ወደ ላልይበላ፣ ጎንደር እና ባህር ዳር ይደረጉ የነበሩ በረራዎች ተስተጓጉለው የነበረው የሱዳን ድንበር አካባቢ ባለው ውጥረት ምክንያት ነው?

ከቀናት በፊት የኢትዮጵያ አየር መንገድ በአንዳንድ የሀገር ውስጥ መዳረሻዎች ባጋጠመው አስቸጋሪ የአየር ጠባይ ምክንያት ከጥር 29 ቀን 2013 ዓ.ም ጀምሮ ወደ ላልይበላ፣ ጎንደር እና ባህር ዳር ይደረጉ የነበሩ በረራዎች መስተጓጎላቸውን የሚገልጽ መልዕክት በፌስቡክ ገጹ ለጥፎ ነበር።

ይህን መልዕክት ተከትሎ በአንዳንድ የትዊተር እና የፌስቡክ ገጾች በረራዎቹ የተቋረጡት በኢትዮጵያ እና በሱዳን ድንበር በተፈጠረው ውጥረት ምክንያት መሆኑን የሚገልጹ መረጃዎች ተሰራጭተዋል።

በረራዎቹ በአየር ጠባይ ምክንያት ስለመቋረጣቸው ለማረጋገጥ ኢትዮጵያ ቼክ በኢትዮጵያ ብሔራዊ ሚቲዎሮሎጅ ኤጀንሲ የአቪዬሽን ሚቲዎሮሎጅ አገልግሎት ዳይሬክቶሬት ዳሬክተር አቶ ካሳ ፍቃዱን ያናገረ ሲሆን “በረራዎቹ የተሰረዙት ከሱዳን የተነሳ አቧራማ ጭጋግ የሰሜን ምዕራብ የሀገሪቱን ክፍሎች በመሸፈኑ ነው” የሚል ምላሽ አግኝቷል።

አቧራማ ጭጋጉ የተለመደ እና የአየመቱ የሚከሰት መሆኑንም የገለጹት አቶ አቶ ፍቃዱ የኢትዮጵያ አየር መንገድ በረራዎችን የሰረዘው ከብሔራዊ ሚቲዎሮሎጅ ኤጀንሲ በደረሰው መረጃ መሰረት መሆኑን ተናግረዋል። ባሳለፍነው ሳምንት የመጨረሻ ቀናት በባህርዳር ነዋሪ የሆኑ የፌስቡክ ተጠቃሚዎች ከተማዋ በአቧራማ ጭጋግ ተሸፍና የሚያሳዩ ምስሎችን ሲለጥፉ ኢትዮጵያ ቼክ የተመለከ ሲሆን ዛሬ ያናገርናቸው ሁለት የከተማዋ ነዋሪዎችም ምስሎቹ ትክክል መሆናቸውን አረጋግጠዋል።

በኢትዮጵያ ብሔራዊ ሚቲዎሮሎጅ ኤጀንሲ የባህርዳር ቅርንጫፍ ዳሬክተር አቶ ንጋቱ መልሴ ባሳለፍነው ሳምንት የመጨረሻ ቀናት አካባቢው ከሱዳን በመጣ አቧራማ ጭጋግ ተሸፍኖ እንደነበር እና ከትናንት ጀምሮ ጭጋጉ ወደ ምስራቅ ጎጃም በመሸሹ የበረራ አገልግሎት እንደገና መጀመሩን ለኢትዮጵያ ቼክ ተናግረዋል።

የጎንደር አየር ማረፊያ የሚቲዎሮሎጅ ባለሙያ አቶ አሰፋ በጎንደርም ተመሳሳይ ክስተት እንደነበር ገልጸው ጭጋጉ አካባቢውን በመልቀቁ ከትናት ጀምሮ በረራ መጀመሩን ገልጸዋል። ባለፈው አመትም በሰሜን እና በሰሜን ምዕራብ ኢትዮጵያ ተመሳሳይ ክስተት ተከስቶ የነበረ ሲሆን የኢትዮጵያ አየር መንገድ ከመጋቢት 6 ቀን 2012 ዓ.ም ጀምሮ ወደ መቀሌ፣ ላልይበላ፣ ጎንደር፣ አክሱምና ሽሬ ይደረጉ የነበሩ በረራዎችን ለቀናት ሰርዞ ነበር። ባህርዳር እና አካባቢዋ አቧራማ ጭጋግ ለብሰው የሚያሳዩ ምስሎችም በማህበራዊ ትስስር ገጾች በስፋት መሰራጨታቸው ይታወሳል።

#FactCheck Exclusive

Related posts:

125 አዳዲስ የገጠር ከተሞችና መንደሮች የኤሌክትሪክ ተጠቃሚ ሆኑ
«በአገሩ መከላከያ ላይ አፉን የሚከፍት ሕዝብ የለም፤ መንግስትም አይታገስም» ክብር ለመከላከያ ሰራዊት!!
በኢትዮጵያና ቱርክ መካከል የተደረገውን የወታደራዊ ማዕቀፍ ስምምነት ምክር ቤቱ አጸደቀ
የሞት ፍርደኛው የ25 ዓመታት ሰቆቃ! ከመሬት በታች የታፈኑት አባት
«ኢትዮዽያን ማስቀጠል ከሚፈልጉት ጎን በመሆናችን የሚከፋ ከአለ እርሱ መፍረሷን የሚናፍቅ ብቻ ነው!»
ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ

Leave a Reply