ፌስቡክ ላይ በመጻፍ፣ በመዋጋትና በማዋጋት ነጻነታችንን መጠበቅ አንችልም – ጠቅላይ ሚኒስትር ዐቢይ አህመድ


“ፌስቡክ ላይ በመጻፍ፣ በመዋጋትና በማዋጋት ነጻነታችንን መጠበቅ አንችልም” ሲሉ ጠቅላይ ሚኒስትር ዐቢይ አህመድ ገለጹ።

ጠቅላይ ሚኒስትሩ በሰላም ሚኒስቴር የመጀመሪያ ዙር የበጎ ፈቃድ የማኅበረሰብ አገልግሎት ስልጠና የወሰዱ ከ10 ሺህ በላይ ወጣቶችን በወዳጅነት ፓርክ በይፋ መርቀዋል።

በምረቃ ስነ-ስርዓቱ ላይ ጠቅላይ ሚኒስትሩ ባስተላለፉት መልዕክት እንደገለጹት፤ በአባቶች ደምና አጥንት በነጻነት በቆመች አገር ላይ መሆናችንን መገንዘብና የትናንትን ጠቃሚ ነገር ማስቀጠልን ማስታወስ ያስፈልጋል።

ወጣቱ የተቀበለውን ነገር እንዳለ ማቆየት ሳይሆን ማሻሻል እንዳለበት ገልጸዋል።

ለአብነትም የወዳጅነት ፓርክ ላይ የተደረጉ ማሻሻያዎች አንስተው፤ ኢትዮጵያን ያቆዩ አባቶች ስራዎች ሳይዘነጉ ይበልጥ ማሻሻል፣ ማላቅና ማበልጸግ እንደሚገባ አስገንዝበዋል።

ማረም፣ ማበልጸግና ማላቅን ወጣቱ በልቦናው ማቆየት እንዳለበት የገለጹት ጠቅላይ ሚኒስትሩ፤ “ኢትዮጵያ በአሁኑ ወቅት ከግራ፣ ከቀኝ፣ ከኋላና ከፊት ለመገመት በሚያዳግት ደረጃ ትልቁም ትንሹም ተረባርቦ የተናሳባት ጊዜ ላይ ትገኛለች” ብለዋል።

የዚህ የውሸት ፕሮፓጋንዳና ጥላቻ ንግግር ዋና ዓላማ ከምዕተ ዓመት በፊት አልገዛም በማለት ለጥቁር ህዝቦች የነጻነት ተምሳሌት መሆኗን ዛሬም በድህነት ላይ ለመድገም መነሳሳቷ እንደሆነ ገልጸዋል።

“ኢትዮጵያ ድህነት አያስፈልገኝም ብልጽግናን እሻለሁ፤ መለመን አልፈልግም መስጠትን እመኛለሁ እያለች ነውና ይህችን አገር ካላቆምናትና ካልቀጨናት በስተቀር አሁንም ለጥቁር ህዝቦች አረአያ ትሆናለች የሚል ስጋት በሰፊው ይናፈሳል” ብለዋል።

ትልቅ ትንሹ ቢጮህና ብዙ ውሸት ቢነገር ለጥቁር ህዝቦች ነጻነቷን ጠብቃ አረአያ የሆነችው ኢትዮጵያ ዛሬም በልጆቿ ጥረትና ትብብር ታግዛ የብልጽግና ምሳሌ እንደምትሆን ተናግረዋል።

“ጆሯችሁን፣ ልባችሁን፣ አዕምሯችሁን ጠብቃችሁ ኢትዮጵያን ማላቅ፣ ማበልጸግ፣ መውደድና በክብር መስዋዕት መሆን የኩራት ሁሉ ምንጭ እንደሆነ አውቃችሁ እንድታገለግሉ፣ እንድትጠብቋት፣ እንድታሻግሯት፣ ለሚመጡ ወጣቶች ተስፋ ለአዛውንቶች ደግሞ እንድትሆኑ አደራ” ሲሉ መልዕክት አስተላልፈዋል።

የአገር መከላከያ ሰራዊትና የፌዴራል ፖሊስ ብዙ ወጣቶች እንዲቀላቀሏቸው እንደሚፈልጉ ገልጸው፤ ከቅርብና ከሩቅ ብዙ ኢትዮጵያን ለማጥፋት የሚፈልጉ ሃይሎች ስላሉ መጠናከር እንደሚያስፈልግ ተናግረዋል።

ብዙ ወጣቶች በሰራዊት ውስጥ ተቀላቅለው ከማገልገል ይልቅ በፌስቡክ እንደሚዋጉና እንደሚያዋጉ ገልጸው፤ “በፌስቡክ ነጻነታችንን መጠበቅ አንችልም፤ ዋጋ ከፍለን ራሳችንን ካልሰጠን በስተቀር በያላችሁበት በምትናገሩትና በምትጽፉት የኢትዮጵያን ህልውና ማስጠበቅ ስለማይቻል በመከላከያና በፖሊስ ሰራዊት ውስጥ ተሳትፈን አገራችንን መጠበቅና ህልውናዋን የሚገዳደሩ ሃይሎች የማይችሉ መሆኑን ማሳየት ያስፈልጋል” ብለዋል።

Source/ EBC

Related posts:

መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”
በሶማሊያ በሚንቀሳቀሰው አልሸባብ የሽብር ተልዕኮ የተሰጣቸው ስድስት ግለሰቦች በቁጥጥር ስር ዋሉ
አማራ ክልል ትህነግ ዳግም ጦርነት ስላወጀ የ"ዝግጁነትን" አዋጅ አወጣ
ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች
በአገር አቋራጭ የሕዝብ ትራንስፖርት አገልግሎት ላይ የትራንስፖርት ታሪፍ ማሻሻያ ተደረገ
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Leave a Reply