ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች

ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት መሆኑንንም አስታውቃለች። ሰሞኑንን የመከላከያ ሚኒስትሩ በቲውተር ገጻቸው ዓለም ስለዩክሬን ብቻ እንደሚጮህ ጠቅሰው “ወንድሞቻችን” ላሉዋቸው የትሀንግ ሃይሎች ያላቸውን ስሜትና ድጋፍ ይፋ ማድረጋቸውን ተከትሎ፣ የተለያዩ መረጃዎች ይፋ በመሆናቸው የኡጋንዳ የመከላከያ ባለስልጣናት አዲስ አበባ ገብተዋል።

“የኢትዮጵያ እና የኡጋንዳ የመከላከያ ኃላፊዎች በአዲስ አበባ ውይይት አካሄዱ” በሚል የመንግስት መገናኛዎች እንዳሉት ኡጋንዳ ” ኢትዮጵያ የአፍሪካ እናት ናት” ሲሉ የሚወራው ሁሉ ሃሰት ነው።

የጦር ሃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ ከኡጋንዳው የመከላከያ ሚኒስትር ጋር በሁለቱ አገሮች ወቅታዊ ጉዳዮች ዙሪያ ውይይት ማድረጋቸውን ተከትሎ ነው ይህ የተሰማው። ዜናው ስብሰባው መደረጉን እንጂ ኢትዮጵያ ጥሪ ስለማቅረቧ ወይም ኡጋንዳ ስብሰባውን ስለመጠየቋ አላብራራም።

በዜናው ሁለቱ አገሮች የመከላከያ ዘርፍ ስምምነት ያለበት ደረጃ ላይ መክረዋል። በቀጣይ ስምምነቱን ለማደስ የጋራ መግባባት ላይ ተደርሷል፡፡ ሥምምነቱን የማደስ ሥራ ከውጭ ጉዳይ ሚኒስቴር ጋር በመተባበር እንዲፈፀም ተገልጸዋል።

በማህበራዊ ሚዲያዎች ሲዘገብ ስለነበረው አሸባሪው የሕወሓት ቡድን የሥልጠናና ሌሎች ድጋፎችን በኡጋንዳ አማካኝነት እገዛ እያገኘ ነው የሚለውን ወሬ የኡጋንዳ መከላከያ ሚኒስትር ፈፅሞ ከዕውነት የራቀ መሆኑን አረጋግጠዋል፡፡

የመከላከያ ሚኒስትሩ ሀገራቸው ኢትዮጵያን የአፍሪካ እናት አድርጋ እንደምትመለከታትና ማንኛውም ፀረ-ኢትዮጵያ የሆነ ኃይል በኡጋንዳ ለመንቀሳቀስ ፈፅሞ እንደማይፈቀድለት ተናግረዋል።

በኢትዮጵያና በኡጋንዳ መካከል ያለውን የረዥም ጊዜ የጠበቀ ግንኙነት ለማደፍረስ እየሰሩ በመሆኑ ከእነዚህ አፍራሽ ኃይሎች መጠንቀቅ እንደሚገባ ሚኒስትሩ ማሳሰባቸውን ከውጭ ጉዳይ ሚኒሰቴር ቃል አቀባይ ጽ/ቤት የተገኘው መረጃ ያመለክታል።

በተመሳሳይ ዜና አናሳ ብሄር ወክለው ኡጋንዳን እየገዙ ያሉት ሙሴቪኒ በቅርቡ የሱዳን አይነት ቀውስ ሊያጋጥማቸው እንደሚችል እየተነገረ ነው። መቀመጫቸውን ደቡብ ሱዳን ያደረጉ አንጋቾችን ጠቅሰው ለጉዳዩ ቅርብ የሆኑ ወገኖች እንደሚሉት ሙሴቪኒ አሁን መጀመሩት ኢትዮጵያ ላይ የማደም ተግባር ከቀጠሉ በአጭር ጊዜ ውስጥ ችግር ሊገጥማቸው ይችላል። ለዚህም ይመስላል የሙሴቪኒ ልጅ የተባሉት የአገሪቱ የመከላከያ አዛዥ የቀድሞውን ቲውተራቸውን በሚጣላ መልኩ ቅስቀሳቸውን ቀይረው “ኢትዮጵያ” እያሉ ነው።

የሙሴቪኒ መንግስት ከአሜሪካ 200 ሚሊዮን፣ ከግብጻ ደግሞ ስልሳ ሚልዮን በመቀበል በስድስት የማሰልጠኛ ጣቢያዎች ስማቸውና ማእረጋቸው በተገለጸ የዩጋንዳ የጦር መኮንኖች የትህነግና ተባባሪዎቻቸው ሃይሎች እየሰለጠኑ እንደሆነ የደህንነት ምንጮቻቸውን በመጥቀስ የማህበራዊ አውድ አንቂዎች መረጃ ማሰራጨታቸው ይታወሳል።

Related posts:

አማራ ክልል "የህግ ማስከበሩ ይቀጥላል"May 26, 2022
ኢሳያስ - ዘመቻው እስከ መጨረሻ ቀብር ይሆናል ሲሉ ትህነግን አስጠነቀቁMay 25, 2022
በአማራ ክልል እፎይታ እየነገሰና የትህነግ የወረራ ዕቅድ መምከኑ ተሰማMay 25, 2022
ንግድ ባንክ ለአፈር ማዳበሪያ ግዥ ከ50 ቢሊየን ብር በላይ ወጪ ማድረጉን አስታወቀMay 25, 2022
ቢለኔ ታይም መጽሔትን ማብራሪያ ጠየቁ፤ የተሰላ ጥቃትና የአንድ ወገን ትርክት ማቅረቡን ኮንነዋልMay 25, 2022
"ከውስጥ በር ለማስከፈት ... ከጣራ በላይ ጩኸት" አብን አማራን ለሶስተኛ ዙር ወረራ እያመቻቹ ያሉትን በይፋ አወገዘMay 24, 2022
በኢትዮጵያ በተከሰቱ ግጭቶች ሁሉ የትህነግ እጅ እንዳለባቸው በመረጃ ተረጋገጠMay 24, 2022
ፋኖ እየጨፈረ ከመከላከያና አማራ ልዩ ሃይል ጋር የግዳጅ ቀጠናውን ተረከበMay 23, 2022
ተልዕኮ አስፈጻሚዎችና ከ1780 በላይ ሕዝባዊ ኀላፊነታቸውን ያልተወጡ ተጠርጣሪዎች ተያዙMay 23, 2022
በሕግ ማስከበር ዘመቻ ከ4 ሺህ በላይ ተጠርጣሪዎች በሕግ ቁጥጥር ስር ዋሉMay 23, 2022
በአማራ ክልል መፈንቅለ መንግስት ታቅዶ ነበርMay 23, 2022
Number of IDPs Hits Record High GloballyMay 22, 2022

Leave a Reply