የመኪና ሌቦቹ ተፈረደባቸው

ከጥበቃ ሰራተኞች ጋር በመመሳጠር ሁለት ተሽከርካሪዎችን የሰረቁ እና ወንጀሉን ያስተባበሩ የወንጀል ፈፃሚዎች በፅኑ እስራት ተቀጡ፡፡ የተሰረቁት ተሽከርካሪዎች ሰሌዳቸው ተቀይሮ መገኘታቸውን የአዲስ አበባ ፖሊስ አስታውቋል፡፡

በአራዳ ክፍለ ከተማ ከሚገኘው የአዲስ ብድርና ቁጠባ ተቋም ውስጥ ሁለት የድርጅቱ ተሽከርካሪዎች መጥፋታቸው ለአራዳ ክፍለ ከተማው ፖሊስ መምሪያ መረጃ ይደርሰዋል፡፡

የድርጅቱ የጥበቃ ሰራተኞች ከወንጀል ፈፃሚዎች ጋር በመመሳጠር ሌሊት ተረኛ በነበሩበት ወቅት ሐምሌ 30 ቀን 2013 ዓ/ም የተቋሙን የስምሪት ክፍል ኃላፊ ቢሮ በር በፌሮ ብረት በመገንጠል አይነቱ ቶዮታ ፒካፕ የሰሌዳ ቁጥሩ ኮድ 3A 05319 አ/አ የሆነ ተሽከርካሪ ቁልፍን በመውሰድ እንዲሁም የሰሌዳ ቁጥሩ ኮድ 3A 07587 አ/አ የሆነ ቶዮታ ሚኒባስ ተሽከርካሪ ቁልፍ መኪናው ውስጥ ተሰክቶ በማግኘታቸው ሁለቱንም ተሽከርካሪዎች ሰርቀው ቢሰወሩም የአራዳ ክ/ከተማ ፖሊስ መምሪያና በአዲስ አበባ ፖሊስ ወንጀልና ትራፊክ አደጋ ምርመራ ዘርፍ ባከናወኑት ምርመራ የማስፋት ስራ እና በጠንካራ ክትትል ወንጀል ፈፃሚዎቹን በመያዝ ተሽከርካሪዎቹን ማስመለስ እንደተቻለ ከዚህ ቀደም መዘገባችን ይታወቃል፡፡

ፖሊስ በዚህ የወንጀል ድርጊት ላይ ተሳትፎ ባደረጉ ከ30 በላይ በሚሆኑ ግለሰቦች ላይ የምርመራ መዝገብ በማደራጃት መዝገቦቹን ለሚመለከተው የፍትህ አካል ልኮ ክስ እንዲመሰረትባቸው አድርጓል፡፡ ክስ ከተመሰረተባቸው ወንጀል ፈፃሚዎች መካከል ወንጀሉን በማስተባበርና በዋና ወንጀል ፈፃሚነት የተከሰሱ አዱኛ ቡዙነህ እና መኮንን ሙስጠፋ የተባሉ በ6 ዓመት ፅኑ እስራት መቀጣታቸውን የአዲስ አበባ ፖሊስ አስታውቋል፡፡ የተሰረቁትን ተሽከርካሪዎች በገዙና ባሻሸጡ እንዲሁም በልዩ ልዩ ደረጃ ተሳትፎ በነበራቸው ግለሰቦች ላይ እንደጥፋታቸው ክስ ተመስርቶ ጉዳያቸው በፍርድ ቤት እየታዬ ይገኛል፡፡

Related posts:

ጋብቻ ሳይፈፀም እንደባልና ሚስት መኖር እና የሚያስከትለው ውጤት
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ
ጉቦ ስትቀበል እጅ ከፍንጅ የተያዘችው የመሬት ልማት መኔጅመንት ባለሙያ ክስ ተመሰረተባት
የደህንነት ሰራተኛ ነኝ በማለት ወንጀሎችን ሲፈፅም የነበረው ተከሳሽ በፅኑ እስራትና ገንዘብ ተቀጣ
ከሳኡዲ ተመላሾች መካከል ወንጀል የፈጸሙ ላይ ምርመራ ሊጀመር ነው- የሰው ንግድ አንዱ ነው
በኢድአልፈጥር በዓል የጭስ ቦንብ በማፈንዳት ወንጀል የተጠረጠረው ፖሊስ ፍርድ ቤት ቀረበ
የከተማ መሬትን በወረራ ለመያዝ ጥብቅ ደን በጨፈጨፉ 97 ሰዎች ላይ ክስ ተመሰረተ
መድሃኒት ከመጋዘን ሲቸበችብ የተደረሰበት ሚካዔል ዘውገ ተፈረደበት
ለባቡር ትራንስፖርት አገልግሎት የተዘረጋ የኤሌክትሪክ ሽቦ የሰረቁ በጽኑ እስራት ተቀጡ
አስመስሎ በመፈረም ከ12 ሚሊየን ብር የዘረፉ ተከሰሱ
ከ33 ሺህ በላይ ሕገ ወጥ ነጋዴዎች ላይ እርምጃ ተወሰደ
ሰውን በህገ-ወጥ መንገድ ድንበር ማሻገር ወንጀል ምንነትና ልዩ ባህሪያት
በ25 ሄክታር የባለሃብቶች አትክልትና ፍራፍሬ ማሳ ላይ ጉዳት ያደረሱ ተጠርጣሪዎች ተያዙ
ደብረጽዮንና ጌታቸውን ጨምሮ 37 ተከሳሾች በመገናኛ ብዙሃን ጥሪ እንዲደረግላቸው ታዘዘ
የውጭ አገር ገንዘብ ያለፈቃድ ይዞ መገኘት በወንጀል የሚያስጠይቅ መሆኑን ያውቃሉ?

Leave a Reply