ለአቶ ጃዋር መሃመድ አራት የሞባይል ሲም ካርዶችን ሊያቀብሉ ሲሉ በቁጥጥር ስር ውለዋል ተብለው ፍርድ ቤት የቀረቡት ሃምዛ ጀማል በቦሌ ክፍለ ከተማ ቋሚ አድራሻ ስላላቸውና የሚተዳደሩት ቨጪሮ ጫት ንግድ በመሆኑ በዋስ እንዲለቀቁ ጠየቁ። ፍርድ ቤት ተጨማሪ የምርመራ ጊዜ ፈቀደ።
በቃሊቲ ማረሚያ ቤት በሚገኙት ለአቶ ጃዋር መሃመድ አራት የሞባይል ሲም ካርዶችን ሊያቀብሉ ሲሉ በቁጥጥር ስር ውለዋል ተብለው ፍርድ ቤት የቀረቡት ሃምዛ ጀማል ጉዳያቸው ታይቷል፡፡ተጠርጣሪው በፌደራል የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ችሎት ዛሬ የቀረቡ ሲሆን ከሁለት ጊዜ በላይ ቀርበው ጉዳያቸው ታይቷል፡፡
ተጠርጣሪው አንድ በኦ .ኤም.ኤን ድርጅት ስም የወጣ እና ሶስት በግለሰብ ስም የወጣ የሞባይል ሲም ካርድ ማረሚያ ቤት በመሄድ ለአቶ ጃዋር ሊያቀብሉ ነበር ተብለው በተደረገባቸው ምርመራ፥ ከአቶ ጃዋር እና ከኦ .ኤም.ኤን ሚዲያ ጋር በተያይዘ የተለዋወጧቸው የስልክ መልዕክቶች ከብሄራዊ መረጃ እና ደህንነት ተቋም ማምጣቱንም መርማሪ ፖሊስ ለችሎቱ አብራርቷል፡፡
የምርመራ መዝገቡንም ለዐቃቤ ህግ ልኮ እየተመለከተ መሆኑን የገለፀው መርማሪ የሰው ማስረጃ ከማረሚያ ቤት አስተዳደር አመራሮች እና በእለቱ ጥበቃ ላይ ከነበሩ የጥበቃ ሰራተኞች ቃል የመቀበል ስራ መስራቱን ገልፆ ከእርሳቸው ጋር በትብብር ሲሰሩ ነበር የተባሉ ግብረ አበሮችን በቁጥጥር ስር ለማዋል እና ቀሪ የምስክር ቃል ለመቀበል ተጨማሪ ጊዜ እንደሚያስፈልገው ገልጿል፡፡ተጠርጣሪው ከጠበቃቸው ጋር የቀረቡ ሲሆን እስካሁን ለፖሊስ የተሰጠው የምርመራ ጊዜ በቂ መሆኑን ጠቁመው የሚያዙት ግብረ አበሮች ማንነታቸው ሳይገለፅ ለመያዝ ተብሎ ተጠርጣሪውን አስሮ ማስቀመጥ ተገቢ አይደለም ሲሉ ተቃውመዋል፡፡
ተጠርጣሪው ጭሮ ከተማ የሚኖሩ እና በጫት ንግድ መሰማራታቸውን ጠቅሰው አሁን በሚኖሩበት አዲስ አበባ ከተማ ደግሞ ቦሌ ክፍለ ከተማ ቋሚ አድራሻ ስላለኝ ዋስትና ይሠጠኝ ሲሉ ጠይቀዋል፡፡ፍርድ ቤቱም የምርመራ መዝገቡን አስቀርቦ መርምሮ ትዕዛዝ ለመስጠት ለየካቲት 3 ቀን 2013 ዓ.ም ተለዋጭ ቀጠሮ መሰጠቱንበታሪክ አዱኛ የተዘጋጀው የፋና የፍርድቤት ዘገባ ያመለክታል።
- ደም ማነስ—መንስኤው፣ ምልክቶቹና ሕክምናው
ቤት የተባለች አንዲት ሴት እንዲህ ብላለች፦ “ደም ማነስ የያዘኝ በአሥራዎቹ ዕድሜ ሳለሁ ነው። ቶሎ ይደክመኝ፣ አጥንቶቼን ይቆረጥመኝ፣ እንዲሁም… Read more: ደም ማነስ—መንስኤው፣ ምልክቶቹና ሕክምናው - የትግራይ አመራሮች ከፌደራል መንግስት ጋር ያደረጉት የተለየ ስምምነት አለ?
ሰሞኑን በራያ አላማጣ አቅጣጫ የትግራይ የታጠቁ ሃይሎች በግጭት መሰማራታቸውን ተከትሎ ከሃምሳ ሺህ በላይ ነዋሪዎች መፈናቀላቸውን ገለልተኛ ወገኖች አስታውቀዋል።… Read more: የትግራይ አመራሮች ከፌደራል መንግስት ጋር ያደረጉት የተለየ ስምምነት አለ? - ሶማሌላንድ የባህር በር ስምምነቱ በሁለት ወር ውስጥ ይቋጫል አለች፤ “መንግስት ውሉን ትቶታል” አቶ ኤሊያ መሰረት
ዜናው ከተሰማ ጀምሮ በከፍተኛ የተቃውሞ መግለጫና ማስተንቀቂያ የታጀበው የኢትዮጵያና የሶማሌላንድ ስምምነት ወደ መገባደዱ እያመራ እንደሆነ ተገለጸ። ለውጭ አገር… Read more: ሶማሌላንድ የባህር በር ስምምነቱ በሁለት ወር ውስጥ ይቋጫል አለች፤ “መንግስት ውሉን ትቶታል” አቶ ኤሊያ መሰረት
