ለአዲስ አመት ጌታ ሁለት ወንዶች ልጆች ሰጠኝ-(ሶፊያ ሽባባው)

ትላንት ለአንድ ስራ ወደ ቦሌ ሄጄ ቀጠሮ አስኪደርስ ለመቆየት ወደ አንድ በጣም ደስ የሚል ምግብ ቤት ስሙዚ ለመጠጣት ከመኪና ስወርድ ……
……ሁለት የቆሸሸና የተቦጫጨቀ ልብስ የለበሱ ህጻናት እጃቸውን ዘርግተው እየተከተሉኝ እትዬ ለዳቦ ሲሉኝ ኑ አብራችሁኝ ስሙዚ እንጠጣ ብዬ ይዣቸው ስገባ አስተናጋጆቹ እየተሯሯጡ መጡና እንቅ አርገው ይዘው እያመናጨቁ ውጡ ከዚ አሏቸው ማኔጀሩም መቶ እናንተ ውጭ ሁኑ አላቸው።

……እንደምንም ንዴቴን ተቆጣጥሬ ልጆቹን ወደኔ እየሳብኩ ከኔጋር ናቸው እኮ ስሙዚ ልገዛላቸው ነው ስላቸው ውጭ ሆነው ይጠጡ አሉኝ
…… ምግብ ቤት ውስጥ ያለው ሰው ትኩረት ሁሉ ወደኛ ሆነ።
ማኔጀሩን ቆጣ ብዬ ከኔ ጋር እውስጥ ቁጭ ብለው እንዲጠጡ ነው የምፈልገው በነጻ ሊለምኑ እኮ አይደለም ተከፍሎ ነው የሚጠጡት ስለው ለምን ግን ብሩን አትሰጫቸውምና ሌላ ጠቃሚ ነገር አይገዙበትም አለኝ።

……እኔም አይ ጁስ ለልጆች ጠቃሚ ነው ጂስ መጋበዝ እፈልጋለሁ ብርም የሚያሰፈልጋቸው ከሆነ እሰጣቸዋለሁ ስለው በፍጹም እንደማልሸነፍለት ገብቶት ነው መሰለኝ
ኦ እንደሱማ ከሆነ ጥሩ ነው ይግቡ በቃ ብሎ እየሳቀና እየተገረመ ግቡ ልጆች ብሎ በአክብሮት ወንበር ሰጣቸው።

……..ምግብ ቤት ውስጥ የነበረው ሰው ሁሉ አይናቸው በመገረም እኛላይ ሆነ።

ቁጭ ካልን በኋላ ስማቸውን ሰጠይቃቸው አድነው እና አለሙ እንደሚባሉ ነገሩኝ።
……. ከማንጋር ነው የምትኖሩት ስላቸው ከአባታችን ጋር ግን አሁን እሱ የለም ጎጃም ነው ያለው አሉኝ።
ለምንድነው የምትለምኑት ስላቸው መስከረም ላይ ት/ቤት ልንገባ ስለሆነ ለደብተር እና ለጫማ መግዣ ነው አሉኝ እንደዛ የተዋበ ምግብ ቤት ውስጥ ንጹህ ወንበር ላይ በመቀመጣቸው እየተሳቀቁ።

…..እናንተኮ የወደፊት የሀገር መሪዎች ሀኪምች ነጋዴዎች… ናችሁ ለናንተ እዚህ መቀመጥ ሲያንሳችሁ ነው ዘና ብላችሁ ቁጭ በሉ ስላቸው
…..በዚ ችግር ባደከመው ፊታቸው ፈገግ እያሉ ያዩኛል።
እናታችሁ የትናት ስላቸው እኔንጃ አናውቅም አሉኝ።እንዴት ሞታለች ማለትነው ስላቸው አይ መሞቷን አናውቅም አይተናትም አናውቅም እኛ አራስ ሆነን ነው የሄደችው ወዴት እንሄደች ምን እንደሆነች አባታችን አይነግረንም ከጠየቅነውም ይቆጣናል ሲሉኝ እምባዬን መቆጣጠር ተሳነኝ ምን እንደማደርጋቸው ግራ ገባኝ።
…….ለአንድም ቀን የናትን ፍቅር ለማግኘት ያልታደሉ መሆናቸውን ሳይ ሁለቱንም ማቀፍ ፈለኩ።
……እናታቸው የት አንደደረሰች የመጠየቅ መብትም የላቸውም።እንደምንም እራሴን ተቆጣጥሬ አሁን እኔ ደብተር እና ጫማ ብገዛላችሁ መለመን ትቀጥላላችሁ ስላቸው እኛ አንለምንም ትምህርት ቤት እንገባለን እኮ ወደ ጎጃም ተመልሰን አሉኝ።

…..ማኔጀሩን አስጠርቼ ስልኬን ሰጠሁትና የልጆቹ አባት ሲመጣ ደውለህ አገናኘኝ እነሱ ሲመጣ ወዳንተ ያመጡታል ብዬው ሂሳባችንን ከፍለን ወተን የሰዎች አይን አሁንም ስለሚከተለን ዞር ወዳለ ቦታ ወሰድኳቸውና እናት ትፈልጋላችሁ?! አልኳቸው።
…..ፍጹም ሀሴት በተሞላ መንፈስ አዎ አሉኝ ሁለቱም በአንድ አፍ። እሺ ከዛሬ ጀምሮ እኔ እናታችሁ ነኝ እኔ አስተምራችኋለሁ ደብተርና ልብስ ለመግዛት መለመን የለባችሁም ትምህርታችሁ ላይ ብቻ አተኩሩ ስላቸው ግን እኮ አንቺ ቤት እንድንኖር አባታችን አይፈቅድም አሉኝ።

….አይ ከአባታችሁ ጋር እየኖራችሁ እናት መሆን እችላለሁ ሁሌ አየመጣሁ እጠይቃችኋለው በጣም ነው የምወዳችሁ ልጆቼ ብዬ ሳቅፋቸው መንገደኞች ቆም እያሉ ከንፈራቸውን እየመጠጡ ያዩናል።

በሉ አናንተም መልካም እናት እንድሆን በጸሎታችሁ አግዙኝ!። via Ethio press


  • በትግራይ ያሉ የዪኒቨርሲ ተማሪዎች ወደ ሰመራ እየገቡ ነው
    በትግራይ ክልል ዩኒቨርሲቲዎች ሲማሩ የነበሩ ተማሪዎች አፋር ክልል ሰመራ ከተማ መግባት መጀመራቸው አል ዐይን አማርኛ ያነጋገራቸው የሰመራ የከተማዋ ነዋሪዎች ተናግረዋል፡፡የተማሪዎች ወላጆች ከሰሞኑ ልጆቻቸው ትግራይ ክልል ከሚገኙ ዩኒቨርሲቲዎች እንዲመለሱ ጥያቄ ሲያቀርቡ ቆይተዋል፡፡ የኢትዮጵያ መከላከያ ሰራዊት ከትግራይ ክልል መውጣት ከጀመረ እና የተናጠል ተኩስ አቁም ከታወጀ በኋላ ትግራይ ክልል ባሉ ዮኒቨርሲቲዎች ልጆች ያሏቸውንContinue Reading
  • “አደንዛዥ ዕጽ የሚሰጧቸው በበርሜል ሻይ አፍልተው ነው”
    አሸባሪው ትህነግ (የትግራይ ህዝብ ነጻ አውጪ ግምባር) ዜጎችን ወደ ውትድርና ተመልምለው ለውጊያ የሚያደርሰው በሁለት መንገድ ነው፤ አንዱ ምንም የጦር ዕውቀትና ልምምድ ሳይኖራቸው በግድ ከሽፍታው ቡድን ጋር እንዲቀላቀሉ የተደረጉ ሲሆኑ ሁለተኛው ደግሞ አደንዛዠ ዕፅ አፍልተው ነው። ከዚሁ ጋር በተያያዘ ሰሞኑን የወጣው መረጃ እንደሚያመለክተው ትህነግ ህጻናት ልጆችን ለጦርነት እየመለመለ እንደሚሰማራ በማስረጃ ተረጋግጦበታል።Continue Reading
  • 47 ከባድ ተሽከርካሪዎች ከሰመራ ወደ መቀሌ ነገ እንደሚጓዙ የብሔራዊ አደጋ ስጋት ሥራ አመራር ኮሚሽን አስታወቀ።
    ለትግራይ ክልል የሚውል ሰባዓዊ ድጋፍ የጫኑ 47 ከባድ ተሽከርካሪዎች ከሰመራ ወደ መቀሌ ነገ እንደሚጓዙ የብሔራዊ አደጋ ስጋት ሥራ አመራር ኮሚሽን አስታወቀ። የብሔራዊ የአደጋ ሥጋት ሥራ አመራር ኮሚሽነር ምትኩ ካሳ በተለይ ለኢትዮጵያ ዜና አገልግሎት እንደገለጹት፤ በዓለም ምግብ ፕሮግራምና ሌሎች ዓለም አቀፍ የእርዳታ ተቋማት በኩል ምግብና ምግብ ነክ ያልሆነ የእርዳታ አቅርቦቶች በተገቢውContinue Reading
  • በእርግዝና ወቅት የማይመከሩ ምግቦች
    1. ጥሬ ወይም በከፊል የበሰለ እንቁላል እርጉዝ ሴቶች በፍጽም ጥሬ ወይም በከፊል የበሰለ እንቁላል መመገብ የለባቸውም። ጥሬ እንቁላል ለሳልሞኔላ ኢንፌክሽን አይነተኛ መነሻ ሲሆን፤ ኢንፌክሽኑ ማስመለስና ተቅማጥ ያስከትላል። ይህም የልጅዎን ጤንነት ይጐዳል። እንቁላል የፕሮቲን፣ ቫይታሚንና ሚኔራሎች ጥሩ መገኛ ነው። ስለዚህ እንቁላል ሲመገቡ በሚገባ መብሰሉን ያረጋግጡ። 2. አልኮል መጠጦች እርጉዝ ሴቶች በሚያስከትለውContinue Reading

Leave a Reply