ማንነታቸው በማይታወቀ ሰዎች ስም ካሳ በሚል መንግስት ከ65 ሚሊዮን ብር በላይ ተዘረፈ

ዐቃቤ ሕግ የልማት ተነሺ ባልሆኑ ሰዎች ስም ስልሳ አምስት ሚሊዮን ዘጠኝ መቶ ሰባ ሰባት ሺ ስድስት መቶ ሀያ ብር ካሳ የተቀበሉ የመንግስት ስራ ኃላፊዎች እና ባለሙያዎች ላይ ክስ መሰረተ

በጠቅላይ ዐቃቤ ሕግ ዘርፍ የሙስና ወንጀል ጉዳዮች ዳይሬክቶሬት ጄኔራል ዐቃቤ ሕግ ከፖሊስ ጋር በመሆን ሲያካሂድ የነበረውን ምርመራ በማጠናቀቅ በከባድ የሙስና ወንጀል ስር ክስ የመሰረተው የልማት ተነሺ ባልሆኑና እስካሁን ትክክለኛ ማንነታቸው ባልታወቁ 21 ግለሰቦች ስም 65,977,620.00 (ስልሳ አምስት ሚሊዮን ዘጠኝ መቶ ሰባ ሰባት ሺ ስድስት መቶ ሀያ) ብር ካሳ ከመንግስት በመውሰድ ለግል ጥቅማቸው ባዋሉ የለሚ ኩራ ክፍለ ከተማ ወረዳ 06 ወና ስራ አስፈጻሚ እና የቦሌ ክፍለ ከተማ መሬት ልማትና ከተማ ማደስ ጽ/ቤት ባለሙያዎችን ጨምሮ በ21 ግለሰቦች ላይ ነው፡፡

ዛሬ የካቲት 30 ቀን 2014 ዓ.ም ክሱ ለፌዴራሉ ከፍተኛ ፍርድ ቤት ተልኮ እና ተከፍቶ ችሎቱ ተሰይሟል፡፡ በዚህም መሰረት ዐቃቤ ሕግ የመሰረተው ክስ በችሎቱ ለቀረቡት ተከሳሾች እንዲደርሳቸው የተደረገ ሲሆን በችሎት ያልቀረቡም ተከሳሾች ክሱ ደርሷቸው ለሁሉም ተከሳሾች ክሱን ለማንበብ ፍርድ ቤቱ ተለዋጭ ቀጠሮ ለመጋቢት 13 ቀን 2014 ዓ.ም ተለዋጭ ቀጠሮ ሰጥቷል፡

ከወንጀል ድርጊቱ ጋር በተያያዘ የተመዘበረውን የህዝብ ሀብት ለማስመለስ ያስችል ዘንድ የተለያዩ ቤቶች፣ ሕንጻዎች፣ በባንክ የሚገኙ ገንዘቦች፣ ተሸከርካሪዎች እና የኮንስትረክሽን ማሽነሪዎችን እንዲታገዱ ተደርጓል፡፡

በዚህ ዜና ላይ የቀረበው ገለጻ የተከሳሾቹን ተሳትፎ በዝርዝር ያልያዘበት ምክንያት ክሱ በችሎቱ ያልተነበበ በመሆኑ መሆኑን እንድትረዱልን በማክበር እየጠየቅን ከላይ በተጠቀሰው ቀጠሮ ላይ የሚደረጉ የክርክር ሂደቶችን ተከታትለን መረጃ የምናደርሳችሁ መሆኑን እንገልጻለን፡፡

Ministry of justice

Related posts:

«ሕወሓት ጦርነትን እንደ አምልኮ የሚቆጥር ቡድን ነው» – ፕሮፌሰር ሀረገወይን አሰፋ
«በሕገወጦች ላይ ያለ ምኅረት እርምጃ መውሰድ አለብን፤ ይህ የመንግሥት ተግባር ነው» የአማራ ክልል
125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ጋብቻ ሳይፈፀም እንደባልና ሚስት መኖር እና የሚያስከትለው ውጤት
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል

Leave a Reply