አሜሪካ ኢትዮጵያን ከአግዋ ተጠቃሚነት የማስወጣት እንቅስቃሴ ከአሜሪካውያን ባለሀብቶች ትችት ገጠመው

አሜሪካ ኢትዮጵያን ከአግዋ ተጠቃሚነት የማስወጣት ያልተገባ እንቅስቃሴ ከአሜሪካውያን ባለሀብቶች ትችት እንዳጋጠመው ተገለጸ።

አሜሪካ በኢትዮጵያ የውስጥ ጉዳይ ላይ እጇን ለማስገባት ጥረት ማድረግ ከጀመረች የቆየች ቢሆንም ኢትዮጵያውያን በጋራ በመቆማቸው ምክንያት ያሻትን እንዳታደርግ አድርጓታል፡፡

የህዝቡ በጋራ መቆም ያስደነገጣት አሜሪካ የተለያዩ ማዕቀቦችን ከመጣል ጀምሮ ሌሎች በርካታ እጅ የመጠምዘዣ መሳሪያዎቿን ለመጠቀም ጥረት እያደረገች ትገኛለች፡፡

ከእነዚህ እጅ መጠምዘዣ መሳሪያዎች መካከልም ኢትዮጵያን ከአግዋ ተጠቃሚነት ማገድ አንዱ ሲሆን ይሀንንም ተግባራዊ ለማድረግ ቀነ ገደብ በማስቀመጥ ለማስፈራራት እየሞከረች ነው፡፡

ይህ የአሜሪካ አስተዳደር ያልተገባ እንቅስቃሴን በተመለከተ በኢትዮጵያ ውስጥ በማምረቻው ዘርፍ የተሳተፉ አሜሪካውያን ባለሀብቶች ጭምር እየተቃወሙት ስለመሆኑም በፎርብስ መጽሄት ላይ የወጣ አንድ ጽሁፍ አስነብቧል፡፡

ጽሁፉ አክሎም አሜሪካ የኢትዮጵያን መንግስት እጅ ለመጠምዘዝ እና ፍላጎቷን ለማሳካት በርካታ ጫና ማሳደሪያ ስልቶችን እየተጠቀመች ስለመሆኑም አትቷል፡፡

መጽሄቱ በሀተታው ላይ እንዳመላከተው አሜሪካ ይህን ውሳኔ የምታሳልፍ ከሆነ አሁን ኢትዮጵያ ውስጥ ያለው ችግር ሲቀረፍ ባለሀብቶቹ ምርቶቻቸውን የተረጋጋ እና አስተማማኝ ወደሆኑ ሀገራት በጥሩ ዋጋ ለመሸጥ የሚገደዱ ሲሆን በዚህም የራሷ የአሜሪካ ገበያ እንዳይረጋጋ ከማድረጉም በላይ ከፍተኛ የዋጋ ግሽበትን እንደምታስተናግድ ጠቁሟል፡፡

ጽሁፉ አክሎም አሜሪካ እንደ አግዋ ያሉ የንግድ ትብብር ስምምነቶችን ለፖለቲካ መደራደሪያ በመሳሪያነት እየተጠቀመችበት ስለመሆኑም ይጠቅሳል፡፡

አሜሪካ ኢትዮጵያን ከአግዋ ተጠቃሚነት የምታግድ ከሆነ በቀጥታ ተጎጂ የሚሆኑት በማምረቻው ዘርፍ የተሰማሩ ባለሀብቶችን እና ተቀጥረው የሚሰሩ ሰራተኞችን እንደሆነ ያስታወሰው ጽሁፉ ይህ የአሜሪካ እንቅስቃሴ በዚሁ የሚቀጥል ከሆነም በቀጣይ በጊኒ፣ በማሊ፣ በማይናማር በካምቦዲያ እና በኒካራጉዋም መሰል ችግሮችን ልትፈጥር እንደምትችል አመላክቷል፡፡

የአፍሪካ ሀገራት ምርቶቻቸውን ከቀረጥ ነጻ በአሜሪካ ገበያ እንዲያስገቡ የሚፈቅደው አግዋ ስምምነት የተጀመረው እኤአ በ2000 ሲሆን ከ21 ዓመታት በኋላም በመጀመሪያው ዓመት ካስተናገደው የ23 ነጥብ5 ቢሊየን ዶላር የውጭ ገበያ ገቢ ፈቀቅ እንዳላለ ጽሁፉ አስነብቧል፡፡

ይህ ሁሉ የአሜሪካ ያልተገባ ከንግድ ስምምነት የማስወጣት እንቅስቃሴዋ በቀጥታ ከባለሀብቶች ጋር እንድትላተም እንደሚያደርጋት ጠቅሶ በዚህም ባለሀብቶች እና ሀገራት የሁለትዮሽ ስምምነት በመፈጸም የንግድ ግንኙነታቸውን በተናጠል እንዲያጠናክሩ ሊያስገድዳቸው እንደሚችልም አመላክቷል፡፡

ጽሁፉ ሲያጠቃልልም አሜሪካ ከኢትዮጵያ ጋር ያላትን ግንኙነት ዲፕሎማሲያዊ በሆነ መንገድ በትብብር መስራት እንደዋነኛ አማራጭ መከተል እንደሚገባት እና የአግዋ ዕድልን ፖለቲካዊ ጥቅምን ለማስከበር በመሳሪያነት ከመጠቀም መቆጠብ እንደሚገባት ጠቁሟል፡፡

ይህ ካልሆነ እና አግዋን ለፖለቲካ ፍላጎት ማስፈጸሚያነት የምትጠቀም ከሆነ ግን ትክክለኛውን የአግዋ አስፈላጊነት፣ ትርጉም እና ምስል ያበላሻል ሲል ጽሁፉ ደምድሟል፡፡

-አካባቢህን ጠብቅ

_ ወደ ግንባር ዝመት

_ መከላከያን ደግፍ

መረጃዎቻችንን ለማግኘት

(ኢዜአ)

Related posts:

መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”
በሶማሊያ በሚንቀሳቀሰው አልሸባብ የሽብር ተልዕኮ የተሰጣቸው ስድስት ግለሰቦች በቁጥጥር ስር ዋሉ
አማራ ክልል ትህነግ ዳግም ጦርነት ስላወጀ የ"ዝግጁነትን" አዋጅ አወጣ
ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች
በአገር አቋራጭ የሕዝብ ትራንስፖርት አገልግሎት ላይ የትራንስፖርት ታሪፍ ማሻሻያ ተደረገ
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Leave a Reply