“አብቁተ የአንድነታችን፣ የመተባበራችን እና የስኬታችን መገለጫ ነው” አቶ አገኘሁ ተሻገር

የአማራ ብድርና ቁጠባ ተቋም ወደ ባንክ እንዲሸጋገር ከባለአክስዮኖች ጋር በባሕር ዳር ውይይት እያደረገ ነው፡፡ በውይይቱ ላይ የተገኙት የአማራ ክልል ርእሰ መሥተዳድር አቶ አገኘሁ ተሻገር አብቁተ አሁን ያስመዘገበው ውጤት ከስኬቶች ሁሉ ትልቅ ስኬት መሆኑን ገልጸዋል፡፡

አብቁተ “የአንድነታችን፣ የመተባበራችን እና የስኬታችን መገለጫ ነው” ብለዋል አቶ አገኘሁ፡፡ የአማራ ክልል ያለውን ተፈጥሮአዊ፣ ታሪካዊ እና ሰብዓዊ እምቅ አቅም የጠቀሱት አቶ አገኘሁ ይህንን እምቅ አቅም በተለያየ መልኩ መጠቀም ባለመቻሉ ሕዝቡ ለዘመናት በድህነት ውስጥ እንዲኖር መገደዱን አንስተዋል፡፡ የአማራ ክልል ሕዝብ በተለይም ደሀው እና አርሶ አደሩ ዘርፈ ብዙ ተጠቃሚነቱን የሚያረጋጥበትን እና ዋና የልማት መሳሪያ የሆነውን የፋይናስ አገልግሎት በአንድ ወይም በሌላ መልኩ ለዘመናት ሳያገኝ መቆየቱን ርእሰ መሥተዳድሩ ጠቅሰዋል፡፡

ከሁለት አስርት ዓመታት በፊት ቋሚ ንብረት እና ሀብት ያላቸው የከተማ ነዋሪዎች በባንኮች ሲቆጥቡና ሲበደሩ በርካቶች ደግሞ ገበያቸው አነስተኛ በመሆኑ እና ከከተማ ርቀው በመኖራቸው ምክንያት የብድር ዋስትና ማቅረብ ተስኖአቸው የፋይናንስ አገልግሎት እንደተነፈጋቸውና ለችግር ተዳርገው እንደኖሩም ገልጸዋል፡፡ አብቁተ ለእነዚህ ደሀ እና አምራች በቁጥር ግን ለሚበዙት የኅብረተሰብ ክፍሎች ፍትሐዊ የገንዘብ አገልግሎት በማቅረብ ከድህነት የመውጣት ዓላማ ይዞ የተቋቋመ የመጀመሪያው የማይክሮ ፋይናንስ መሆኑን አቶ አገኘሁ ተናግረዋል፡፡

ሠርተው ከድህነት ለመውጣት ለሚፈልጉ ሰዎች የፋይናንስ አገልግሎት የሚያቀርቡ ሁሉ አነስተኛ የገንዘብ እና የብድር ተቋማት በአዋጅ ቁጥር 140/1988 እና በአዋጅ ቁጥር 626/2001 በተደነገገው ሕግ መሠረት በብሔራዊ ባንክ ተመዝግበው እና ሕጋዊ ሰውነት አግኝተው እንዲቋቋሙ ከተደረጉት የማይክሮ ፋይናስ ተቋማት መካከል አንዱ አብቁተ መሆኑን ጠቅሰዋል፡፡

አነስተኛ የፋይናንስ ተቋማት አዋጁን መሰረት አድርገው ከብሔራዊ ባንክ በወጡ አቅጣጫዎች እና መመሪያዎች አገልግሎት እንዲሠጡ መደረጉ በርካታ የኅብረተሰብ ክፍሎች ተጠቃሚ እንዲሆኑ ማስቻሉንም አንስተዋል፡፡

አብቁተ በአማራ ከክልል ውስጥ ሠፊ የብድር ሽፋን በመስጠት ረገድ ቀዳሚ መሆኑን ርእሰ መሥተዳድሩ ተናግረዋል፡፡ ብዙዎችን ከድህነት አውጥቷል፤ ብዙዎችን የብልጽግና ጎዞ አረጋግጧል ብለዋል፡፡ አብቁተ በከተማ እና በገጠር ለሚገኙ የተለያዩ የኅብረተሰብ ክፍሎች የቁጠባ፣ የብድር፣ የሐዋላ፣ የገንዘብ ማስተዳደር እና የአነስተኛ የገንዘብ ኢንሹራንስ በመስጠት ላይ ያለ የክልሉ አንጋፋ የፋይናስ ተቋም መሆኑንም ገልጸዋል፡፡

አብቁተ በሁሉም የአማራ ክልል ወረዳዎች 471 ቅርንጫፎች እና 1 ሺህ 127 ሳተላይት ጽሕፈት ቤቶችን በመክፈት ከፍተኛ ቁጥር ያላቸው የኅብረተሰብ ክፍሎችን ተጠቃሚ በማድረግ የማይተካ ሚና እየተጫወተ መሆኑን ተናግረዋል፡፡

ርእሰ መሥተዳድሩ እንዳሉት አብቁተ ማኅበራዊ ተሳትፎው እና ተቀባይነቱም አድጓል፤ ዘመናዊ የቁጠባ ባሕል እንዲያድግ አድርጓል፤ በቁጠባ የሰበሰበውን ገንዘብ ሙሉ በሙሉ በክልሉ ኢንቨስትመንት ላይ እንዲውል አድርጓል፡፡ “አብቁተ ለመላው ኢትዮጵያ ብሔር ብሄረሰቦች የሥራ ምሳሌ ነው፤ የታማኝነት ምሳሌ ነው” ብለዋል፡፡ ተቋሙ ከክልሉ ውጭ አገልግሎቱን እንዲያሰፋ ያላሰለሰ ድጋፍ ማድረግ እንደሚገባም ገልጸዋል፡፡

በቀጣይም ተቋሙ ለልማቱ ጠንካራ መሳሪያ ሆኖ እንዲያገለግል፣ በቁጠባ አቅሙ እንዲጎለብት እና የሚያሰራጨው የብድር ኢንቨስትመንት ጥራት እና ወቅቱን የጠበቀ እንዲሆን የክልሉ መንግሥት ድጋፍ እንደማይለየው አቶ አገኘሁ አስታውቀዋል፡፡

የኅብረተሰቡ ባሕል ያልሆነው እና ቀስ በቀስ እየተስተዋለ የመጣውን ብድር ያለመመለስ አዝማሚያ በቁርጠኝነት በመታገል እንደሚስተካከልም ተናግረዋል፡፡ አቶ አገኘሁ የፋይናንስ ሕጎች እና አሠራሮች ሳይሸራረፉ እንዲከበሩ፣ ተቀባይነት እንዲኖራቸው እና በሁሉም ኅብረተሰብ ዘንድ ግንዛቤው እንዲያድግ መንግሥት እንደሚሠራም አስታውቀዋል፡፡ በአንድነት መሥራት ውጤቱ መልካም መሆኑን እና አንድ መሆን እንዲገባም መልእክት አስተላፈቀዋል፡፡

ዘጋቢ፡- የማነብርሃን ጌታቸው

ባሕር ዳር፡ መጋቢት 25/2013 ዓ.ም (አሚኮ)


  • The Rise, Rule & Fall of TPLF in Ethiopia
    By – Birhanu M Lenjiso 1) Executive Summary It took TPLF 16 years to rise to power in Ethiopia. For nearly twice as long, they used extraordinary cruelty (iron fist strategy) to maintain dominance in Ethiopian political and economic life. The fall of TPLF however was dramatic and shocking thatContinue Reading
  • Ethiopian American slams U.S. for not backing fight against terrorism in Ethiopia
    BY KFLEEYESUS ABEBE ADDIS ABABA – Ethiopian American Development Council founder and member Nebiyu Asfaw expressed the community’s disappointment over American’s handling of current situation in Ethiopia. Following recent remarks by congresswoman Karen Bass in which she said there has been a request by some Ethiopians in the Diaspora for theContinue Reading
  • Diaspora peace delegation members predict a likely democratic loss of seats in mid-term election
    BY TEWODROS KASSA & YOHANES JEMANEH  ADDIS ABABA- The Biden’s administration would likely lose seats in Congress in the upcoming midterm election as one consequence of Ethiopian Americans voting for Republican Party. Usually Ethiopian Americans vote Democratic Partyin election but this time around that might be less likely, according to EthiopianContinue Reading
  • Africans appeal int’l community to pressure TPLF
    BY ESSEYE MENGISTE ADDIS ABABA- The international community should break the silence and put pressure on TPLF dissidents that have been conscripting and deploying underage children into military conflicts, according to Africans following the issue. In his recent tweet, a Ugandan journalist Futuricalon said that Ethiopia has faced the pain ofContinue Reading

Leave a Reply