በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Okay የፌዴራል ጠቅላይ ፍርድ ቤት በዳኝነት ስርአቱ ላይ የሚታዩ የሙስና ተግባራትን ለመከላከል የሚያሰችል ስትራቴጂ ይፋ አደረገ።

የስትራቴጂው ፋይዳ እና በቀጣይ አተገባበሩ ዙሪያ በማተኮር ከዳኞችና ከሌሎች ከሚመለከታቸው አካላት ጋር ውይይት ተደርጓል።

በመድረኩ ላይ የተገኙት የፌዴራል ጠቅላይ ፍርድ ቤት ፕሬዝዳንት መዓዛ አሸናፊ፤ በፍትህ አሰጣጥ ሂደት የትውውቅ አሰራር፣ ጉቦና የመሳሰሉት ብልሹ አሰራሮች ፈተና እየሆኑ መምጣታቸውን ገልጸዋል።

የዳኞች አገልግሎት አሰጣጥ ከሙስና ተግባር የፀዳ መሆን እንዳለበት ጠቅሰው፤ አንዳንድ ዳኞች፣ የጉባኤ ተሿሚዎችና የፍርድ ቤት ሰራተኞች በሙስና ፍትሕ እንዲዛባ እየሰሩ መሆናቸውን ተናግረዋል።

በዳኝነት ሥርዓቱ ውስጥ የሚፈጸም ሙስና በተገልጋዩ እና ፍትሕ ፈላጊው ላይ ተስፋ እያሳጣ ስለመሆኑ አንስተዋል።

የሙስና ወንጀል ለሕግ የበላይነት እንከን ሲሆን ለወንጀል መበራከትም ምክንያት ይሆናል ነው ያሉት ፕሬዝዳንቷ።

በቅርቡ የተደረገ ጥናት እንደሚያሳየው ሕዝቡ በዳኝነት አካሉ ላይ ያለው አመኔታ 75 በመቶ ሲሆን የተገልጋዮችን ጉዳይ ጨርሶ የመመለስ 87 በመቶ ሆኗል።

በመሆኑም በዳኝነት ላይ የሚታዩ የሙስና ተግባራትን ለመከላከልና ለመቆጣጠር የሚያስችል ስትራቴጂ መቅረጽ አስፈልጓል ነው ያሉት።

በስትራቴጂው የሙስና ተግባር በፍርድ ቤቶች ያለበት ደረጃ፣ ለሙስና በር ሊከፍቱ የሚችሉ የዳኝነት አገልግሎት አሰጣጦችና መገለጫዎች፣ ሙስናን ለመከላከልና ለመቆጣጠር ጥቅም ላይ የሚውሉ ስልቶች መካተታቸውን አብራርተዋል።

የዳኝነት አገልግሎቱ ከሙስና የፀዳ እንዲሆን የዳኞች ሚና ከፍተኛ መሆኑን ጠቁመው፤ ለዚህም የድርሻቸውን እንዲወጡ አስገንዝበዋል።

የዳኝነት አካሉን ተቋማዊ ነጻነት ለማረጋገጥና የሕዝብ አለኝታ የሆነ ፍርድ ቤት ለመገንባት ባለፉት ሦስት ዓመታት የተለያዩ ተግባራት መከናወናቸውን አስታውሰዋል።

የህግ ማሻሻያዎችን በማድረግ፣ የአምስት ዓመት ስትራቴጂያዊ እቅድ በማውጣት፣ የጉዳዮች ፍሰት አስተዳደር መመሪያ በማጽደቅ የዳኝነት አገልግሎት አሰጣጡ ቀልጣፋ፣ ተደራሽ፣ ፍትሃዊና ጥራት ያለው እንዲሆን ለማስቻል ተግባራዊ እንቅስቃሴዎች እየተደረጉ መሆናቸውን ተናግረዋል።

የመድረኩ ተሳታፊ ዳኞች የዳኝነት ሙያ ከፍተኛ ስነ-ምግባርን መላበስ እና ለማኅበረሰቡም ተምሳሌት መሆንን የሚጠይቅ በመሆኑ ለዚህ ልንዘጋጅ ይገባል ብለዋል።

ራስን ከማይገባ ፍላጎት በማራቅ ሙያው የሚጠይቀውን ቁጥብነትና ስነ-ምግባር በመላበስ የሕዝብ አመኔታ ያለው ጠንካራ የዳኝነት ተቋም መገንባት አስፈላጊ እንደሆነም ገልጸዋል።

ለዚህም ስትራቴጂው ከሙስና የፀዳ የስነ-ምግባር እሴት የሚንጸባረቅበት የዳኝነት አካል ለመገንባት በእጅጉ የሚያግዝ መሆኑን አንስተዋል።

ለስትራቴጂው ትግበራ አጋዥነት በሚቀጥሉት ሳምንታት በዳኞች ውይይት የሚደረግ እና ግብአቶች የሚሰበሰቡ ሲሆን በቀጣይም የስትራቴጂው ትግበራ የሚከናወን ይሆናል ሲል ኢዜአ ዘግቧል።

Related posts:

በሳዑዲና ኢራን በሞት የሚቀጡ ሰዎች ቁጥር ጨምሯልMay 26, 2022
የመሰረተ ልማት ቀበኞች ላይ " የሞት ቅጣት"May 26, 2022
ኢሳያስ - ዘመቻው እስከ መጨረሻ ቀብር ይሆናል ሲሉ ትህነግን አስጠነቀቁMay 25, 2022
በአማራ ክልል እፎይታ እየነገሰና የትህነግ የወረራ ዕቅድ መምከኑ ተሰማMay 25, 2022
ንግድ ባንክ ለአፈር ማዳበሪያ ግዥ ከ50 ቢሊየን ብር በላይ ወጪ ማድረጉን አስታወቀMay 25, 2022
ቢለኔ ታይም መጽሔትን ማብራሪያ ጠየቁ፤ የተሰላ ጥቃትና የአንድ ወገን ትርክት ማቅረቡን ኮንነዋልMay 25, 2022
"ከውስጥ በር ለማስከፈት ... ከጣራ በላይ ጩኸት" አብን አማራን ለሶስተኛ ዙር ወረራ እያመቻቹ ያሉትን በይፋ አወገዘMay 24, 2022
በኢትዮጵያ በተከሰቱ ግጭቶች ሁሉ የትህነግ እጅ እንዳለባቸው በመረጃ ተረጋገጠMay 24, 2022
"መስከረም አበራ የአማራ ክልልን ከፌደራል መንግስት ለመነጠል ገንዘብ ተከፍሏት እየሰራች ነው" ሲል ፖሊስ ገለፀMay 23, 2022
ፋኖ እየጨፈረ ከመከላከያና አማራ ልዩ ሃይል ጋር የግዳጅ ቀጠናውን ተረከበMay 23, 2022
የጉምሩክ የታክስ ኢንተለጀንስ ባለሙያ ጉቦ ሲቀበል እጅ ከፍንጅ ተያዘMay 23, 2022
ተልዕኮ አስፈጻሚዎችና ከ1780 በላይ ሕዝባዊ ኀላፊነታቸውን ያልተወጡ ተጠርጣሪዎች ተያዙMay 23, 2022

Leave a Reply