በኢድ የሶላት ስርዓት ላይ ረብሻ ተቀሰቀሰ፤ ንብረት ወድሟል

በዛሬው ዕለት በኢድ ሶላት ላይ ጥቂት ግለሰቦች ባስነሱት ረብሻ በንብረት ላይ ጉዳት መድረሱን የአዲስ አበባ ፖሊስ አስታውቋል። ቢቢሲ አማርኛ በስፍራው የነበሩ ” ነገሩኝ” ሲል ከአንድ ወገን ብቻ ባሰራጨው ዜና የጥይት ድምጽ ይሁን የአስላቃሽ እርግጠኛ እንዳልሆኑ የገለጹ ራሳቸውን ለማትረፍ ሽሽት መርጠዋል።

ቢቢሲ ያናገራቸው ክፍሎች ለምን ህንጻ በድጋይ ሲፈርስና የመንገድ ማሳመሪያ የአትክልት ማስቀመጫዎችና ንብረት ማውደም እንደተፈለገ አላስረዱም።

የአዲስ አበባ ፖሊስ ባሰራጨው አጭር መግለጫ ” ሚያዝያ 24 ቀን 2014 ዓ/ም የኢድ ሶላት ከመሰገዱ በፊት በሰማዕታት ሀውልት አካባቢ ጥቂት ግለሰቦች ባስነሱት ረብሻ በንብረት ላይ ጉዳት ደርሷል፤ ምዕመኑ አሁን ተረጋግቶ ወደ መጣበት እየተመለሰ ስለሆነ ህብረተሰቡ በመረጋጋት ራሱንና አካባቢውን እንዲጠብቅ የአዲስ አበባ ፖሊስ ጥሪውን ያስተላልፋል በቀጣይ የረብሻውን መነሻና ከዚህ ጋር ተያያዥነት ያላቸውን ሌሎች ጉዳዮችን ለህዝብ ያሳውቃል” ብሏል።

የኢድ ሶላት ከመሰገዱ በፊት በቀይ ሽብር ሰማዕታት ሙዚየም አካባቢ “ጥቂት ግለሰቦች ባስነሱት ረብሻ በንብረት ላይ ጉዳት” መድረሱንና ሰፊ ጉዳት ሳይከተል ስርዓቱ መቋረጡን ያመለከተው ፖሊስ ዝርዝር መረጃ አላሰራጨም። ” ጥቂት” ያላቸውን ወገኖችም አላብራራም።

የአዲስ አበባ ዘጋቢያችን ያናጋራቸው እንዳሉት ” ምን እንደሚፈልግና ምን ዓላማ ለማስፈጸም እንዲህ ማድረግ እንደተፈለገ አለገባንም” ብለዋል። በሁኔታው ማዘናቸውን አመልክተው በየሰፈራቸውና በየአካባቢያቸው በጉዳዩ እንደሚመክሩ ጠቁመዋል።

አንዳንድ በማህበራዊ ሚዲያ የተለቀቁ ምስሎችና የቪዲዮ ፊልሞች አስለቃሽ ጢስ ፖሊስ መጠቀሙን ፣ድንጋይ የያዙ ህንጻ ሲሰባበሩና ሲያወድሙ አሳይተዋል። ተንቀሳቃሽ ምስሎች በቀጥታ ወደ ፀጥታ ኃይሎችና ሕንጻዎች ላይ ድንጋይ ሲወረወር አሳይተዋል።

በጎንደር በቀብር ቦታ በተነሳ ግጭት ሳቢያ እየሰፋና መልኩን እየቀየረ የሄደው ይህ ረብሻ ከሁዋላው የሚያሾረው አካል እንዳለ እየተገለጸ ነው። መንግስት ከዓመት በፊት “ሁሉንም ችግር እናልፋለን፤ የሃይማኖት ረብሻው የመጨረሻ ካርዳቸው ነው። በጥበብ ለማለፍ ህዝብ ይዘጋጅ” ሲል ማስጠንቀቁ የሚታወስ ነው።

አብሮ የኖረን ሕዝብ ለማባላት ከዚህና ከዚያ ሆነው በማክረር ምዕመኑንን እየነዱ ያሉ አክራሪዎች ከሁሉም ሃይማኖት ሊለቀሙ እንደሚገባ፣ መንግስት የከረረና የማያዳግም እርምጃ እንዲወስድ ሕዝብ እያሳሰበ ይገኛል።

ሰሞኑን የመንግስት የጸጥታ ሃይሎች በርካታ ተጠርጣሪዎችን የያዙ ሲሆን ይህም ተጠናክሮ እንደሚቀጥል ተገልጿል።

Related posts:

ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”

Leave a Reply