ምንም ዓይነት የብሮድካስት ፈቃድ ሳይኖራቸው የሚንቀሳቀሱና የሕዝቡን ሰላምና ደህንነት የሚያናጉ በብሄር እና በሃይማኖት ጉዳዮች ላይ ግጭት ቀስቃሽ መረጃ የሚያሰራጩ አንድ መቶ አስራ አንድ ሕገ ወጥ የበይነመረብ መገናኛ ብዙኃን መኖራቸውን የፌደራል ፖሊስ አስታወቀ፡፡
የፌደራል ፖሊስ ሕገ ወጥ የበይነመረብ መገናኛ ብዙኃንን አስመልክቶ ዛሬ ባወጣው መግለጫ፣ የኢትዮጵያ ፌደራል ፖሊስ በመገናኛ ብዙኃን አዋጅ ቁጥር 1238/2013 መሰረት ምንም ዓይነት የብሮድካስት ፈቃድ ሳይኖራቸው የሕዝቡን ሰላምና ደህንነት የሚያናጉ በብሄር እና በሃይማኖት ጉዳዮች ላይ ግጭት ቀስቃሽ መረጃ የሚያሰራጩ እንዲሁም በሀሰተኛ ፕሮፓጋንዳ መንግስትና ሕዝብን ለመለያየት ሌት ተቀን የሚሰሩ 111 ሕገ ወጥ የበይነመረብ መገናኛ ብዙኃን መኖራቸውን ነው ያስታወቀው፡፡
ከዚህ ሕገ ወጥ የበይነመረብ መገናኛ ብዙኃን መካከል በጣም ወጣ ያሉ ብሄርን ከብሄር ሃይማኖትን ከሃይማኖት በማጋጨት የሀገርን ሰላምና ደህንነት ለማደፍረስ የሚንቀሳቀሱ ናቸው ያላቸውን 10 ተጠርጣሪዎችን ለይቶ በቁጥጥር ሥር አውሎ ምርመራ እያካሄደ መሆኑን አስታውቋል፡፡
ፌደራል ፖሊስቸ በዚሁ መግለጫው÷ ህብረተሰቡ ያገኘውን መረጃ ሁሉ ከመጠቀም በመቆጠብ በጥንቃቄ መርምሮ ማየትና ማገናዘብ እንዳለበት አሳስቦ፣ በሕገ ወጥ መንገድ በበይነመረብ መገናኛ ብዙኃን አማካኝነት አጀንዳ ቀርፀው በሃይማኖት እና በብሄር ህብረተሰቡን ለማጋጨት የሚሰሩ አካላትን በማጋለጥና ለሕግ አሳልፎ በመስጠት ሀገራዊ ግዴታውን እንዲወጣ ጠይቋል፡፡
የኢትዮጵያ ፌደራል ፖሊስ ከሌሎች የጸጥታና የፍትሕ አካላት ጋር በመቀናጀት የጀመረውን የሕግ ማስከበር ተግባር አጠናክሮ እንደሚቀጥልም ነው ያስታወቀው፡፡
የመግለጫው ሙሉ ቃል እንደሚከተለው ቀርቧል፡-
ህገ-ወጥ የበይነመረብ መገናኛ ብዙሃንን አስመልክቶ ከኢትዮጵያ ፌደራል ፖሊስ የተሰጠ መግለጫ
የኢትዮጵያ ፌደራል ፖሊስ በመገናኛ ብዙሃን አዋጅ ቁጥር 1238/2013 መሰረት ምንም ዓይነት የብሮድካስት ፍቃድ ሳይኖራቸው የህዝቡን ሰላምና ደህንነት የሚያናጉ በብሄር እና በሀይማኖት ጉዳዮች ላይ ግጭት ቀስቃሽ መረጃ የሚያሰራጩ እንዲሁም በሀሰተኛ ፕሮፓጋንዳ መንግስትና ህዝብን ለመለያየት ሌት ተቀን የሚሰሩ 111 (አንድ መቶ አስራ አንድ) ህገ-ወጥ የበይነመረብ መገናኛ ብዙሃን መኖራቸውን ባሰባሰበው መረጃ አረጋግጧል። ከዚህ ውስጥ በጣም ወጣ ያሉ ብሄርን ከብሄር ሃይማኖትን ከሃይማኖት በማጋጨት የሀገርን ሰላምና ደህንነት ለማደፍረስ የሚንቀሳቀሱትን ለይቶ 10 (አስር) ተጠርጣሪዎችን በቁጥጥር ሥር አውሎ ምርመራ እያጣራባቸው ይገኛል።
እነዚህ ግለሰቦች የተለያዩ ግጭት ቀስቃሽ አጀንዳዎችን በመቅረጽ የሀገራችንን ሰላምና ደህንነት እንዳይረጋጋ የጥላቻ ንግግር በማሰራጨት በብሄር እና በሀይማኖት መካከል ጥርጣሬ እንዲፈጠር ሲያደርጉ የቆዩ መሆናቸው ይታወቃል።
ተቋሙ ጉዳዩን ለማጣራት ባደረገው ክትትል ግለሰቦቹ ምንም አይነት ህጋዊ ፍቃድ የሌላቸውና በመገናኛ ብዙሃን አዋጅ ቁጥር 1238/2013 መሰረት ያልተመዘገቡ መሆናቸውን ከኢትዮጵያ የመገናኛ ብዙሃን ባለስልጣን ባሰባሰበው መረጃ ማረጋገጥ ችሏል። ግለሰቦቹ የሚዲያ ተከታዮቻቸውን በመጠቀም ሐሰተኛና ግጭት ቀስቃሽ መረጃዎችን የሚያሰራጩት በክፍያ እንደሆነም በምርመራ ደርሶበታል።
በየትኛውም ሚዲያ ተጠቅመው መረጃን ለህዝብ ተደራሽ የሚያደርጉ ግለሰቦች የሀገሪቱን ህግና ሥርዓት አክብረው መንቀሳቀስ እና ህጋዊ መስመር በመከተል በተጠያቂነት መንፈስ መስራት ይኖርባቸዋል።
ፖሊስም ህግን አክብረው በማይሰሩት ላይ የጀመረውን ምርመራ አጠናክሮ የሚቀጥል መሆኑን በዚህ አጋጣሚ ማሳሰብ ይወዳል፡፡
በመጨረሻም ህብረተሰቡ ያገኛውን መረጃ ሁሉ ከመጠቀም በመቆጠብ በጥንቃቄ መርምሮ ማየትና ማገናዘብ እንዳለበት እያሳሰበ በህግ-ወጥ መንገድ በበይነመረብ መገናኛ ብዙሃን አማካኝነት አጀንዳ ቀርፀው በሀይማኖት፣ በብሄር ህብረተሰቡን ለማጋጨት የሚሰሩ አከላትን በማጋለጥና ለህግ አሳልፎ በመስጠት ሀገራዊ ግዴታውን መወጣት ይኖርበታል።
የኢትዮጵያ ፌደራል ፖሊስ ሰሞኑን ለህዝብ ሲገለጽ እንደነበረው ከሌሎች የጸጥታና የፍትህ አካላት ጋር በመቀናጀት የጀመረውን የህግ ማስከበር ተግባር አጠናክሮ እንደሚቀጥል ያስታውቃል።
- Ethiopia Working To Secure New Development Bank Membership
The Ministry of Foreign Affairs disclosed that Ethiopia is working hard to become member of BRICS’ New Development Bank. In a media briefing regarding the country’s diplomatic activities over the week, Spokesperson of the Ministry Nebiyu Tedla, indicated… Read more: Ethiopia Working To Secure New Development Bank Membership - National Dialogue, Transitional Justice And Rehabilitation Process Pillars of Lasting Peace, Prosperity: Council
The Ethiopian National Security Council has issued a statement on latest developments in the country. In its statement, the Council underscored the need to mend the deep-seated national fractures through an inclusive approach. According to the council, three… Read more: National Dialogue, Transitional Justice And Rehabilitation Process Pillars of Lasting Peace, Prosperity: Council - Somaliland offended by G7 referring the Republic of Somaliland as “Somaliland Region of Somalia”
The Republic of Somaliland, is a sovereign state with its own laws and constitution, reaffirmed by the people of Somaliland in a democratic constitutional referendum. The Government of the Republic of Somaliland’s Statement Regarding the G7 Communique First… Read more: Somaliland offended by G7 referring the Republic of Somaliland as “Somaliland Region of Somalia” - Foreign firms’ local market involvement entails economic dynamism
Permitting foreign firm’s involvement in the import, wholesale and retail business, which was restricted to local companies, would bring a new dynamism in Ethiopia’s economy, well-noted experts said. Speaking to the Ethiopian Press Agency (EPA), Ethiopian Economics Association’s… Read more: Foreign firms’ local market involvement entails economic dynamism
