ጋዜጠኛ ሲሳይ ፊዳ በሸኔ ታጣቂዎች ተገደለ

የኦሮሚያ ብሮድካስት ኔት ዎርክ / ኦቢኤን ጋዜጤኛ ሲሳይ ፊዳ በሸኔ ታጣቂዎች መገደሉን የሚሰራበት ተቋም የቄለም ወለጋ ዞን ፖሊስ መምሪያን ጠቅሶ ይፋ አደረገ። ሲሳይ የተገደለው ማህበራዊ ህይወቱን እያከናውነ ባለበት ወቅት መሆኑ ታውቋል።

ጋዜጠኛ ሲሳይ ፊዳ ትላንት ከቀኑ 11፡30 አካባቢ ከሰርግ ሲመለስ በመኖሪያ ቤቱ አካባቢ ተዘጋጅተው በጠበቁት ሁለት የሸኔ ታጣቂዎች ነው ብበጥይት ተደብድቦ የተገደለው።

የግድያ ወንጀሉ መፈፀሙን በቄለም ወለጋ ዞን ፖሊስ መምሪያ የአካባቢ ሰላም አስከባሪ ምክትል ዳሬክተር ኢኒስፔክተር አህመድ ያሲን ናቸው ለኦቢኤን ያስታወቁት። ኢንስፔክተሩ የነብሰገዳዮቹ ማንነት መታወቁን አመልክተዋል።

“የወንጀሉ ፈፃሚዎች ማንነት ተደርሶበታል። በቅርብ ክትልል እየተደረገ ነው” በማለት የዞኑ ፖሊስ መምሪያ ዳይሬክተር ተናግረዋል። ጋዜጠኛ ሲሳይ መልካም ስነ -ምግባር ያለውና ሕዝብ እውነታውን እንዲያውቅ ሃቅ ላይ ተንተርሶ በትጋት የሚሰራ ጠንካራ ጋዜጠኛ እንደነበር መስሪያ ቤቱ ምስክሩን ሰጥቷል።

ባለሙያዎችን፣ ሰላማዊ ሰዎችንና የቤተሰብ ሃላፊዎች የግል ማህበራዊ ጉዳያቸውን ሲያከናውኑ እየጠበቁ መግደል፣ ቤተሰቦቻቸውን ከማይረሳ የሃዘን ጨለማ ውስጥ መክተትና ልጆቻቸውን ከህሊና ከማይጠፋ ሰቆቃ ላይ መጣል በምንም መስፈርት ለኦሮሞ ህዝብ የሚደረግ ትግል ሊሆን እንደማይችል በተደጋጋሚ የማህበረሰቡ አባላት የሚናገሩት ጉዳይ ነው።

በተለያዩ ጊዜያት ህጻናት ፊትና አደባባይ ጎዳና ላይ ወላጆችን መንድፋት የተለመደና በርካታ የክልሉን ነዋሪዎች ያማረረ ጉዳይ መሆኑንን የተጎጂ ቤተሰቦች በተደጋጋሚ አስታውቀዋል። እያነቡ ” ምን በድለን” ብለዋል። ሸኔ ይህንን የሚፈጽመው ለምን እንደሆነ ይፋ አለመግለጹ ደግሞ ሌላው አነጋጋሪ ጉዳይ ነው። እስካሁን ከሸኔ በኩል ምንም የተሰማ ነገር ባይኖርም ዛሬ ማታ በናኮር መልካ አማካይነት እንደተለመደው በቪኦኤ ማስተባበያ ይሰጣል ተብሎ ይጠበቃል።


  • ኢትዮጵያ እንደገና አንድ ሆና ተሰፋች፤ ደስም አለን!
    ዛሬ ሁሉም ዜጋ ” አገሬ” አለ። ያለ ልዩነት ” ማን እንደ አገር” ብሎ ጮኸ። በራሱ ተነስቶ ” እኔም ወታደር ነኝ ” አለ። ከባህር ማዶ ያሉ ከሃጂዎች አገር ለማፍረስ ሲማማሉ፣ የስልጣን ክፍፍል ሲያደርጉ፣ ግማሾቹ በስተርጅና ሲቀሉ፣ ትርፍራፊ የሚጣልላቸው ሚድያዎች አገራቸው ላይ አድማ ሲጠሩ፣ አንዳንድ ባለሃብት ነን ባዮች ቀን ቀን ቤተ ክርስቲያን፣Continue Reading
  • ለትግራይ ጄኔራሎች- “አይ” ካላችሁ ግን ውርድ ከራሴ ብያለሁ
    የምትከተሉት የውጊያ ስልት ያረጀና ያፈጀ ነው። የመጨረሻ ውጤቱም ትግራይን ትውልድ አልባ የሚያደርግ ነው። ለዚህ ማስረጃው ደግሞ አፋር ላይ “ክተት” ብላችሁ ልካችሁት እንደ ቅጠል ረግፎ የቀረው ወጣት ነው። የሰው ማዕበል ስትራቴጂ በዚህ የቴክኖሎጂ ዘመን የሚያስገኘው ውጤት ኢምንት ነው። የሰው ማዕበል በአንድ ድሮን፣ በአንድ የአውሮፕላን ቦንብ ወይም በዘመናዊ አውቶማቲክ መሳሪያ ይበተናል። አፋርContinue Reading
  • “አሸባሪው ትህነግ”በማይጠብሪ፣ በዋግ በአበርገሌ አከባቢ፣ በራያና በአላማጣ ከፍተኛ ኪሳራ ደርሶባታል
    የአማራ ክልል የመንግሥት ኮምዩኒኬሽን ጉዳዮች ጽሕፈት ቤት ዋና ዳይሬክተር ግዛቸው ሙሉነህ ጀግናው የመከላከያ ሠራዊት፣ ልዩ ኃይል፣ ሚሊሻ እና የአማራ ሕዝባዊ ሠራዊት በአውደ ዉጊያ ዉሎው ጠላትን እያንበረከከ ወደፊት እየገሰገሰ መሆኑን አስታወቁ። በማይጠብሪ፣ በዋግ በአበርገሌ አከባቢ፣ በራያና በአላማጣ ከፍተኛ ኪሳራ ደርሶባታል ዋና ዳይሬክተሩ በቅጥረኛ የትህነግ ተቀጣሪ አክቲቪስቶች በሀሰት እንደሚነዛው መረጃ ሳይሆን በማይጠብሪ፣Continue Reading
  • አትሌቲክስ ፌዴሬሽን የቅጥፈት መግለጫ አወጣ፤ ቡድኑንን እየበጠበጠ ነው
    “ሕዝባችንና መንግስታችን” የሚል ተደጋጋሚ ሃረግ በመጠቀም መገልጫ ያሰራጨው የኢትዮጵያ አትሌቲክስ ፌዴሬሽን አትሌት ለሜቻ ግርማ በ3000 መሰናክል እንዲወዳድር መደረጉ አግባብ እንዳልሆነ አስታወቀ። በመግለጫው የሰጠው ምክንያትና ቀደም ሲል ያቀረበው ሪፖርት አይሰማማም። ፌዴሬሽኑ በቶኪዮ ኦሊምፒክ አጠቃላይ ሂደት ላይ ያሰራጨው መግለጫ ” ከውዲሁ የለሁበትን” ዓይነት ሲሆን ውጤቱን አብዝቶ ሊጎዳ የሚችልና ኢትዮ 12 ባደረገው ማጣራትContinue Reading

Leave a Reply