵያን ጥቅም የሚያሳጣ ስምምነት ተደረሰ በሚል ያወጣው ዘገባ ሃሰት እንደሆነ መንግስት ማስረጃ አቅርቦ ማስተባበሉ አይዘነጋም።

ደም ማነስ—መንስኤው፣ ምልክቶቹና ሕክምናው
by topzena1
May 3, 2024
ቤት የተባለች አንዲት ሴት እንዲህ ብላለች፦ “ደም ማነስ የያዘኝ በአሥራዎቹ… Read more: ደም ማነስ—መንስኤው፣ ምልክቶቹና ሕክምናው
የትግራይ አመራሮች ከፌደራል መንግስት ጋር ያደረጉት የተለየ ስምምነት አለ?
by topzena1
May 2, 2024
ሰሞኑን በራያ አላማጣ አቅጣጫ የትግራይ የታጠቁ ሃይሎች በግጭት መሰማራታቸውን ተከትሎ… Read more: የትግራይ አመራሮች ከፌደራል መንግስት ጋር ያደረጉት የተለየ ስምምነት አለ?
ሶማሌላንድ የባህር በር ስምምነቱ በሁለት ወር ውስጥ ይቋጫል አለች፤ “መንግስት ውሉን ትቶታል” አቶ ኤሊያ መሰረት
by topzena1
April 30, 2024
ዜናው ከተሰማ ጀምሮ በከፍተኛ የተቃውሞ መግለጫና ማስተንቀቂያ የታጀበው የኢትዮጵያና የሶማሌላንድ… Read more: ሶማሌላንድ የባህር በር ስምምነቱ በሁለት ወር ውስጥ ይቋጫል አለች፤ “መንግስት ውሉን ትቶታል” አቶ ኤሊያ መሰረት